လွတ်လပ်သော မွန်သတင်းအေဂျင်စီ
မွန်အမျိုးသားရေးရာအဖွဲ့ချုပ် MAU မှကြီးမှူး၍ ၂၅၅ နှစ်မြောက် ဟံသာ ဝတီ မွန် နေ ပြည်တော်ကျဆုံးခြင်း အခမ်းအနားကို ထိုင်းနိုင်ငံ၊ ကန်ချ နပူရီခရိုင်၊ စံခလပူရီမြို့(ဝင်းကရွာ)၌ ယမန်နေ့နံနက်ပိုင်းတွင် အခမ်း အနား ကျင်းပ ခဲ့သည်။
စံခလပူရီမြို့၊ Sangkhlia Resort ၌ နံနက်(၇) နာရီတွင် မွန်သံဃာတော်(၉) ပါးအား ဆွမ်းကျွေးတရား တော်နာယူခဲ့ပြီး နံနက်(၈)နာရီအချိန်တွင် ဟောပြောမှုအစီအစဉ်ကို ၄၅ မိနစ်ကြာမျှကျင်းပခဲ့သည်။
အခမ်းအနားသဘာပတိတစ်ဦးဖြစ်သူ နိုင်ကောင်းတလရွတ်က “ပဲခူး ဟံ သာဝတီ ပြည်ကြီး ကျဆုံး ခဲ့တာကို သင်ခန်းစာ တွေရယူ နိုင်တယ်၊ လက်ရှိ ပစ္စုပ္ပန် မွန် အမျိုးသား တွေရဲ့အခြေအနေကို သုံးသပ်ပြီး အနာ ဂတ်ကို ဘယ်လိုတည်ဆောက်သွားရမလဲဆိုတာကိုလည်း မွန်အမျိုးသားရေးရာအဖွဲ့ချုပ်ရဲ့ဦးဆောင်မှုနဲ့အတူ အမျိုးသား ညီညွတ်ရေး ကိုတည်ဆောက် ကြပါ” ဟု နိဂုံးချုပ် မိန့်ခွန်းတွင် ထည့်သွင်း ပြောကြား ခဲ့သည်။
ယင်းအခမ်းအနားသို့ နယ်စပ်ရှိမွန်လူမှုအဖွဲ့အစည်းအသီးသီးမှ လူအင်အားတစ်ရာကျော်တက်ရောက် ခဲ့သည်ကို တွေ့ရှိခဲ့ရသည်။
“မွန်ပြည်သစ်ပါတီ အပစ်အခတ်ရပ်စဲပြီးကာလမို့ နယ်စပ်ကလူငယ်တွေ ပြည်တွင်းဖက်ကိုဝင်ရောက်သွားကြ တယ်၊ ဒါကြောင့် အရင်နှစ် တွေထက် ဒီနှစ်က လူငယ် အင်အား ပိုနည်းသွား တာဖြစ်တယ်” ဟု ကျင်းပရေး အဖွဲ့ဝင် တစ်ဦးက သုံးသပ်သည်။
အလားတူအခမ်းအနားများကို ထိုင်းနိုင်ငံ၊ မဟာချိုင်မြို့ရှိ ဝပ်ခွပ်မွန်ဘုန်းတော်ကြီးကျောင်းတွင်၎င်း၊ မွန်ပြည်နယ်၊ ကျိုက်မရောမြို့နယ်တွင်၎င်း အခမ်းအနားဖြင့် ကျင်းပခဲ့ကြသည်။
စံခလပူရီမြို့၊ ဝင်းကရွာ၏ ၂၅၅ နှစ်မြောက်ဟံသာဝတီမွန်နေပြည်တော် ကျဆုံးခြင်းအခမ်းအနား ကျင်းပရေး ကော်မတီဥက္ကဌနိုင်ဝံသ က “လွန်ခဲ့တဲ့ ၅ နှစ် အနှစ် ၂၅၀ မြောက် ဟံသာ ဝတီပြည် ကျဆုံးတဲ့ နှစ်ကစပြီး တတိယနိုင်ငံရောက်မွန်တွေ၊ ထိုင်းနယ်စပ်နဲ့ ပြည်တွင်းက မွန်တွေ ဒီအခမ်း အနားကို ကြီးကျယ် ခမ်းနား စွာနဲ့ စပြီး ကျင်းပ ခဲ့ကြတာ ဒီနှစ် အထိ ပါပဲ၊” ဟု ပြောသည်။
ထို့အပြင် အမေရိကန်၊ ကနေဒါ၊ သြစတေလျ၊ နယူးဇီလန်၊ ဒိန်းမတ်၊ ဆွီဒင်၊ အင်္ဂလန်ရောက် မွန်တိုင်းရင်း သားများကလည်း အခမ်း အ နားများ ကျင်းပ ခဲ့သည်။
ကောဇာသက္ကရာဇ် ၁၁၁၉ ခုနှစ်၊ ကဆုန်လဆုတ်(၈) ရက်နေ့တွင် အလောင်းမင်းတရားကြီးဦးအောင်ဇေယျက မွန်နေပြည်တော်ဟံသာဝတီ(ပဲခူး) ကိုတိုက်ခိုက်သိမ်းပိုက်ခဲ့သောနေ့ရက်ကို ဟံသာဝတီ ကျဆုံး သည့်နေ့အဖြစ် သတ်မှတ်ခဲ့သည်။
No comments:
Post a Comment