Friday, May 4, 2012

မြန်မာပြည် လျှပ်စစ်မီး ဘယ်လိုထုတ်မှာလဲ

ရန်ပိုင်

သမ္မတ ဦးသိန်းစိန် အစိုးရက စီးပွားရေးမြို့တော် ရန်ကုန်ကို ၂၄ နာရီမီးပေးနိုင်ရေး ကြိုးပမ်းနေကြသော်လည်း မန္တလေးမြို့နှင့် တခြား သောမြို့ကြီးများတွင် ယခုရက်ပိုင်းအတွင်း လျှပ်စစ်မီးပြတ်တောက်မှု ပိုမိုဆိုးရွားလာနေသည်။

အလှည့်ကျမီးပေးစနစ်ကို ကျင့်သုံးနေသည့် မန္တလေးမြို့တွင် သင်္ကြန်ကာလမတိုင်မီက ၂၄ နာရီခန့် ပုံမှန်မီးရရှိခဲ့သော်လည်း လွန်ခဲ့သည့် တ ပတ်ခန့်မှစတင်ကာ မီးပျက်သည့်အချိန် ပိုမိုများပြားလာကြောင်း မန္တလေးမြို့ခံ စာနယ်ဇင်းသမားတဦးက ပြောသည်။

“အချိန်ပိုင်းနဲ့လာလည်း ပျက်ချင်ပျက်နေတာ။ ရာသီဥတုပူတော့ လူတိုင်းက ပန်ကာတို့ အဲယားကွန်း၊ ရေခဲသေတ္တာတို့ သုံးချင်တယ်။ ကျန်း မာရေး မကောင်းတဲ့ လူမမာတွေ အရမ်းဒုက္ခရောက်တယ်” ဟု ၎င်းကဆိုသည်။

ဖယောင်းတိုင်၊ ရေနံဆီမီးခွက်စသည်တို့ကို အစားထိုးသုံးစွဲရသည့်အတွက် မီးဘေးအန္တရာယ် စိုးရိမ်ရကြောင်း၊ မီးလောင်မှုများ မကြာခဏ ဖြစ်ပွားလာကြောင်း၊ သောက်သုံးရေ အခက်အခဲလည်း ရှိလာ ကြောင်း အဆိုပါ စာနယ်ဇင်းသမားက ပြောသည်။

ပြည်ကြီးတံခွန်မြို့နယ်နှင့် ချမ်းမြသာစည်မြို့နယ်များတွင် တနေ့လျှင် ၃ နာရီခန့်သာ မီးလာကြောင်း သိရသည်။

လျှပ်စစ်ဝန်ကြီးဌာနကမူ မန္တလေးတိုင်း ရဲရွာရေအားလျှပ်စစ်စက်ရုံရှိ တာဘိုင်တချို့ကို ပြုပြင်နေခြင်းနှင့် မဟာဓာတ်အားလိုင်းများ အ ပြောင်း အရွှေ့ ပြုလုပ် နေခြင်း၊ လျှပ်စစ်သုံး ပစ္စည်း များကို တိုးမြှင့် သုံး စွဲ လာသည့် အတွက် လျှပ်စစ် ဓာတ်အား ပိုမို သုံးစွဲ ရခြင်း ကြောင့် ထိုသို့ ပြတ်တောက် မှုများ ဖြစ်ပွားရသည်ဟု ဒေသခံ များကို ရှင်းလင်း ပြောဆို ကြောင်း သိရသည်။

အစိုးရသစ်လက်ထက် လျှပ်စစ်မီတာခများ တိုးမြှင့်လိုက်ရာ အိမ်သုံးလျှပ်စစ်မီတာခ တယူနစ်လျှင် ၃၅ ကျပ်၊ လုပ်ငန်းသုံးမီတာခ တယူနစ် လျှင် ၇၅ ကျပ်နှုန်း သတ်မှတ်ခဲ့သော်လည်း မန္တလေးရှိ တချို့သော မြို့နယ် များတွင် မီးသုံး စွဲမှု များသည့် အိမ်များကို မီတာခ များတိုးမြှင့် ကောက်ခံကြောင်း သိရှိ ရသည်။

“အိမ်တွင်းရေခဲထုတ် ရောင်းတဲ့သူတွေနဲ့ မီးချောင်း ၅ ချောင်းအထက် သုံးတဲ့သူတွေကို ၇၅ ကျပ် တိုးကောက်တယ်။ စက်မှုလုပ်ငန်းရှင် တွေအတွက် ပြဿနာမရှိပေမယ့် လူလတ် တန်းစားတွေ နစ်နာတယ်” ဟု မန္တလေးမြို့ခံ စာနယ်ဇင်းသမားက ပြောသည်။

