တရားမျှတတဲ့ဥပဒေဖြစ်မှ တရားဥပဒေစိုးမိုးရေးရှိနိုင် အပိုင်း (၂)

ထက်​အောင်

လယ်ယာမြေဥပဒေကို လေ့လာခြင်း

မကြာသေးခင်က ပြည်ထောင်စုလွှတ်တော်က အတည်ပြုပြဋ္ဌာန်းခဲ့တဲ့ ဥ ပဒေသစ်များထဲမှာ တိုင်းပြည်လူဦးရေရဲ့ သုံးပုံ နှစ်ပုံခန့် ရှိတဲ့ကျေး လက် နေ တောင်သူလယ်သမားများအတွက် အလွန်အရေးကြီးတဲ့ လယ်ယာ မြေဥပဒေ သစ်လည်း ပါဝင် ပါတယ်။ ဒီဥပဒေ ပြဋ္ဌာန်းမှု နဲ့အတူ ၁၉၅၃ ခုနှစ် လယ်ယာမြေ နိုင်ငံပိုင် ပြုလုပ်ရေး အက်ဥ ပဒေ၊ ၁၉၆၃ ခုနှစ် သီး စား ချထားရေး ဥပဒေနဲ့ ၁၉၆၃ ခုနှစ် တောင်သူ လယ်သ မား အခွင့် အရေး ကာကွယ် သည့် ဥပဒေ တွေကို ရုပ်သိမ်း ခဲ့ပါ တယ်။

တချိန်က ကမ္ဘာ့ ဆန်တင်ပို့မှု အများဆုံး နိုင်ငံအဆင့်နဲ့ အရှေ့တောင်အာရှဒေသရဲ့ အချမ်းသာဆုံး နိုင်ငံတနိုင်ငံဖြစ်ခဲ့ တဲ့ မြန်မာနိုင်ငံဟာ ကမ္ဘာ့ ဖွံ့ဖြိုးမှု အနည်းဆုံးနိုင်ငံ (Least Developed Country – LDC) အဆင့် ကို လျော့ကျခဲ့တာ ၁၉၈၇ ခုနှစ်ကတည်းက ဖြစ်ပါတယ်။ ဆင်းရဲ နွမ်းပါး မှု လျှော့ချရေးကို ဦးစားပေး မူဝါဒ ချမှတ်ထားတဲ့ သမ္မတ ဦးသိန်း စိန် အစိုးရသစ်က ရေးဆွဲခဲ့တဲ့ လယ်ယာမြေဥပဒေသစ် ဟာ မြန်မာ့ လယ်သ မားထု တရပ်လုံး အပေါ် ကြီးမားတဲ့ ပြောင်းလဲ သက်ရောက်မှု တွေ ရှိလာ နိုင်မှာလား လို့ လေ့လာ မိပါ တယ်။

လယ်ယာမြေ ဥပဒေသစ်ဟာ ဘယ်လောက်ပြည့်စုံမှုရှိသလဲ၊ ဘယ်လို အကောင်အထည်ဖော်မှာလဲ ဆိုတဲ့အချက်က တိုင်းပြည်မှာ ဆင်းရဲ နွမ်းပါးမှု အခြေအနေ လျော့ပါးသွားနိုင်သလို ပိုလည်း ဆိုးသွားနိုင် ပါတယ်။

လယ်ယာမြေဥပဒေသစ်ကို လေ့လာရာမှာလည်း ဒီဥပဒေဟာ တောင်သူလယ်သမားတွေ အကျိုးကို ဦးတည်ပြီး ရေးဆွဲထားသလား ဒါမှ မဟုတ် အုပ်ချုပ်သူ အစိုးရရဲ့အကျိုးကို ဦးတည်ထားသလားဆိုတဲ့ ရှုထောင့်ကနေ သုံးသပ်ချင်ပါတယ်။

ဥပဒေသစ်မှာ အဓိကကျတဲ့အချက်က လယ်ယာမြေစီမံခန့်ခွဲရေး အဖွဲ့တွေကို ဗဟိုအဆင့်၊ တိုင်းဒေသကြီးနဲ့ ပြည်နယ်၊ ခရိုင်၊ မြို့နယ်၊ ရပ် ကွက်နဲ့ ကျေးရွာအဆင့် အထိ အသီးသီးဖွဲ့စည်းပြီး လယ်ယာမြေ လုပ် ပိုင်ခွင့် လက်မှတ်ရရှိထားသူတွေရော၊ မရှိသူတွေပါ ဥပဒေသစ်နဲ့ အညီ ရပ်ကွက်နဲ့ကျေးရွာ လယ်ယာမြေစီမံခန့်ခွဲရေးအဖွဲ့က တဆင့် သက်ဆိုင်ရာ မြို့နယ် ကြေးတိုင် နဲ့မြေစာရင်းဦးစီးဌာနရုံးကို ပြန်လည် လျှောက်ထားပြီး ကျသင့်တဲ့ မှတ်ပုံ တင်ကြေး ပေးသွင်း ပြီးရင် မြို့နယ် ဦးစီး ရုံးက လယ်ယာမြေ လုပ်ပိုင်ခွင့် လက်မှတ်တွေ ထုတ်ပေး မှာဖြစ် ပါတယ်။

ဒီလုပ်ငန်းစဉ်ဟာ တနိုင်ငံလုံးအတိုင်းအတာနဲ့ ဆောင်ရွက်ရမှာဖြစ်ပြီး အလွန် ကြီးမားကျယ်ပြန့်ရုံမျှမက အလွန်ရှုပ်ထွေးတဲ့ လုပ်ငန်းဖြစ် သလို မလုပ်ရင်မဖြစ်တဲ့ လုပ်ငန်းစဉ်လည်း ဖြစ်ပါတယ်။ ဆိုရှယ်လစ် ခေတ်နဲ့ န၀တ၊ နအဖအစိုးရ ခေတ်တွေတုန်းက လယ်ယာမြေ စီမံ ခန့်ခွဲမှု ကို ကြေးတိုင်နဲ့မြေစာရင်းဦးစီးဌာနက အဓိက ဆောင်ရွက်တာ ဖြစ်ပါတယ်။ ဒါပေမယ့် ကျေးလက်တောရွာ အများ အပြားမှာ တောင် သူ လယ်သမားတွေဟာ အစဉ်အဆက် လယ်အခွန်သာ ပုံမှန်ဆောင်ခဲ့ကြတယ်။ လယ်လုပ်ပိုင်ခွင့် အထောက် အထား ခိုင်ခိုင် မာမာ မရှိကြ သူတွေ အများ အပြား ရှိနေ ပါတယ်။

ဒီလိုဖြစ်ရတာဟာ ကြေးတိုင်နဲ့ မြေစာရင်းဦးစီးဌာနအနေနဲ့ ဘဏ္ဍာငွေ မလုံလောက်တာ၊ ၀န်ထမ်း အင်အားနည်းပါးတာ၊ ကျွမ်းကျင်မှုအား နည်းတာနဲ့ နိုင်ငံအနှံ့ သိန်းနဲ့ချီရှိတဲ့ လယ်ယာမြေတွေကို အကုန် အစင် မှတ်ပုံတင်နိုင်ဖို့အတွက် လမ်းပန်းဆက်သွယ်ရေး ညံ့ဖျင်းတာ ကြောင့်နဲ့ နယ်မြေလုံခြုံမှု မရှိတာတွေကြောင့် ဖြစ်ပါတယ်။ ဒါ့အပြင် အကျင့်ပျက် ၀န်ထမ်းတွေကြောင့် လယ်သမားကိုယ်တိုင် လျှောက် ထားမှုတွေ ရှိပေမယ့် လယ်လုပ် ပိုင်ခွင့် အထောက် အထား မထုတ်ပေး တာမျိုး လည်း ရှိပါ တယ်။

