သူပုန်ကျောင်းသားတဦးရဲ့ မာရသွန်ခရီး (၄၅)

ထက်အောင်ကျော်

စစ်ပြေး ဒုက္ခသည်စခန်းများဆီသို့

မှတ်တမ်းတွေအရ ထီးခီးရုံးဆီ အိမ်ထောင်သည်လိုင်းက မိသားစုတွေ ရောက်လာတဲ့ အချိန်ဟာ ၁၉၉၇ ဖေဖော်ဝါရီလ ၂၂ ရက်နေ့လို့ သိရပါတယ်။ ကျနော့်အထင် ထီးခီးမှာ ၃ ရက်လောက် နေပြီးတဲ့နောက် န၀တ တပ်တွေ ထီးခီးစခန်းအနီးထိ ရောက်လာနေပြီလို့ သိရတဲ့ အတွက် မိသားစုတွေကို ထိုင်းနယ်မြေထဲ ထွက်ခွင့် KNU က ခွင့်ပြုလိုက်ပါတယ်။ အဲဒီ ၃ ရက်တာ အတွင်း ကြုံခဲ့ရတဲ့ အဓိက အခက်ခဲ ကတော့ အိမ်သာမရှိခြင်း၊ သောက်ရေ၊ ချိုးရေ မလုံလောက်ခြင်းနဲ့ ကလေးသူငယ်တွေ ဖျားနာခြင်းပဲ ဖြစ်ပါတယ်။

တနည်းအားဖြင့် ပြောမယ်ဆိုရင်တော့ ရှေ့လျှောက် ကြုံလာရတော့မယ့် ဒုက္ခသည် စခန်းရဲ့ ရှေ့ပြေးလက္ခဏာတွေလို့ ဆိုနိုင်မယ်ထင် ပါတယ်။

KNU က မိသားစုတွေ၊ ရွာသူရွာသားတွေနဲ့အတူ ကျနော်တို့ မိသားစုတွေ ထိုင်းနယ်စပ်ဘက် ထွက်လာတော့ အမျိုးသမီး၊ ကလေးသူငယ် နဲ့ သက်ကြီးရွယ်အိုတွေ လောက်ပဲလက်ခံမယ်၊ လူငယ် အမျိုးသားတွေကို လက်မခံဘူးဆိုပြီး ထီးခီး လုံခြုံရေးဂိတ်မှာရှိတဲ့ KNU စစ်သား တွေက တားထားပါတယ်။

“သူတို့တွေချည်း မဖြစ်ဘူး။ လိုအပ်တာတွေ စီမံခန့်ခွဲဖို့ တာဝန်ရှိသူတွေလည်း လိုက်ဖို့လိုတယ်” လို့ ပြောပေမယ့် မရပါဘူး။ ကံကောင်းချင်တော့ အဲဒီအချိန်မှာ အရှေ့ပိုင်းမှာ ကျနော်တင်ပြခဲ့ဖူးတဲ့ ထိုင်း ထောက်လှမ်းရေး စစ်ဗိုလ်က ဆိုင်ကယ်တစီးနဲ့ ရောက်လာတာနဲ့ တိုးပြီး သူ့ဆိုင်ကယ်နဲ့ ကျနော် လိုက်သွားခဲ့ပါတယ်။ ကျန်တဲ့ ရဲဘော်တွေကတော့ ထီးခီး ဂိတ်မှာ ကျန်နေခဲ့ ပါတယ်။

ထီးခီးဂိတ်ကနေ ဖုနန်းလွန် ရွာက ထိုင်းရပ်ကွက်နဲ့ ကရင်-မွန် ရပ်ကွက်ကြားရှိ သတ္ထုမိုင်းဟောင်း ရေကန်ကြီးအနီးက ယူကလစ်ပင်တန်း အောက်ဆီ တနာရီနီးပါး လမ်းလျှောက်ရပြီး အဲဒီနေရာအရောက်မှာ စခန်းချဖို့ ထိုင်း လုံခြုံရေး တပ်တွေက နေရာပေးပါတယ်။ နေရာ ပေးတယ်ဆိုပေမယ့် ဘာမှမရှိတဲ့ ယူကလစ်ပင်တန်း အောက်မှာ နေဖို့ ပြောတာပါ။ ဒီတော့ ကျနော်တို့မှာ ပါလာတဲ့ သွပ်ပြားဟောင်းတွေ။ ၀ါးလုံး ဟောင်းတွေနဲ့ ဖြစ်သလို အမိုးလုပ်ပြီး မြေကြီးမှာပဲ အိပ်ကြရပါတယ်။

KNU မိသားစုတွေ၊ တခြား အရပ်သား မိသားစုတွေလည်း ဒီလိုပါပဲ။ တချို့ဆို အမိုးတောင်မရှိဘဲ သစ်ပင်အောက်မှာ ဒီလိုပဲအိပ်ကြရ ပါ တယ်။ နောက်တနေ့မှာတော့ NGO အဖွဲ့တချို့ ရောက်လာပြီး အဖြူ – အစိမ်း စင်းကြောင်းပုံပါတဲ့ ပလတ်စတစ် စတွေ၊ ဆန်နဲ့ ရိက္ခာတချို့ လာဝေပေးပါတယ်။

အဲဒီအချိန် ထီးခီးမှာ ကျန်ခဲ့တဲ့ ရဲဘော်တချို့လည်း ကျနော်တို့ ဒုက္ခသည် စခန်းဆီ ရောက်လာကြပါတယ်။ ဒါပေမယ့် မကြာပါဘူး၊ နောက်တရက်မှာတော့ ထိုင်းစစ်သားတွေ ကိုယ်တိုင် (ဒေသအခေါ် ထိုင်း ပြည်သူ့စစ် အော်စော်တွေ) စခန်းထဲ ၀င်လာပြီး အမျိုးသမီး၊ ကလေးသူငယ်နဲ့ သက်ကြီး ရွယ်အိုတွေမှအပ အမျိုးသား လူငယ်တွေကို လက်မခံဘူး။ မြန်မာနယ်ထဲ ပြန်ဝင်ရမယ် ဆိုပြီး အားလုံးကို ခေါ်သွားပါတယ်။ ကျနော်နဲ့ ဦးစိုးဝင်း ၂ ဦးကိုတော့ စီမံခန့်ခွဲရေးအတွက် မဖြစ်မနေ ချန်ထားပေးပါလို့ တောင်းပန်ပြီး နေခဲ့ရပါတယ်။

အဲဒီစခန်းမှာ ကျနော်တို့ ကျောင်းသား မိသားစုတွေ နေခွင့်ရတဲ့နေရာက မြောက်ဘက် အစွန်မှာဖြစ်ပြီး ကျနော်တို့ဘေးမှာ ညစ်ပတ်နေတဲ့ ရေကန်တခု ရှိပါတယ်။ မိသားစုတွေကို စနစ်တကျ နေရာချပေးထားပေမယ့် ထမင်းချက်ဖို့ အိုး မလုံလောက် တာ၊ ထင်းမရှိတာ၊ ရေခပ်ဖို့ နေရာဝေးတာ၊ သောက်ရေမရှိတာ၊ အိမ်သာမရှိတာ၊ ရေချိုးဖို့နေရာ မရတာ စသဖြင့် ပြဿနာတွေ စုံနေတာပါပဲ။

ဒီလို ပြဿနာများစွာနဲ့ ကြုံနေရတဲ့ကြားထဲ ကိုအောင်မျိုးမင်းနဲ့အတူ နိုင်ငံခြား သတင်းထောက် တချို့ ကျနော်တို့ဒုက္ခသည် စခန်းဆီ ရောက်လာကြ ပြန်ပါတယ်။ ဘန်ကောက်ပို့စ် သတင်းစာက ရတ် ဘချိုကို ကျနော် ကောင်းကောင်း မှတ်မိနေပေမယ့် တခြားသတင်း ထောက်တွေကို မမှတ်မိတော့ပါ။

သူတို့နဲ့ အတူ တပ်မ ၉ က အရာရှိတွေ ပါလာပြီး သတင်းစာရှင်းပွဲ သဘောမျိုး လုပ်သွားတာ ဖြစ်ပါတယ်။ ဒီတကြိမ်မှာတော့ ကိုအောင် မျိုးမင်းက စိတ်ကူးသစ် ပေါ်သွားပြီး သူ့ဗီဒီယို ကင်မရာကို ပြန်ယူမသွားတော့ဘဲ ကျနော့်ဆီမှာ အပ်ထားခဲ့ပါတယ်။ ဆိုလိုတာကတော့ စခန်းတွင်း ထူးခြားချက်တွေကို ကျနော်က ဗီဒီယိုရိုက်ထားရမှာဖြစ်ပြီး လူကြုံရှိတိုင်း ဘန်ကောက်က သူ့ဆီ ပို့ပေးရမှာဖြစ်ပါတယ်။

စစ်မြေပြင် သတင်းထောက်မှ ဒုက္ခသည် သတင်းထောက်အဖြစ်သို့

အမှန်အတိုင်း ၀န်ခံရရင် ဗီဒီယို ကင်မရာကိုင်ပြီး ဒုက္ခသည်စခန်းအတွင်း ကျနော် ဟန်ရေးပြနေပေမယ့် အဲဒီအချိန်အထိ ဗီဒီယို ရိုက်နည်း တခါမှ မသင်ဘူးသေးပါ။ ရုပ်သေ ကင်မရာ ရိုက်နည်းကိုလည်း ကျနော် မသင်ဘူးပါ။

ဒီလိုပဲ သူများရိုက်တာကို ကြည့်ဖူးရုံနဲ့ ခလုတ်နှိပ်တတ်ရင် ဖြစ်ပါတယ်ဆိုပြီး ရမ်းတုတ်နေခြင်း မျှသာ ဖြစ်ပါတယ်။ သူများရိုက်ထားတဲ့ ပုံတွေကို ကြည့်ရင်းနဲ့ ရုပ်သေ ကင်မရာ ရှုဒေါင့်ယူတာ သိပ်ဆိုးဆိုးဝါးဝါး မဖြစ်ပေမယ့် ရုပ်ရှင် – ဗီဒီယို ကင်မရာ ရိုက်တဲ့နေရာမှာတော့ အတော် ဒုက္ခများခဲ့ပါတယ်။ အဲဒီ အချိန်အထိ ကျနော့်စိတ်ထဲ ဗီဒီယို ဆိုတာ ပုံတွေ လှုပ်နေရမယ်လို့ပဲ နားလည် ထားတဲ့အတွက် ကင်မရာကို တချက်မှ ငြိမ်ငြိမ်မထားဘဲ Zoom ကို အနီးအဝေး တချိန်လုံး ကစားပြီး အရပ်ရှစ်မျက်နှာကို လှည့်ပတ် ရိုက်နေခဲ့ပါတယ်။

“ခင်ဗျားတင် မကဘူး၊ ဗမာ အတော်များများ ကင်မရာ စကိုင်ကိုင်ချင်းမှာ ဒီလိုပဲ လက် မငြိမ်ကြဘူး။ Zoom ကစားကြတာ ကလည်း အလွန်အကျွံပါပဲ” လို့ ကိုအောင်မျိုးမင်းက ကျနော့်ကို ပြောပါတယ်။

ဒါပေမယ့် သူဘာကို ဆိုလိုမှန်း ကျနော်ကောင်းကောင်း သဘောမပေါက်ပါဘူး။ ၂၀၀၆ နှောင်းပိုင်းမှာ DVB – TV အတွက်ကင်မရာ သင် တန်းတက်ရတဲ့ အချိန်ကျမှ ဗီဒီယို ကင်မရာဟာလည်း ရုပ်သေ ကင်မရာလိုပဲ ပုံ တကွက်ကို အနည်းဆုံး ၁၀ စက္ကန့် ကြာအောင် ငြိမ်ပြီး ရိုက်ဖို့လိုအပ်တယ်၊ အဲဒီတော့မှ တည်းဖြတ်တဲ့အခါ အဆင်ပြေတယ်လို့ သိခွင့်ရခဲ့ပါတယ်။ ပြီးတော့ Zoom ကစားတာကို လုံးဝရှောင်ဖို့၊ ဖြစ်နိုင်ရင် ရိုက်ကွက်တိုင်းအတွက် သုံးချောင်းထောက်တိုင် (Tripod) ကို မပျက်မကွက် သုံးဖို့၊ Tripod မသုံးဘဲ Zoom ကစားတာတွေ့ရင် လက်ညှိုးဖြတ်ပစ်မယ်လို့တောင် အမေရိကန် သင်တန်းဆရာက ပြောဖူးတာကို ကျနော် မှတ်မိနေပါတယ်။

နောက်တခါ စတိုရီ တခုအတွက် အခြေခံရိုက်ကွက် ၅ ခုပါဖို့လိုကြောင်း၊ အဲဒါတွေကတော့ အနီးကပ်ရိုက်ချက် (Close up)၊ အလယ်အ လတ် ရိုက်ချက် (Medium shot)၊ မြင်ကွင်းကျယ်ရိုက်ချက် (Wide shot)၊ သရုပ်ဖော်ရိုက်ချက် (Establishing shot) နဲ့ ပခုံးကျော် ရိုက် ချက် (Over the shoulder shot) တို့ ဖြစ်တယ်လို့ အဲဒီဆရာက ရှင်းပြပါတယ်။

တနည်းအားဖြင့် ပြောမယ်ဆိုရင်တော့ ဗီဒီယိုကင်မရာ စကိုင်ချိန်ကနေ ၁၀ နှစ် ကြာပီးမှ ဗီဒီယို ရိုက်နည်းကို သိခွင့်ရတယ် ဆိုပါတော့။

ဒါပေမယ့် “ဘာမှမသိရင် ဘာမှမဖြစ်ဘူး” ဆိုတဲ့ စကားနဲ့အညီ၊ ဘာမှမသိဘဲ လျှောက် ရိုက်ထားတဲ့ ပုံတွေကိုပဲ ကောင်းလှပြီလို့ ကျနော်က ထင်နေခဲ့တာပါ။ အဲဒီ ဖုနန်းလွန် ဒုက္ခသည်စခန်းမှာ သီတင်းတပတ်လောက် ကြာပြီး တဲ့ အချိန်မှာတော့ ဒီနေရာဟာ နယ်စပ်နဲ့ သိပ်နီးတဲ့အပြင် သောက်ရေ၊ ချိုးရေလည်း အဆင်မပြေတဲ့ အတွက် နေရာသစ်ဆီ ပြောင်းရ မယ်ဆိုပြီး အော်စော် (ထိုင်း ပြည်သူ့စစ်) တွေဆီကနေ အမိန့် ရောက်လာပါတယ်။ ပြီးတော့ ဆန်တင်တဲ့ကား (နယ်စပ်မှာတော့ နွားတင် တဲ့ ကားလို့ ခေါ်ကြပါတယ်) ၅ စီးလောက် ရောက်လာပြီး ဒုက္ခသည်တွေအားလုံးကို အဲဒီကားပေါ် မောင်းတင်ပါတယ်။ ကျနော့်အထင် ဒုက္ခသည်အားလုံး တထောင်ကျော်လောက် ရှိမယ်လို့ ထင်ပါတယ်။ ကျန်တဲ့ ဒုက္ခသည်တွေက ဒီအတိုင်း တက်သွားပေမယ့် ကျနော်တို့ကျတော့ အဲဒီလို တက်လို့မဖြစ်ပါဘူး။ ရုံးပစ္စည်းတချို့၊ သွပ်ပြားတချို့ကိုလည်း တင်ရပါသေးတယ်။

ဒီလိုနဲ့ ဖုနန်းလွန်ရွာကနေ ၂ နာရီနီးပါး ကားမောင်းရတဲ့ ဖုမ၀မ်ဆိုတဲ့ ရွာအနီးက ရေကန်ကြီး တခုဆီ ကျနော်တို့ဒုက္ခသည်တွေ ရောက် သွားပါတယ်။ ဒီနေရာဟာ ရေကန်ကြီးတခု ရှိတာကလွဲရင် နေရေးထိုင်ရေးက ဖုနန်းလွန်ထက်တောင် အခြေအနေ ပိုဆိုးပါတယ်။

ရောက်ရောက်ချင်း မှာတော့ ဒီလိုပဲ ရေကန်ဘေး တလျောက်မှာ ဖြစ်သလိုစခန်းချလိုက် ရပါတယ်။ ပြီးတော့ အော်စော်နဲ့ကရင်ဒုက္ခသည် ကော်မတီက ဒုက္ခသည်တွေကို လူစုခွဲပြီး ရပ်ကွက်အလိုက် နေရချပေးပါတယ်။ ရေကန်ဘေးက တောအုပ်ငယ်ကို လက်ညှိုးထိုးပြီး နေရာ ချပေးတာ ဖြစ်တဲ့အတွက် တောခုတ် ရှင်းလင်းတဲ့ အလုပ်ကို ၂ ရက်လောက် လုပ်အား ပေးလိုက်ရပါတယ်။ အဲဒီလိုရှင်းပြီးမှ စခန်းအစွန် ဆုံး ရေကန်ထောင့်မှာရှိတဲ့ တောင်ကုန်းလေးပေါ်မှာ ကျနော်တို့အဖွဲ့ နေရာယူလိုက်ပါတယ်။

ရေးရင်းနဲ့ သတိရလာတာက ကျနော်တို့မှာ လူဒုက္ခသည်တွေအပြင် ဘုန်းကြီးဒုက္ခသည် တပါးလည်း ပါလာပါသေးတယ်။ရှေ့ပိုင်းအခန်း မှာ ကျနော်တင်ပြခဲ့တဲ့အတိုင်း တပ်ရင်း ဘုန်းကြီးကျောင်းက ကျောင်းထိုင်ဆရာတော် ဦးပဉ္ဇင်း သန်းဇော်ဟာ ကျနော်တို့ မိသားစုတွေနဲ့အတူ သင်္ကန်းဝတ်နဲ့ပဲ လိုက်ပါလာတဲ့အတွက် ဒီတောင်ကုန်းလေးပေါ်မှာ ယာယီ ကျောင်းအဖြစ် ခုနက သွပ်ပြားဟောင်းတွေနဲ့ တဲတလုံး လုပ်ပေးထားရပါတယ်။ ကိုယ်တိုင် စားစမရာမရှိဖြစ်နေတဲ့ ကျနော်တို့ မိသားစုတွေဟာ ဘုန်းကြီး အတွက်တော့ မမေ့ကြပါဘူး။ အာရုံ ဆွမ်း နဲ့ နေ့ဆွမ်းအချိန်မီ ပို့ပေးနိုင်အောင် ကြိုးစားကြတာကို ကျနော် အမှတ်ရနေပါတယ်။

ဒုက္ခသည်စခန်းရဲ့ အခြားတဘက် မျက်နှာမှာ

ဖုမ၀မ်စခန်းမှာ သီတင်း ၂ ပတ်လောက်ကြာပြီး နည်းနည်း တည်ငြိမ်လာတဲ့ အခါမှာတော့ နယ်စပ် တောထဲက ကျနော်တို့ တပ်တွေနဲ့ ဆက်သွယ်ရေး၊ ဘန်ကောက်မှာရောက်နေတဲ့ ကိုမင်းအောင်နဲ့ ဆက်သွယ်ရေး ကိစ္စတွေကို ကျနော်တို့ ဆောင်ရွက်ခဲ့ပါတယ်။ အခု ကျ နော်တို့ ရောက်နေတဲ့ ဖုမ၀မ် ဒုက္ခသည် စခန်းဟာ နယ်စပ်နဲ့ ၅ ကီလိုလောက်ပဲ ဝေးပြီး နယ်စပ် တောင်ကျောဆီ တက်သွားတဲ့ ကားလမ်း ကို လှမ်းမြင်နေရပါတယ်။ ဒီနေရာဟာ မင်းသမီးစခန်းရဲ့ အောက်ဘက် ၂၀ ကီလို အကွာလောက်မှာ ရှိတဲ့ ဘောယက္ခ KNU နယ်စပ်ဂိတ် စခန်းနဲ့ သိပ်မဝေးဘူးလို့ သိရပါတယ်။ အဲဒီစခန်းဘက်ကနေ KNU အဖွဲ့ဝင် မိသားစုတွေနဲ့အတူ ရှေ့ပိုင်းမှာ တင်ပြခဲ့တဲ့ ဖုနန်းလွန် ဒုက္ခ သည်စခန်းကနေ တောထဲ ပြန်ပို့ခံလိုက်ရတဲ့ ကျနော်တို့ ရဲဘော်တွေထဲက ဆရာအောင်မြင့်၊ ကိုသိန်းဆောင်၊ ကိုမင်းဇော်ရွှေ၊ ကိုကိုဦးအပါဝင် တပ်ဖွဲ့ဝင် တဒါဇင်လောက် ကျနော်တို့ ရှိရာ ဖုမ၀မ် စခန်းဆီ ရောက်လာကြပါတယ်။

သူတို့ရဲ့ ပြောပြချက် အတိုင်းဆိုရင် ၁၉၉၇ မတ်လ ၂၅ ရက်နေ့မှာ အမရာက ကျနော်တို့ ကျောင်းသားစခန်းနဲ့ ထီးထာက KNDO ကုန်းကို န၀တ က လက်နက်ကြီးနဲ့ စတင်ပစ်ခတ်ပြီး အဲဒီနေ့မှာပဲ သိမ်းပိုက်ခဲ့တယ်လို့ သိရပါတယ်။ တချိန်တည်းမှာပဲ ဆင်ဖြူတိုင် – အမို ဘက် က နေ နယ်စပ်တလျှောက် ဆင်းလာတဲ့ တခြား စစ်ကြောင်းတခုကလည်း ထီးခီး စခန်းဆီ ရောက်လာပြီး လက်နက်ကြီးနဲ့ ပစ်ခတ်တဲ့အ တွက် ထီးခီးက KNU လက်ကျန်အဖွဲ့တွေ အားလုံး နယ်စပ်မျဉ်း တလျောက် အမြန် ဆုတ်ခဲ့ရကြောင်း၊ ထီးခီး- အမရာခီး ကနေတဆင့် အခု ကျနော်တို့ ဒုက္ခသည်စခန်း နောက်ကျောက ဘောယက္ခ ၀န်းကျင်ဆီ ရောက်လာကြတယ်လို့ ဆိုပါတယ်။ စစ်တိုက်ဖို့ ဆိုပြီး ဖုနန်း လွန် စခန်းကနေ ထီးခီးဆီ သူတို့ကို ပို့လိုက်ပေမယ့် န၀တ ဘက်က လက်နက်ကြီးတွေ ထီးခီးစခန်းထဲ ကျတဲ့အထိ သူတို့ကို KNU က လက်နက် ထုတ်မပေးဘူးလို့ ကျောင်းသား တွေက ပြောပါတယ်။ ဒါ့အပြင် ဘောယက္ခကနေ ဖုမ၀မ် ဒုက္ခသည်စခန်းဆီ ၀င်မယ်လို့ ပြော တဲ့အခါမှာလည်း ကျောင်းသားတွေ အပေါ် KNU အောက်ခြေ တပ်မှူးတချို့က နားလည်မှု လွဲပြီး မောက်မောက်မာမာ ဆက်ဆံတာ၊ သေ နတ်နဲ့တေ့ပြီး ခြိမ်းခြောက်တာတွေ လုပ်ခဲ့တယ်လို့ ကျောင်းသားတွေက ပြောပါတယ်။

ကိုသိန်းဆောင်တို့အဖွဲ့ ဖုမ၀မ်ဆီ ရောက်လာပြီး နောက်မှာတော့ ကျနော်ဟာ ဒုက္ခသည်စခန်းကနေ ထွက်ပြီး ထိုင်းထဲမှာ လှုပ်ရှားဖို့ ပြင် ဆင်ခဲ့ပါတယ်။ ဒုက္ခသည်စခန်းမှာ နေရတဲ့ ဘဝတော့ စာမဖွဲ့ပြ ချင်လောက်အောင်ကို စိတ်ညစ် ရပါတယ်။ နေကပူ၊ အမိုးကမရှိ၊ မြေကြီး ကလည်း နေ့ပူ။ ညအေးဆိုတော့ ဖျားနာသူကလည်း အတော်များ၊ စားစရာကရှားပါး၊ ဆေးဝါးက မလုံလောက်။ ဒီကြားထဲ ကရင်ဒုက္ခ သည် တွေကြားမှာ ကျနော်တို့ အုပ်စုက လူနည်းစုလို ဖြစ်နေရတဲ့ ခံစားချက်ကလည်း သိပ်မသေးလှ၊ တောထဲမှာ နေတုန်းကလည်း လူ နည်းစုဖြစ်ပေမယ့် သီးခြားစီ နေတာဆိုတော့ ဒီခံစားချက်မျိုး သိပ်မဖြစ်ခဲ့ ပါဘူး။ ဒါပေမယ့် ဒုက္ခသည် စခန်းထဲ ရောက်တဲ့အခါမှာတော့ သူတို့ အုပ်ချုပ်မှုအောက်ထဲ လုံးဝ ၀င်လိုက်ရသလို ဖြစ်သွားတဲ့ အတွက် နေရထိုင်ရ အတော်ကျဉ်းကျပ်သလို ကျနော်ခံစားရပါတယ်။

ဒီလို စိတ်ညစ်နေရုံနဲ့ မပြီးဘူး၊ ထွက်ပေါက်ရှာမှ ဖြစ်မယ်ဆိုပြီး ပြေးပေါက်လိုက်ရှာတော့ ကျနော်တို့ နေတဲ့ တောင်ကုန်းကို တောတိုးပြီး ကျော်လိုက်ရင် လယ်ကွင်းပြင်ကြီးထဲ ရောက်သွားပါတယ်။ အဲဒီ လယ်ကွင်းကိုကျော်ပြီး တနာရီလောက် ဆက်သွားရင် ကျနော်တို့ရဲ့ယာယီရုံးခန်း ရှိတဲ့ ဟွေးနန်းခေါင်ရွာဆီ ရောက်နိုင်တယ်လို့ သိလာရပါတယ်။

အဲဒီလမ်းကြောင်းကို သေချာအောင် လေ့လာပြီး နောက်မှာတော့ ဘန်ကောက်မှာ ရောက်နေတဲ့ ကိုမင်းအောင် တယောက် ဟွေးနန်း ခေါင် က တဆင့် ဖုမ၀မ် ဒုက္ခသည်စခန်းဆီ ရောက်လာပါတယ်။ ဒုက္ခသည်စခန်း ကနေ ထွက်ပြေးချင်နေတဲ့ ကျနော် ပျော်လိုက်သည် ဖြစ်ခြင်း၊ ကိုမင်းအောင်ကို အားလုံးလွှဲအပ်ခဲ့ပြီး “သတင်းထောက်အလုပ်များ ဆက်လုပ်နိုင်ရန်နှင့် စစ်ဒေသ တာဝန်ခံ ကိုဌေးအောင်တို့ စစ်ကြောင်းနှင့် ပြန်လည် ဆက်သွယ် ဆောင်ရွက်နိုင်ရန်အတွက်” လို့ အကြောင်းပြပြီး ကိုမင်းအောင် ၀င်လာတဲ့ ခိုးလမ်းကတဆင့် ဘန်ကောက်မြို့ဆီ ကျနော် တက်လာခဲ့ပါတယ်။

အဲဒီအချိန်က နိုင်ငံခြားရေး ဌာနရုံးခန်းဟာ ဘန်းကပိ ဘက်ကိုမရောက်သေး ပါဘူး။ The Mall နမ်မ၀မ် ကုန်တိုက်ဘက်မှာလို့ ထင်ပါ တယ်။ ရုံးကို ရောက်ရောက်ချင်း စစ်ပွဲနဲ့ ဒုက္ခသည် အခြေအနေ ထူးခြားချက်တွေကို စာရေးပြီး DVB အော်စလိုရုံးဆီFax ပေးပို့ လိုက်ပါ တယ်။ အဲဒီအချိန် အော်စလိုရုံး အယ်ဒီတာချုပ်က ဒေါက်တာ အောင်ခင်၊ စက်ဆရာက စော နယ်ဆင်ကူး ပါ။ ညနေ ၃ နာရီလောက်မှာ ကိုနယ်ဆင်ကူး (ဖိုးခွားလို့ အများကခေါ်ကြပြီး အခုချိန်အထိ DVB မှာ တာဝန်ထမ်းနေဆဲ) ဖုန်းခေါ်လာပြီး Fax နဲ့ ပို့ထားတဲ့ သတင်းတွေ ကို အသံနဲ့ လိုချင်တဲ့အတွက် မကြာခင် ဒေါက်တာအောင်ခင် ကိုယ်တိုင် ကျနော့်ကို မေးမယ်လို့ ဆိုပါတယ်။ အဲဒီအချိန်အထိ အသံနဲ့ တ ခါမှ မပြောဖူးသေးဘဲ စာနဲ့ရေး၊ Fax နဲ့ ထိုးတဲ့ အဆင့်မှာပဲ ရှိပါသေးတယ်။ အခု အသံနဲ့ ပြောရမယ်ဆိုတော့ ရင်တွေတုန်လို့။

“မရဘူးကွ။ မင်းပြောတဲ့ အသံထဲမှာ ချောင်းဟန့်သံ ခဏခဏ ပါနေတာ အက်ဒစ် ပြန်လုပ်ဖို့ ခက် လိမ့်မယ်။ အစအဆုံး နောက်တခေါက် ပြန်ပြောပါ” ဆိုပြီး ဒေါက်တာအောင်ခင်က ကျနော့်ကို မောင်းပါတယ်။ ၃ ခါတိတိပြောမှ ၅ မိနစ်စာလောက် အင်တာဗျုးတခု ပြီးသွားပါတယ်။ အဲဒီကာလဟာ အခုခေတ်လို ဒီဂျစ်တယ်ခေတ် မဟုတ်သေးတဲ့အတွက် အသံတွေ ကို တိတ်ခွေပေါ်တင်ပြီး အက်ဒစ်လုပ်ရတာကြောင့် အတော် လက်ဝင်တယ်လို့ သိရပါတယ်။ ဘာပဲဖြစ်ဖြစ် ဒါဟာ ကျနော့် သတင်း ထောက် ဘ၀မှာ ပထမဆုံး အသံနဲ့ ပို့ဖူးတဲ့ သတင်းဖြစ်ခဲ့ပြီး စာနဲ့ပို့တဲ့ အဆင့်ကနေ အသံနဲ့ပို့တဲ့ အဆင့်ဆီ တက်ဖို့ ပထမ ခြေလှမ်းလို့လည်း ပြောနိုင်မယ် ထင်ပါတယ်။

ဒါ့အပြင် အယ်ဒီတာချုပ် ဒေါက်တာအောင်ခင်က သတင်းထောက် ပေါက်စ ကျနော့်ရဲ့ သတင်းပေးပို့ချက်တွေ တိုးတက် လာကြောင်းနဲ့ ပရော်ဖက်ရှင်နယ် သတင်းထောက် ဖြစ်အောင် ဆက်ကြိုးစားဖို့ အားပေးခဲ့ပါတယ်။ အယ်ဒီတာချုပ်ရဲ့ အားပေးစကား တခွန်းဟာ သတင်း ထောက် ဖြစ်ချင်နေသူ တဦးအတွက် အလွန်တရာ တွန်းအား ဖြစ်စေခဲ့တယ်လို့ ကျနော် ထင်ပါတယ်။

အဲဒီနေ့က ကျနော့်ကိုဗျုးပြီး လွှင့်လိုက်တဲ့ စစ်ပွဲဆိုင်ရာ အကြောင်းအရာ တွေထဲမှာ အသက် ၁၂ နှစ် အရွယ် အမွှာ ညီနောင် ဦးဆောင်တဲ့ God Army (သို့မဟုတ်) ရွာသူမိုဒိုလို့ခေါ်တဲ့ ဘုရားသခင် တပ်မတော် အကြောင်းဟာ အတော် ပေါက်သွားတယ်လို့ နောက်ပိုင်းမှာ ပြန် သိ ရပါတယ်။

ဂျော်နီနဲ့ လူသာထူး ဆိုတဲ့ ဆံရှည် – ဆေးလိပ်ဖွာ အမွှာညီနောင် တပ်မှူး ၂ ဦးဟာ လျှာအနက်ရောင် ရှိတဲ့အတွက် ကျည်မပေါက်ဘူးလို့ သူတို့ရဲ့ နောက်လိုက်တွေက ပြောပါတယ်။ သတင်းထောက် တဦးအနေနဲ့ ယုံဖို့ ခက်ပေမယ့်လည်း ဒီလို ဒဏ္ဍာရီ ဆန်နေတာကိုက ပရိ သတ်အတွက် ပိုပြီး စိတ်ဝင်စားစရာ ဖြစ်နေခဲ့တယ်လို့ သိရပါတယ်။ ။