ငါးဖမ်းစက်လှေတွင် ပါလာသူ ဒေသခံ နှစ်ဦးမှာ ဒဏ်ရာ အနည်းငယ်ဖြင့် အသက်ဘေးမှ သီသီလေး လွတ်မြောက် ခဲ့သည်ဟု သိရသည်။
“ ကျနော်တို့ ငါးဖမ်းစက်လှေကို တရုတ် CNPC ကုမ္ပဏီပိုင် စပိဘုတ်က အရှိန်ပြင်းပြင်းနဲ့ ၀င်တိုက်သွားတယ်။ စပိဘုတ်မောင်းတဲ့ လူရဲ့ လက်ထဲမှာ ဘီယာပုလင်းကို ကိုင်လို့ မြင်လိုက်တယ်။ ကံကောင်းလို့ မသေတာလို့ ဆိုရမယ်။ လှေအပိုင်းနဲ့ စက်ကတော့ ရေထဲသို့ နစ်မြုပ်သွားတယ်” ဟု အသက်ဘေးမှ လွတ်မြောက်လာသူ ငါးဖမ်း စက်လှေပေါ်တွင်ပါဝင်သူတစ်ဦးဖြစ်သည့် မဒဲကျွန်းဒေသခံ ဦးမောင်မြဝေ ကပြောသည်။
ယင်းဖြစ်ရပ်မှာ မဒဲကျွန်းအောက် သံစိုက်မြစ်တွင် မေလ ၃၁ရက်နေ့ ညနေ ၅နာရီ၁၀ မိနစ်ခန့်က ဖြစ်ပွားခဲ့ခြင်း ဖြစ်သည်။
ငါးဖမ်းစက်လှေကို အလယ်က ၀င် တိုက်ခဲ့သဖြင့် တမင်ရည်ရွယ်ချက်ရှိရှိ ပြုလုပ်ပုံ ရသော်လည်း မည်သူ တစ်ဦးတစ်ယောက်မှ တရုတ်ဝန်ထမ်းများ၏ လုပ်ရပ် အပေါ် ဝေဖန် ပြောကြားနိုင်ခြင်း မရှိဟု ဒေသခံက ပြောဆိုသည်။
ငါးဖမ်းစက်လှေသည် ကျော့ပိုက်ဖေါ်ရန်အတွက် ညနေ ၃နာရီကျော်ခန့်တွင် ရွာမှထွက်လာပြီး ညနေ ၅နာရီ ၁၀မိနစ်ခန့်တွင် CNPC ကုမ္ပဏီပိုင် စပိဘုတ်ဝင်၏ ၀င်တိုက်မှုကို ခံခဲ့ရခြင်း ဖြစ်သည်။
ဖြစ်ရပ်ကြောင့် ဒေသခံများ အကြား မကျေပ်မှုများ တိုးပွားလာသဖြင့် ယင်းနေ့ ညနေ ၇ နာရီခန့််တွင် မဒဲကျွန်း ရဲစခန်းတွင် ငါးဖမ်းစက်လှေပိုင်ရှင်အား CNPC ကုမ္ပဏီက ကျပ်ငွေ ၁၂ သိန်း လျော်ကြေးပေးခဲ့ကြောင်း သိရသည်။
မဒဲကျွန်းရဲစခန်းသို့ ဆက်သွယ်မေးမြန်းရန်ကြိုးစားသော်လည်း အဆက်အသွယ် မရရှိခဲ့ပါ။
မဒဲကျွန်းဒေသခံများသည် ငါးဖမ်းလုပ်ငန်းကို အဓိကလုပ်ကိုင်ကြပြီး ရေနက်ဆိပ်ကမ်းစီမံကိန်းနောက်ပိုင်းတွင် သွားရလာရနှင့် လုပ်ကိုင်စားသောက်ရန်ခက်ခဲလာနေကြောင်းဒေသခံများက ပြောသည်။
No comments:
Post a Comment