ဒီလိုနဲ့နေထိုင်လာခဲ့တာ ရာစုနှစ်တ၀က်မက အချိန်ကာလအတွင်းမှာ တောင်သူလယ်သမား မိသားစုတွေဟာ မျိုးဆက် ၂ ဆက် ၃ ဆက် ခန့် ပြောင်းလဲပြီး မိဘဘိုးဘွားတွေရဲ့ လက်ငုတ် လက်ရင်းဖြစ်တဲ့ လယ်ယာမြေကို ဆင့်ကဲ လက်ဆင့်ကမ်း အမွေဆက်ခံတဲ့ အစဉ်အလာ နဲ့ နေထိုင်ခဲ့ကြတယ်။

လယ်မြေဧက သတ်မှတ်ချက်တွေလည်း တရွာတပုဒ်ဆန်း ဆိုသလို အစဉ်အလာအတိုင်း ကန်သင်းရိုးနဲ့ ပိုင်းခြားသတ်မှတ်ပြီး ဒီနည်းလမ်း ကို အခုအချိန်အထိ လက်ခံကျင့်သုံးနေကြသေးတယ်။ ဒီဥပဒေအရ လယ်ယာမြေ လုပ်ပိုင်ခွင့်ကို ပြန်လည် လျှောက်ထားရမှာ ဖြစ်တဲ့အ တွက် တောင်သူလယ်သမား တဦးပိုင်ဆိုင်တဲ့ မြေဧက အကျယ်အ၀န်းကို စနစ်တကျ ပြန်လည်တိုင်းတာ သတ်မှတ်ရမှာဖြစ်လို့ အစဉ် အ လာက လက်ခံခဲ့တဲ့ လယ်မြေအကျယ်အ၀န်းဟာ အပြောင်းအလဲတွေ ဖြစ်လာနိုင်ပါတယ်။

ဒါပေမယ့် ဒီလိုလုပ်တာဟာ တချိန်ချိန်မှာ မြန်မာနိုင်ငံဟာ လယ်လုပ်သူ လယ်ပိုင်ဆိုင်ခွင့်မူဝါဒကို ကျင့်သုံးခဲ့ရင် အခက်အခဲမရှိဘဲ အလွယ် တကူ ပြောင်းလဲကျင့်သုံးနိုင်မှာ ဖြစ်ပါတယ်။ လက်ရှိမှာတော့ နိုင်ငံ တော်က မြေအားလုံးရဲ့ မူလ ပိုင်ရှင်ဖြစ်တယ်ဆိုတဲ့ မူဝါဒကို လွတ်လပ် ရေး ရပြီး ချိန်က စလို့ ခုထိ ကျင့်သုံး နေဆဲ ပါပဲ။

၂၀၀၈ ခုနှစ်ဖွဲ့စည်းပုံ အခြေခံဥပဒေရဲ့ အခန်း (၁) “နိုင်ငံတော်အခြေခံမူများ အခန်း ပုဒ်မ ၃၇/က မှာ “နိုင်ငံတော်သည် နိုင်ငံတော်ရှိ မြေ အားလုံး၊ မြေပေါ်မြေအောက်၊ ရေပေါ်ရေအောက်နှင့် လေထုအတွင်းရှိ သယံဇာတပစ္စည်း အားလုံး၏ ပင်ရင်းပိုင်ရှင် ဖြစ်သည်” လို့ ပြဋ္ဌာန်းခဲ့သလို အခုလယ်ယာမြေ ဥပဒေကိုလည်း ဖွဲ့စည်းပုံအခြေခံဥပဒေနဲ့အညီ ရေးဆွဲရတဲ့အတွက် တောင်သူလယ်သမားတွေအနေနဲ့ လယ်လုပ် ပိုင်ခွင့်သာ ရရှိမှာဖြစ်ပြီး မိမိလယ်ယာမြေကို ပိုင်ဆိုင်ခွင့်မရှိပါ။

ဒီမူဝါဒကို ကျင်သုံးရတဲ့အကြောင်းရင်းကို အစိုးရအဆက်ဆက်က မြေရှင်ပဒေသရာဇ်ခေတ်ကလို လယ်ပိုင်ရှင်ကြီး လူတန်းစား ပေါ်ပေါက် မလာဖို့ လယ်မဲ့ယာမဲ့ လူတန်းစားတွေ ကြီးထွား မလာဖို့ ဖြစ်တယ် လို့ အကြောင်းပြချက် ပေးခဲ့ကြတယ်။ လက်ရှိအာဏာရ ကြံ့ခိုင်ရေး ပါတီကလည်း ထိုအကြောင်းပြချက်ကို ဆက်ဆွဲကိုင်ထားပါတယ်။ တချိန်က ဒီမူဝါဒကို ယုံယုံကြည်ကြည် ကိုင်ဆွဲခဲ့တဲ့ မြန်မာ့ ဆိုရှယ်လစ် လမ်းစဉ် ပါတီ တဖြစ်လဲ တိုင်းရင်းသား စည်းလုံး ညီညွတ်ရေး ပါတီနဲ့ မကြာသေးခင်က ကြားဖြတ်ရွေးကောက်ပွဲမှာ မဲအပြတ် အသတ်နဲ့ အနိုင် ရရှိ ခဲ့တဲ့ အမျိုးသား ဒီမိုကရေစီ အဖွဲ့ချုပ် အပါ အ၀င် နိုင်ငံရေး ပါတီ အများ စုက ဒီမူ ၀ါဒကို ဆန့်ကျင် ကြတယ်။

တကယ်တော့ စီးပွားရေးကို ဈေးကွက်စီးပွားရေးစနစ် ပြောင်းလဲခဲ့ပြီးကတည်းက လယ်ယာကဏ္ဍမှာ ပုဂ္ဂလိကလုပ်ငန်းရှင်ကြီးတွေ ရင်းနှီး မြှုပ်နှံမှုကို ခွင့်ပြုခဲ့တဲ့အတွက် အခုဆိုရင် လယ်မြေဧကပေါင်း သောင်းနဲ့ သိန်းနဲ့ချီပိုင်ဆိုင်နေတဲ့ ခေတ်သစ်မြေပိုင်ရှင်ကြီးတွေ မြန်မာနိုင် ငံမှာ ပေါ်ပေါက်နေတာ ဆယ်စုနှစ် တခုမက ရှိနေပါပြီ။ အဲ့ဒီအတွက် အစိုးရရဲ့ အကြောင်းပြချက်ဟာ ဆီလျော်မှုမရှိတော့ဘဲ လူများစု လယ်သ မားတွေ ဆင်းရဲ စေတဲ့ အကြောင်းရင်း ဖြစ်လာ ပါတယ်။

လယ်လုပ်သူ လယ်ပိုင်ဆိုင်ခွင့်မူဝါဒကြောင့် နိုင်ငံလူဦးရေရဲ့ သုံးပုံနှစ်ပုံခန့်ရှိတဲ့ တောင်သူလယ်သမားထုကြီးမှာ အမှန်တကယ် မြေအရင်း အနှီး (Land Capital) မရှိသလို အဲ့ဒီမြေမှာ ရင်းနှီး လုပ်ကိုင် စား သောက်ဖို့ ငွေပင်ငွေရင်း (Financial Capital)ရရှိနိုင်မယ့် နည်းလမ်းရှားပါးတာ၊ နှစ်တိုင်းနီးပါးရင်ဆိုင်လာရတဲ့ သဘာဝ ဘေးအန္တရာယ်ကြောင့် လယ်ယာမြေတွေ ပျက်စီးဆုံးရှုံးတာကြောင့် ဆင်းရဲမွဲတေမှု သံသရာထဲက ရုန်းမထွက်နိုင်ဘဲ ရှိနေကြတယ်။ တကယ်လို့ ဒီမူဝါဒကို ပြောင်းလဲကျင့်သုံးမယ် ဆိုရင်လည်း ဖွဲ့စည်းပုံအခြေခံဥပဒေကို ပြင်ဆင်ရမှာ ဖြစ်ပါတယ်။

ဥပဒေသစ်အရ ပြည်ထောင်စုအစိုးရဟာ လယ်ယာစိုက်ပျိုးရေးနဲ့ ဆည်မြောင်းဝန်ကြီးဌာန ပြည်ထောင်စုဝန်ကြီး ဥက္ကဋ္ဌအဖြစ် ဦးဆောင်တဲ့ ဗဟိုလယ်ယာမြေစီမံခန့်ခွဲရေးအဖွဲ့ကို ဖွဲ့စည်းပေးမှာပါ။ အဲ့ဒီ အဖွဲ့က မှတဆင့် တိုင်းဒေသကြီးနဲ့ ပြည်နယ်၊ ခရိုင်၊ မြို့နယ်၊ ရပ်ကွက်နဲ့ကျေးရွာ လယ်ယာမြေစီမံခန့်ခွဲရေးအဖွဲ့တွေကို အဆင့်ဆင့်ဖွဲ့စည်းမှာဖြစ်ပါတယ်။ ဒီဗျူရိုကရေစီစနစ်သစ်ရဲ့ အလုပ်လုပ်ပုံအဆင့်ဆင့်ကို ဥပဒေ မှာ ဖော်ပြထားတဲ့ အချက်တွေအရ အောက်ပါ ဇယားကွက်နဲ့ ပုံဖော်လေ့လာကြည့်မိပါတယ်။

၁၉၅၃ ခုနှစ် လယ်ယာမြေ နိုင်ငံပိုင်ပြုလုပ်ရေး အက်ဥပဒေက သမ္မတကို ပေးအပ်ထားတဲ့ ပုဒ်မ ၃၉ အရ အခွင့်အာဏာကို ဒီဥပဒေသစ်ရဲ့ ပုဒ်မ ၂၆ မှာ အလားတူ ပြန်လည်ကျင့်သုံးထားပါတယ်။ ဥပဒေသစ်ရဲ့ ပုဒ်မ ၂၆ က “တည်ဆဲ ဥပဒေတရပ်ရပ်တွင် မည်သို့ပင်ပါရှိစေကာမူ နိုင်ငံတော် အကျိုးငှာဖြစ်စေ၊ အများပြည်သူ အကျိုးငှာဖြစ်စေ သိမ်းယူသည့်လယ်ယာမြေနှင့် ယင်းလယ်ယာမြေပေါ်၌ အဆောက် အအုံ ဖြင့် တိုးတက်ကောင်းမွန်စေရန် ပြုပြင်ခြင်း အပါအဝင် မူလလယ်ယာမြေ လုပ်ပိုင်ခွင့်ရရှိထားသူ ဆောင်ရွက်ထားသည့် ကိစ္စရပ်များအ တွက် နစ်နာမှုလုံးဝမရှိစေရန် လျော်ကြေးပေးခြင်းနှင့် အခြား နည်းလမ်း ဖြင့် စီမံဆောင်ရွက်ခြင်းတို့ကို သက်ဆိုင်ရာက ပြုလုပ်ပေး နိုင်ရေး နှင့်စပ် လျဉ်း၍ ဗဟို လယ်ယာမြေ စီမံခန့် ခွဲမှု အဖွဲ့သည် လိုအပ် သလို ညှိနှိုင်း ဆောင်ရွက် ရမည်” လို့ ဖော်ပြ ထားတယ်။

ဒါ့အပြင် ပုဒ်မ ၂၉ အရ ပြည်ထောင်စုအစိုးရအဖွဲ့ ၀န်ကြီးဌာနတွေဟာ လယ်ယာမြေပေါ်တွင် အခြေခံအဆောက်အအုံ တည်ဆောက်ရေး လုပ်ငန်းတခုခု၊ မြို့ရွာတိုးချဲ့ရေး စီမံကိန်းတခုခု ဒါမှမဟုတ် အခြား စီမံ ကိန်းလုပ်ငန်း တခုခုကို ဆောင်ရွက်ရာမှာ ပုဒ်မ ၂၆ အရ ဗဟို လယ် ယာမြေ စီမံခန့်ခွဲရေးအဖွဲ့ကတဆင့် ပြည်ထောင်စုအစိုးရရဲ့ ခွင့်ပြုချက်နဲ့ နိုင်ငံတော်ရှိ မြေယာတွေကို အချိန်မရွေး သိမ်းယူခွင့် ရှိပါတယ်။

ဒါပေမယ့် လယ်ယာမြေအငြင်းပွားမှုတွေကို ဖြေရှင်းတာနဲ့ အမြင့်ဆုံးအဆင့် အယူခံဝင်တာကိုတော့ တိုင်းဒေသကြီးနဲ့ ပြည်နယ်အ ဆင့်အ ထိသာ သတ်မှတ်ပေးထားပြီး ထိုအဆင့်က ဆုံးဖြတ်ချက်တွေဟာ အပြီးအပြတ်ဖြစ်တယ်လို့ ဖော်ပြထားတဲ့အတွက် ပြည်ထောင်စု အစိုး ရက တိုက်ရိုက်အကောင်အထည်ဖော်တဲ့ ဒါမှမဟုတ် လုပ်ပိုင်ခွင့်ချပေးတဲ့ အစိုးရနဲ့ ပုဂ္ဂလိက ဖက်စပ်ဖြစ်စေ၊ ပုဂ္ဂလိက သက်သက်ဖြစ်စေ အကောင်အထည်ဖော်တဲ့ လုပ်ငန်းတွေမှာ လယ်ယာမြေသိမ်းမှုတွေ ပေါ်ပေါက်လာခဲ့လို့ အငြင်းပွားမှုဖြစ်ပေါ်တဲ့အခါ ဥပဒေလမ်း ကြောင်း အရ အဆင့်ဆင့်ဖြေရှင်းဖို့ ဗဟို လယ်ယာမြေ စီမံခန့်ခွဲရေးအဖွဲ့နဲ့ နိုင်ငံတော် သမ္မတထံ အယူ ခံလွှာ တင်သွင်းခွင့် မရှိ ပါဘူး။

နောက်ထပ်အရေးကြီးတဲ့ အချက်တခုက ဥပဒေရဲ့ ပုဒ်မ ၁၃ မှာ “ဤဥပဒေ အာဏာတည်ပြီးသည့်နောက် လယ်ယာမြေ လုပ်ပိုင်ခွင့် အ ငြင်း ပွားမှု အရှုပ်အရှင်းဖြစ်လာလျှင် ဦးစီးဌာနတွင် မှတ်ပုံတင် ထားပြီး မှသာ တရားဝင်ဖြေရှင်း ဆောင်ရွက်နိုင်ခွင့် ရှိသည်” လို့ ဖော်ပြ ထားပါတယ်။

ဥပဒေအရ လယ်ယာမြေလုပ်ပိုင်ခွင့် လျှောက်ထားခွင့်ရှိပေမယ့် အကျင့်ပျက်ခြစားမှုတွေရှိနေတဲ့ ဗျူရိုကရေစီစနစ်ကို အသုံးချပြီး စီးပွား ရေးသမားများနဲ့ အာဏာပိုင်တို့ပူးပေါင်းကာ တဖက်မှာ လယ်သမား တွေ လယ်လုပ်ပိုင်ခွင့် လက်မှတ်မရရှိအောင် ဒါမှမဟုတ် ရရှိဖို့ ခက်ခဲပြီး အချိန်ကြာမြင့်နေအောင် ဆောင်ရွက်လာနိုင်ပါတယ်။ တခြားတဖက်မှာ လယ်လုပ်ပိုင်ခွင့် လက်မှတ်မရှိလို့ တရားဥပဒေအရ ခုခံခွင့် မရှိတာကို အခွင့်အရေးယူပြီး စီမံကိန်းလုပ်ငန်း အမျိုးမျိုးအတွက် မြေသိမ်းမှုတွေကို ရဲရဲတင်းတင်း လုပ်လာနိုင်တဲ့အတွက် လူမှုမ တည်ငြိမ်မှုတွေ မလိုလား အပ်ဘဲ ဖြစ်လာ နိုင်ပါတယ်။

အစိုးရ အဆက်ဆက်ပြောင်းခဲ့ပေမယ့် အခုအချိန်အထိ စီမံကိန်းသီးနှံစိုက်ပျိုးရသည့် စနစ် ရှိနေပါသေးတယ်။ တောင်သူတဦးအနေနဲ့ စီမံ ကိန်းသီးနှံထက် ပိုပြီး အကျိုးအမြတ်ရရှိမှာ သေချာတဲ့ အခြား သီးနှံ တခုခုကို ပြောင်းလဲ စိုက်ပျိုးခွင့် မရကြပါဘူး။ လယ်ယာမြေ ဥပဒေ သစ်မှာလည်း ဒီအ ချက်ကို ဆက်လက် ထည့်သွင်း ထားပါ တယ်။