အလားတူ မုံရွာ၊ ပခုက္ကူ၊ မကွေး၊ ပြည် စသည်မြို့များတွင်လည်း မီးပြတ်တောက်မှုမှာ ပိုမိုဆိုးရွားလာကြောင်း သိရသည်။

ပြည်မြို့ခံတဦးက “မီးတွေအရမ်းပျက်လို့ လူစုပြီး ဆန္ဒပြဖို့ ပြီးခဲ့တဲ့ရက်ပိုင်းက ရဲစခန်းကို ခွင့်တောင်းတယ်။ အဲဒီလိုလုပ်ပြီး မကြာဘူး မီးပုံ မှန်လာတယ်။ အခု အရင်အတိုင်းပြန်ပြီး ပျက်နေပြန်ပြီ” ဟု ဆိုသည်။

အစိုးရမှ ရေအားလျှပ်စစ် ထုတ်လုပ်ရေးအတွက် စီမံကိန်းချ လုပ်ဆောင်နေသည်ဟု ပြောဆိုသော်လည်း မီးပုံမှန်မရကြောင်း၊ ထွက်ရှိသည့် လျှပ်စစ်ဓာတ်အားများကို တရုတ်နိုင်ငံသို့သာ ရောင်းချနေသည်ဟု သိရကြောင်း၊ ပြည်မြို့ခံများအနေဖြင့် မီးပုံမှန် ရရှိရေးအတွက် ဆန္ဒ ထုတ်ဖော်မှုများကို လုပ်ဆောင်လာနိုင်ကြောင်း ၎င်းက ဆက်လက်ပြောသည်။

ရန်ကုန်မြို့တွင်မူ မတ်လအတွင်းက လျှပ်စစ်မီးပြတ်တောက်မှု ဖြစ်ပေါ်ခဲ့သော်လည်း ယခုအခါ ပုံမှန်ရရှိနေကြောင်း သိရသည်။

ပြီးခဲ့သည့် တနင်္ဂနွေနေ့က နေပြည်တော်၌ အစိုးရအဖွဲ့ဝင် ၀န်ကြီးတချို့နှင့် စာနယ်ဇင်းသမားများ တွေ့ဆုံရာတွင် စက်မှုဝန်ကြီး ဦးစိုးသိန်း က ရန်ကုန်မြို့ ပုံမှန် လျှပ်စစ်မီးပေးရရှိရေးအတွက် ၂၅ မဂ္ဂါဝပ် ထုတ်လုပ် နိုင်သည့် ရွေ့ပြောင်း မီးစက်ကြီး ၄လုံးကို အမေရိကန် အခြေစိုက် General Electric (GE) ကုမ္ပဏီထံမှ ငှားရမ်းထားကြောင်း ပြောဆိုခဲ့သည်။

ထို့အပြင် အဆိုပါ GE ကုမ္ပဏီသည် ရန်ကုန်မြို့သို့ လျှပ်စစ်မီးဖြန့်ဖြူးနေသည့် သာကေတရှိ သဘာဝဓာတ်ငွေ့သုံး ဓာတ်အားပေး စက်ရုံမှ ချို့ယွင်းနေသည့် တာဘိုင်စက်များကိုလည်း အခမဲ့ ပြုပြင် ပေးမည် ဖြစ်ကြောင်းလည်း ထည့်သွင်းပြောဆိုသွားသည်။

ကမ္ဘာ့ဘဏ်နှင့် အာရှဖွံဖြိုးရေးဘဏ်တို့ အဆိုအရ မြန်မာပြည်လူဦးရေ သန်း ၆၀ ရှိရာ ၂၅ ရာခိုင်နှုန်းသာ လျှပ်စစ်မီးရပြီး ပျမ်းမျှ တဦးလျှင် ၁၀၄ ကီလိုဝပ်သာ သုံးစွဲနိုင်သောကြောင့် ကွန်ဂိုနှင့် နီပေါနိုင်ငံတို့နည်းတူ မြန်မာနိုင်ငံသည်လည်း ကမ္ဘာပေါ်တွင် လျှပ်စစ်သုံးစွဲနိုင်မှု အ နိမ့် ကျဆုံး နိုင်ငံတနိုင်ငံဖြစ်ကြောင်း သိရသည်။

မြန်မာနိုင်ငံ၌ သုံးစွဲနေသည့် လျှပ်စစ်ဓာတ်အား အများစုမှ ရေအားမှ ထုတ်လုပ်ခြင်းဖြစ်ပြီး ရခိုင်ကမ်းလွန်ဒေသနှင့် မုတ္တမပင် လယ်ကွေ့မှ ထွက်ရှိသည့် သဘာဝဓာတ်ငွေ့ကို တရုတ်နိုင်ငံနှင့် ထိုင်းနိုင်ငံသို့ တင်ပို့ရောင်းချသည်။

ပြည်ထောင်စု လျှပ်စစ်ဝန်ကြီး ဦးဇော်မင်းက လျှပ်စစ်ဓာတ်အားသုံးစွဲမှု ပိုမိုများပြားလာသည့်အတွက် လိုအပ်သည့် ပမာဏပြည့်မီရန် တရုတ်နိုင်ငံမှ မီဂါဝပ် ၁၀၀ ပြန်လည်ဝယ်ယူပြီး ဖြန့်ဖြူးပေးရန် စီစဉ် နေကြောင်း ဧပြီလ ၃၀ ရက်နေ့ထုတ် အစိုးရသတင်းစာများတွင် ရေး သား ထားသည်။

မြန်မာနိုင်ငံ၏ လျှပ်စစ်ထုတ်လုပ်မှု ပမာဏ ၇၀ ရာခိုင်နှုန်းသည် ရေအားမှ လည်းကောင်း၊ ၂၀ ရာခိုင်နှုန်းမှာ သဘာဝဓာတ်ငွေ့မှ လည်း ကောင်း၊ ၉ရာခိုင်နှုန်းမှာ ကျောက်မီးသွေးမှ လည်းကောင်း ရရှိကြောင်း အစိုးရက ထုတ်ပြန်သည့် စာရင်းဇယားများအရ သိရသည်။

လေ့လာသူများက အနာဂတ်စီးပွားရေး ဖွံဖြိုးတိုးတက်မှုနှင့်လူမှုဘ၀သာယာရေးအတွက် မရှိမဖြစ်လိုအပ်သော လျှပ်စစ်မီးကို နေပြည် တော်အစိုးရက အရေးတယူဂရုတစိုက် အမြန်ဆုံး စဉ်းစား လုပ်ဆောင် ရန် လိုနေကြောင်း ထောက်ပြ ဝေဖန် ကြသည်။

လျှပ်စစ်ထုတ်လုပ်ရေးအတွက် တည်ငြိမ်မှုမရှိသည့်အပြင် သဘာဝပတ်ဝန်းကျင်နှင့် ဒေသခံလူထုဘ၀ ပျက်စီးစေနိုင်သည့် ရေအားလျှပ်စစ် ထုတ်လုပ်မှု ချဲ့ထွင်ရေးမှာ အကန့်အသတ်များကြောင်း၊ သဘာဝဓာတ်ငွေ့မှ ထုတ်ယူရန်မှာ ရေရှည်အတွက် အလားအလာကောင်းများ ရှိသော်လည်း ရင်းနှီးမြုပ်နှံမှုပမာဏ ကြီးမားသောကြောင့် အချိန်ယူရမည်ဖြစ်ကြောင်း၊ ရေတိုအတွက်မူ ကျောက်မီးသွေးမှ ထုတ်ယူနိုင် ကြောင်း၊ သို့သော် သဘာဝပတ်ဝန်းကျင်အတွက် စဉ်းစားရန်လိုကြောင်း ဆိုသည်။

ပြီးခဲ့သည့် တပတ်က ထားဝယ်ရေနက်စီမံကိန်းအတွက် လျာထားထားသည့် မီဂါဝပ် ၄၀၀၀ ထုတ်မည့် ကျောက်မီးသွေးလျှပ်စစ်စွမ်းအင် ထုတ်လုပ်ရေးစက်ရုံကို သဘောမတူ၍ အီတလီ-ထိုင်းကုမ္ပဏီက ရင်း နှီးမြုပ်နှံမှု ပြန်ရုတ်မည်ဟု ပြောဆိုခဲ့သော်လည်း ဂျပန် ကုမ္ပဏီများ က ၀င်ရောက်ကူညီမည်ဟု ပြောဆိုခဲ့အပြီး စီမံကိန်း ဆက်လက်အကောင်အထည်ဖော်ရေး နှစ်နိုင်ငံလမ်းပြန်ပွင့်လာခဲ့သည်။

သမ္မတဦးသိန်းစိန်ကလည်း ဂျပန်ခရီးစဉ်အတွင်း ကျောက်မီးသွေးမှ ထုတ်လုပ်သော လျှပ်စစ်စက်ရုံများသို့ သွားရောက် လည်ပတ် ကြည့် ရှုခဲ့ သေးသည်။

No comments: