ပါကစ္စတန် လူ့အခွင့်အရေးခေါင်းဆောင် ဗီဇာ အငြင်းပယ်ခံရ

မဇ္ဈိမသတင်းဌာန | ဗုဒ္ဓဟူးနေ့၊ ဇူလိုင်လ ၂၅ ရက် ၂၀၁၂

ရခိုင်ပြည်နယ်တွင်း ရိုဟင်ဂျာ မူဆလင်များ အစုအပြုံလိုက် သတ်ဖြတ်ခံရမှုအတွက် အချက် အလက်များ လာရောက် လေ့လာ ရယူရန် အတွက် မြန်မာ နိုင်ငံသို့ လာ ရောက်လိုသည့် ပါကစ္စတန် လူ့အခွင့်အရေး လှုပ်ရှားမှုခေါင်းဆောင် Ansar Burney နှင့် လုပ်ဖော်ကိုင်ဖက် တဦးတို့အား မြန်မာ နိုင် ငံမှ ပြည်ဝင်ခွင့်ဗီဇာ ငြင်းပယ် လိုက် ကြောင်း သိရသည်။

မည်သည့် လူ့အခွင့်အရေးလှုပ်ရှားသူ၊ စာနယ်ဇင်းသမားများကိုမှ အချက်အလက် ရှာဖွေလေ့လာရေး မစ်ရှင်အဖြစ် မြန်မာနိုင်ငံသို့ လာ ရောက်ခွင့် မပြုနိုင်ကြောင်း လန်ဒန်ရှိ Ansar Burney Trust International သို့ မြန်မာသံရုံးမှ အကြောင်း ကြားလာခြင်း ဖြစ်သည်။

“သူတို့နိုင်ငံကို စာနယ်ဇင်းသမားတွေနဲ့ လူ့အခွင့်အရေးအဖွဲ့တွေကို ၀င်ခွင့်မပေးဘူး လို့ သံရုံးက ကျနော့်ကို ပြောလာပါတယ်။ ကျနော် လုံးဝကို အဖျက်ဆီး ခံလိုက်ရ တာပါပဲ။ ဒါဟာ မြန်မာနိုင်ငံအနေနဲ့ ကမ္ဘာကြီးကနေ ထိန်ဝှက်ထား စရာ တစုံတရာ ရှိနေတယ်ဆိုတာ သက်သေ ပြလိုက်တာပါပဲ” ဟု Ansar Burney အား ကိုးကား၍ International The News တွင် ဖော်ပြပါရှိသည်။

ပါကစ္စတန် ဖက်ဒရယ် လူ့အခွင့်အရေး ၀န်ကြီးဟောင်းလည်းဖြစ်၊ လန်ဒန်ရှိ ပါကစ္စ တန် သတင်းစာ ကလပ် ၏ အတွင်းရေးမှူးလည်း ဖြစ်သည့် Ansar Burney သည် ဇူလိုင်လ ၁၉ ရက်နေ့က ဗီဇာလျှောက်ထားခဲ့ပြီး ခွင့်ပြုရန် အတွက် သံရုံးမှ အားမခံချက် ရရှိထားပြီး သော်လည်း ဇူလိုင်လ ၂၄ ရက်နေ့တွင် ယခုကဲ့သို့ ငြင်း ပယ်ခံရခြင်းဖြစ်သည်။

ကုလသမဂ္ဂ လူ့အခွင့်အရေးကောင်စီ အကြံပေးပုဂ္ဂိုလ်ဟောင်း တဦးဖြစ်သည့် Ansar Burney သည် မြန် မာနိုင်ငံ အတွင်း မူဆလင်များ အစု အပြုံလိုက် သတ်ဖြတ်ခံနေရသည် ဟူသော အစီရင် ခံစာများ နှင့်ပတ် သက်၍ ကိုယ်တိုင် သွားရောက် လေ့လာကာ အချက်အလက် များ ရှာ ဖွေစုဆောင်းပြီး အမှန်တရား ကို ဖော်ထုတ်မည်ဟု ဆိုထားသည်။

ယခုကဲ့သို့ မြန်မာအစိုးရ၏ ပြုမူချက်မှာ ၎င်းနိုင်ငံတွင်း အပြစ်မဲ့ မူဆလင်များအား သတ်ဖြတ်နေမှုများ၊ မူဆလင် အမျိုးသမီးငယ်များအား အဓ မ္မပြုကျင့်နေမှုများ၊ အခြားသော ယုတ်မာရက်စက်မှုများနှင့် လူ့အခွင့်အရေး ချိုးဖောက်မှုများ ဖြစ်နေသည် ဟူသော မြန်မာအစိုးရ အပေါ်ထွက် ဆိုချက် များအား သက်သေပြလိုက်ခြင်းသာ ဖြစ်ကြောင်း Ansar Burney က မှတ်ချက်ပြု ပြောဆိုသွားသည်ဟု Pakistan Today သတင်း တ ရပ်တွင်လည်း ဖော်ပြပါရှိသည်။