ဥပဒေသစ် ပုဒ်မ ၁၂/ဇ မှာ “လယ်ယာမြေကို မူလစိုက်ပျိုးလျက်ရှိသော သီးနှံအမျိုးအစားမှ အခြားသီးနှံအမျိုးအစား သို့ ခွင့်ပြုချက်မရှိဘဲ ပြောင်းလဲစိုက်ပျိုးခြင်းမပြုရ” လို့ ပြဋ္ဌာန်းပြီး သီးနှံရွေးချယ် စိုက်ပျိုး ခွင့်ကို ကန့်သတ်ထားပါတယ်။ အစိုးရအနေနဲ့ ဒီလို ကန့်သတ် ထား တာဟာ နိုင်ငံရဲ့ အဓိကသီးနှံဖြစ်တဲ့ စပါးစိုက်ပျိုးမှု ကျဆင်းလာမှာကို ကာကွယ်ချင်တဲ့ သဘော ဖြစ်ပါတယ်။ ဒါပေမယ့် တဖက်မှာ ဒီလို ကန့်သတ်ထားလို့ ဈေးကွက်ဝင် ဈေးကောင်းရတဲ့သီးနှံတွေ မစိုက်ပျိုးနိုင်ဘဲ အကျိုးအမြတ်တွေဆုံးရှုံးရမယ့် တောင်သူဦးရေ ဘယ် လောက် ရှိမလဲ ဆိုတာ မသိနိုင် ပါဘူး။

ဥပဒေသစ်မှာ တောင်သူလယ်သမားတွေကို ပေးထားတဲ့ အခွင့်အရေးတချို့တော့ ပါဝင်လာပါတယ်။ အဲ့ဒါက မိမိလုပ်ပိုင်ခွင့်ရထားတဲ့ လယ် ယာမြေကို တစိတ်တပိုင်းဖြစ်စေ၊ အားလုံးဖြစ်စေ ရောင်းချခွင့်၊ ငှား ရမ်းခွင့်၊ ပေါင်နှံခွင့်၊ လဲလှယ်ခွင့်နဲ့ ပေးကမ်းခွင့်တွေ ပေးထားပါ တယ်။ တကယ်တော့ ဥပဒေက လက်တွေ့ဖြစ်ပျက်နေတာတွေကို အသိအမှတ်ပြုလိုက်တာလို့ ဆိုရမှာပါ။ အရင်ဥပဒေတွေမှာ လယ်ယာမြေ ရောင်း ချ ခွင့်ကို တားမြစ်ထားပေမယ့် လက်တွေ့မှာ ဒီလိုရောင်းဝယ်မှုတွေ ကျယ်ကျယ်ပြန့်ပြန့် ရှိနေခဲ့တာပါ။

လယ်ယာမြေဥပဒေသစ်မှာ တောင်သူလယ်သမားတွေအတွက် အရင်ကမရရှိခဲ့တဲ့ အခွင့်အရေးတခု ပေးထားပါတယ်။ ဥပဒေ ပုဒ်မ ၃၈ မှာ “တောင်သူလယ်သမားများ၏ လူမှုစီးပွားရေးဘဝ မြင့်မား တိုး တက် စေရေးကို ရှေးရှု၍ ပြဋ္ဌာန်းထားသော ဥပဒေများအတိုင်း တောင် သူလယ်သမား အဖွဲ့အစည်းကို ဖွဲ့စည်းနိုင်သည်” လို့ ဆိုထားတဲ့အတွက် တောင်သူလယ်သမားအဖွဲ့အစည်းတွေ ပေါ်ပေါက်လာမှာ ဖြစ် ပါတယ်။

တောင်သူလယ်သမားအဖွဲ့အစည်းတွေအနေနဲ့ ညီညွတ်မယ်ဆိုရင် ၎င်းတို့ ဆုံးရှုံး နစ်နာမှုတွေ ပြည်လည်ရရှိဖို့နဲ့ ရှိနေတဲ့ အခွင့်အရေး တွေ ကို ကာကွယ်ဖို့ လွှတ်တော်ထဲမှာ လယ်ယာမြေဥပဒေကို ပြင်ဆင်ဖို့ စနစ်တကျ တောင်းဆိုသွားနိုင်မှာ ဖြစ်ပါတယ်။ ဒီလိုလုပ်တာဟာ မလွယ်ကူပေမယ့် ညီညွတ်မှုရှိမယ်ဆိုရင် လယ်လုပ်သူ လယ်ပိုင်ဆိုင်ခွင့်ရရှိဖို့ ဖွဲ့စည်းပုံ အခြေခံဥပဒေကိုတောင် ပြင်ဆင်နိုင်လာမှာ ဖြစ်ပါ တယ်။

လယ်ယာမြေဥပဒေသစ်မှာ နောက်ဆုံးနဲ့ ဘ၀င်မကျဆုံးအချက်ကတော့ ပုဒ်မ ၄၀ “ဤဥပဒေနှင့်အညီဖြစ်စေ၊ ဤဥပဒေ အရပြုသည့် နည်း ဥပဒေများနှင့်အညီဖြစ်စေ သဘောရိုးဖြင့် ဆောင်ရွက်သည့် ကိစ္စ တရပ်ရပ်အတွက် လယ်ယာမြေ စီမံခန့်ခွဲမှု အဖွဲ့အဆင့်ဆင့်ရှိ အဖွဲ့ဝင်များ ကို မည်သည့်တရားရုံးတွင်မျှ တရားစွဲဆိုခွင့် မရှိစေရ” လို့ဆိုပြီး ဥပဒေ အားလုံးကနေ ကင်းလွတ်ခွင့် (Immunity) ပေးထားတဲ့ အ ချက် ဖြစ်ပါတယ်။ ဒီကင်းလွတ်ခွင့်ကို ရပ်ကွက်/ကျေးရွာ လယ်ယာမြေစီမံခန့်ခွဲရေးအဖွဲ့ကစလို့ ဗဟိုအထိ အဆင့်ဆင့် တာဝန်ထမ်း ဆောင် ကြမယ့် သူတွေ ခံစား ရရှိ မှာဖြစ် တယ်။

ဒါဟာ မြန်မာနိုင်ငံလို အကျင့်ပျက်ခြစားမှု (Corruption) နှုန်းမြင့်မားတဲ့ နိုင်ငံမျိုးအတွက် အလွန်အန္တရာယ်ကြီးပါတယ်။ အစိုးရ၀န်ထမ်း တွေ အကြား အကျင့်ပျက်ခြစားမှု ကျယ်ပြန့်လာတာဟာ ဥပဒေမှ ကင်း လွတ် ခွင့် ရရှိနေတာကြောင့် ဖြစ်ပါတယ်။ အဲ့ဒီ ကင်းလွတ်ခွင့် အမျိုး မျိုး ရရှိ နေတာ ဟာလည်း အဓိပ္ပာယ် ဖော်ရ ခက်ခဲတဲ့ (ဥပမာ သဘော ရိုးဖြင့် ဆောင်ရွက် သည့် ကိစ္စ) ဆိုတဲ့ ကိုယ်လိုရာ ဆွဲပြော နိုင်တဲ့ စကားရပ် တွေကို အာဏာ ရှိသူ တွေက မိမိ ကိုယ်ကို ကြိုတင် အကာ အကွယ် ယူဖို့ ဥပဒေ တွေထဲ ထည့်သွင်း ပြဋ္ဌာန်း နေကြ လို့ပဲ ဖြစ်ပါ တယ်။

ဒီလိုဥပဒေမျိုးတွေရှိနေသရွေ့ ပွင့်လင်းမြင်သာမှုနဲ့ တာဝန်ခံမှုအားနည်းတဲ့ လူ့အဖွဲ့အစည်းတရပ်မှာ တရားဥပဒေ စိုးမိုးရေးရရှိဖို့ ခက်ခဲနေ ဦးမှာပါ။