ဘုရားသုံးဆူမြို့၌ ကရင် နယ်ခြားစောင့် အရာရှိ တစ်ဦး ပစ်သတ် ခံရ

မင်းသုတ

ထိုင်းမြန်မာနယ်စပ်၊ ဘုရားသုံးဆူမြို့၊ ဥဒေါင်းကန်မြောက်ဘက်၌ ကရင် နယ်ခြားစောင့်အရာရှိတစ်ဦးယမန်ညပိုင်းတွင် သေနတ်ဖြင့် ပစ်သတ် ခံရ ပြီး ပွဲချင်းပြီး သေဆုံး ခဲ့သည်။

ယမန်နေ့ည ၉ နာရီကျော်တွင် ဥဒေါင်းကန် အနီး ပွဲခင်း၌ နယ်ခြားစောင့် တပ်ဖွဲ့ ဝင်အ ချင်းချင်းကြား စကားများ ကြရာမှ ကရင် နယ်ခြားစောင့် တပ်မှ ဗိုလ်မှူး ရဲနိုင်သည် သေနတ်ဖြင့် ပစ်ခတ် ခံရပြီး သေဆုံး ခဲ့သည် ဟု မျက်မြင်များက ပြောသည်။

ဘုရားသုံးဆူမြို့မှ အမည် မဖေါ် လိုသော ရဲ အရာရှိ တစ်ဦးက “တိုင်းရင်း သား လက်နက်ကိုင် တပ်ဖွဲ့ ကိစ္စဖြစ်နေတာ့ ကျနော်တို့ အနေနဲ့ ဘာမှ မပြော လိုပါဘူး၊ သူတို့ ကိစ္စ သူတို့ပဲ ကိုင်တွယ် ဖြေရှင်း ရပါမယ်၊” ဟု ပြောသည်။

ဒေသခံကရင်အမျိုးသားအစည်းအရုံး (KNU) အရာရှိတစ်ဦးကယင်းအငြင်းပွားပစ်ခတ်မှုသည်မူးယစ်ဆေးဝါးနှင့် ဆက်နွှယ် နိုင်ကြောင်း ထင်မြင် ချက်ပေး သည်။

၎င်းက “သူတို့ကစောနော်တရာ(ဒီကေဘီအေ)ရဲ့တပည့်တွေဖြစ်ခဲ့တယ်၊ တပ်ကနေထုတ်ပယ်ထားတဲ့လူတွေလို့ ကျနော်တို့သိထားတယ်၊ မူးယစ်ဆေးဝါးတွေနဲ့ပတ်သက်ပြီးသူတို့နာမည်ထွက်နေတယ်” ဟုပြောသည်။

ဘုရားသုံးဆူဒေသဝန်းကျင်တဝိုက်တွင် ကရင်အမျိုးသားအစည်းအရုံး (KNU), တိုးတက်သောကရင်အမျိုးသားဗုဒ္စဘာသာတပ်မတော် DKBA, မွန်ပြည်သစ်ပါတီNMSP, နယ်ခြားစောင့်တပ်ဖွဲBGF, ကရင် ငြိမ်းချမ်းရေး ကောင်စီ (KNU/KNLA-PC) စသည့် တပ်ဖွဲ့များ လှုပ်ရှား လျှက်ရှိသည်။

ထို့အပြင် နိုင်ထွန်းခေါင်းဆောင်သောပြန်ပေးဆွဲသည့်အဖွဲ့သည်လည်းယင်းဒေသတွင် အနီးတဝိုက်တွင်ကျက်စားလှုပ်ရှားနေပြီးယခုနှစ် ဖေဖော်ဝါရီလမှ ယခုလအထိဘုရားသုံးဆူမြို့ထဲတွင်ပြန်ပေးဆွဲမှု နှစ်ကြိမ်ဖြစ်ပွားခဲ့သည်။

ယင်းဘုရားသုံးဆူနယ်စပ်လမ်းကိုထိုင်းနိုင်ငံသို့ မူးယစ်ဆေးဝါးတင်သွင်းသည့် လမ်းကြောင်းတစ်ခုအဖြစ် ထိုင်းအာဏာပိုင်တို့သတ်မှတ် ထားပြီး ယင်းဒေသ ရှိနယ်ခြား ဖြတ်ကျော်မှု ကိုအထူး တင်းကြပ် ထားလေ့ ရှိသည်။