Wednesday, July 25, 2012

ဦး လဆန်အောင်ဝါ နှင့် ဦးမင်းညို ပူးပေါင်း၍ ဒေသခံများလယ်ယာမြေ အဓမ္မသိမ်း ဆည်း

KNG

ကချင်ပြည်နယ် မြစ်ဆုံတဖက်ကမ်းရှိ နောင်းခိန်း (Nawng Hking) ကျေးရွာမှ ၈ မိုင်အကွာရှိ ဘွေဒေါ့ကျေးရွာသားများ၏ လယ်ယာမြေ များ ကို ဦးမင်းညို နှင့် လဆန်အောင်ဝါ ပြည်သူ့စစ်တပ်ဖွဲ့ဝင်များ ပူးပေါင်း၍ အချို့လယ်မြေများကို သိမ်းဆည်းလိုက်ပြီး နောက်ထပ် ပြောင်း ရွှေ့ပေးရန် ခြိမ်းခြောက်မှုများပြုလုပ်နေကြောင်း သိရသည်။

အိမ်ခြေ ၃၀ ကျော်မှီခိုလျက်ရှိသော ဘွေဒေါ့ (Bwi Daw) ကျေးရွာတွင် ဧပြီလကုန်ပိုင်းမှစ၍ ပြောင်းရွှေ့ရန် ပိုမိုဖိအားပေးခံခဲ့ရပြီး ယခုလ အ တွင်းမူ လက်နက်များဖြင့် လာရောက်ခြိမ်းခြောက်ပြောဆိုခဲ့ခြင်းကြောင့် ဒေသခံများ စိုးရိမ်ထိတ်လန့်မှုဖြစ်နေကြောင်းသိရသည်။

မုဆိုးမများ အများစုမှီခို၍ လယ်ယာ စိုက်ပျိုးရေးလုပ်ကိုင်နေသော ဘွေဒေါ့ကျေးရွာတွင် ထိုသို့ အဓမ္မခြိမ်းခြောက်ကာ ပြောင်းရွှေရန်ပြော ဆို ချိန်တွင် လယ်ယာ အိမ်ခြံမြေတွက် ပြေစာမပြနိုင်ခြင်းကြောင့်ဟုပြောဆိုကာ အိမ်ထောင်စု (၅) စုပိုင် လယ်ဧက ၃၀ ကျော်ကို ဦးလ ဆန်အောင်ဝါ အဖွဲ့မှ တူးဆွဖျက်ဆီးပေးလိုက်ကြောင်း ဘွေဒေါ့ဒေသခံ ကိုမနော် (Ma Naw) ပြောသည်။

“လယ်ကွင်းတွေကို မြေတူးစက်တွေနဲ့ တူးဖောက်ဖျက်ဆီးပေးလိုက်တယ်။ သွားပြောရင်တော့ လ ဆန်အောင်ဝါနဲ့တော့လုံးဝ မတွေ့ဘူး။ သူဋ္ဌေးမင်းညို ပြောလိုက်တာက.. မင်းတို့ရဲ့ပြေစာတွေက နောက်ကျသွားပြီ။ ကျတော်တို့အရင်ဦး ပြီးသားဟုတ်တယ်။ အဲလိုပြောလာတော့ ဘာမှ မတတ်နိုင်ဘူး။ ဒီနှစ် လယ်ထွန်ဖို့က အရမ်းခက်နေတယ်။ အရမ်း စိတ်ဆင်းရဲတယ်” ဟု KNG ကချင်သတင်းဌာသို့ပြောသည်။

ဦးလဆန်အောင်ဝါနှင့် အကျိုးတူ ဦးမင်းညိုသည် ၎င်းကျေးရွာရှိ ရွာသားများ၏ လယ်ကွက်များကို ငါးမွေးမြူရေးစီမံကိန်းနှင့် တောင်ကုန်း များ တွင် ဒညှင်းပင်စိုက်ပျိုးမည့်စီမံကိန်းအတွက် ရွာသားများ၏ ခြံမြေ၊ လယ်ယာများကို ပြေစာအကြောင်းပြု၍ အဓမ္မသိမ်းဆည်း ဖျက် ဆီးပေး ခြင်းဖြစ်ကြောင်းသိရသည်။

“မင်းတို့ တောင်ယာတွေ လာမစိုက်နဲ့ မင်းတို့ လာစိုက်ရင်လည်းအလကားပဲ။ နှစ်ရှည်ပင်တွေ စိုက် ရင် လဲ အလကားပဲ။ အရှုံးပဲ” ဟု ဦးမင်းညို ပြောဆိုကြိမ်းမောင်းခဲ့ကြောင်း ဒေသခံတစ်ဦးပြောပြခဲ့သည်။

ခြံမြေများကိုလည်း သိမ်းထားပြီးသားဖြစ်ကြောင်း စခန်းရုံးသို့ လက်မှတ်ထိုးပြီး အပြီးပြောင်းရန် ခြိမ်းခြောက်ခဲ့သောကြောင့် ယခုချိန် ဒေ သခံ အချို့ သည် တောင်ယာ လယ်ယာများမလုပ်နိုင်တော့ပဲ အခက်ခဲရင်ဆိုင်နေရကြောင်း သိရသည်။

၎င်းနယ်မြေများကို လဆန်အောင်ဝါသည် ဦးမင်းညိုအားရောင်းထားပြီးဖြစ်ကြောင်းနှင့် လယ်ယာများကို ဖျက်ဆီးခြင်းဖြင့် ရွာသားများ အလို လို ရှောင်တိမ်းသွားနိုင်ကြောင်း တိုက်တွန်းခဲ့သောကြောင့် ထိုသို့ လုပ်ဆောင်ခြင်းလည်းဖြစ်သည်ဟု ၄င်းတို့နှင့်နီးစပ်သော သူများ မှသိရ သည်။

လဆန်အောင်ဝါပြည်သူ့စစ်အဖွဲ့သည် ၂၀၀၇ ခုနှစ်မှစ၍ ဂွေထူပါ-ဘွေဒေါ့ကျေးရွာဘက်ရှိ တောင်ကုန်းတခုတွင် စခန်းချလျက်ရှိကြောင်း သိရှိ ရသည်။

၁၉၉၂ ခုနှစ်မှ မော်တောင်းကျေးရွာ၊ ဆယ်မိုင်၊ နောင်းခိန်းကျေးရွာများမှ ဒေသခံများသည် ထိုနေရာတွင် တောင်ယာ လယ်ယာများ လုပ် ကိုင် ရင်း ဘွေဒေါ့ကျေးရွာအဖြစ် ရွာတည်ထောင်လာခြင်းဖြစ်သည်။

No comments: