၎င်းဆုတောင်းပွဲသို့ နိုင်ငံရေးပါတီများ၊ အမျိုးသား ခုခံအားကျဆင်းမှု တိုက် ဖျက်ရေးဌာန၊ ကုလသမဂ္ဂ-UN၊ NGO၊ LNGO မှ ကိုယ်စား လှယ်များ၊ လူထု အခြေပြု အဖွဲ့အစည်း-CBO များနှင့် ဘာသာရေး ခေါင်း ဆောင်များ တက် ရောက် ခဲ့ကြ သည်။
အခမ်းအနားကို ပြည့်တန်ဆာများကွန်ယက်၊ မူးယစ်ဆေး သုံးစွဲ သူများ ကွန် ယက်၊ လိင်တူ ချစ်သူ များကွန်ယက်၊ မြန်မာ ပေါ့စတစ် ကွန်ယက်၊ မြန်မာ့ အ မျိုး သမီး ကွန်ယက်၊ ဘာသာ ပေါင်းစုံ ကွန်ယက်၊ ပြည်တွင်း လူမှုရေးအဖွဲ့အစည်းများကွန်ယက် စသည့် ကွန်ယက်အဖွဲ့ ၇ခုမှ ဦးဆောင်ကျင်းပခဲ့ခြင်း ဖြစ်သည်။
အစီအစဉ်အရ UNDP ၊ UNAIDS ၊ NAP တို့မှ နှုတ်ခွန်းဆက် စကားများ ပြောကြားခဲ့ကြပြီး UNAIDS မှ အာရှ-ပစိဖိတ်ဒေသဆိုင်ရာ ကိုယ် စားလှယ်က HIV ဝေဒနာသည်များမှာလည်း လူသားချင်းအတူတူ ဖြစ်သောကြောင့် လူ့ဂုဏ်သိက္ခာရှိကြောင်းနှင့် ၎င်းတို့အား ထိန်းသိမ်း စောင့်ရှောက်ရမည်ဖြစ်ကြောင်း ထည့်သွင်းပြောကြားသွားခဲ့သည်။
ထို့အပြင် မူးယစ်ဆေးသုံးစွဲသူများကွန်ယက်မှ ကိုယ်စားလှယ်ကလည်း “ရောင်းဝယ်တာက ရာဇ၀တ်မှုမြောက်လို့ ဖမ်းတာတော့ ဟုတ်ပါ တယ်။ သုံးလို့ ထိရောက်တဲ့ ကုသမှုတွေလည်း လုပ်ပေးကြဖို့လည်း လိုပါတယ်”ဟု တက်ရောက်သူများအား ပြောကြားခဲ့သည်။
ယခုလို မီးထွန်းဆုတောင်းပွဲကို လွန်ခဲ့သည့် နှစ် ၃၀ခန့် (၁၉၈၃ခုနှစ်)က အမေရိကန်နိုင်ငံရှိ လူငယ် ၄ဦးမှ စတင်ခဲ့ခြင်းဖြစ်ပြီး ယခုအခါ ကမ္ဘာနိုင်ငံပေါင်း ၁၀၀ကျော်မှ အဖွဲ့အစည်းပေါင်း ၁၂၀၀ကျော် ပါဝင် သော HIV/ AIDS အထိမ်းအမှတ် မီးထွန်းဆုတောင်းပွဲကို နှစ်စဉ် မေလ တတိယပတ် တနင်္ဂနွေနေ့တိုင်း ကျင်းပလေ့ရှိကြသည်။
No comments:
Post a Comment