စည်သူမောင်မောင်
ကျောင်းစနေစဉ် အချိန်မှစ၍ ဆရာဖြစ်သင်တန်းအထိ သင်ရိုးနှင့်နည်း စနစ်အားနည်းချက်များစွာရှိ၍ အရည်အချင်းပြည့်ဝသော ဆရာ၊ ဆရာမများ ဖြစ်လာရေးအခက်အခဲများစွာ ရှိနေသည်ဟု ဧရာဝတီတိုင်း ဝန်ကြီးချုပ် ဦးသိန်းအောင်က ပြောသည်။
ပုသိမ်တက္ကသိုလ်တွင် အောက်တိုဘာ ၂၇ ရက်က ပြုလုပ်သည့် ပညာရေး အရည်အသွေးမြှင့်တင်မှုဆိုင်ရာ ညှိနှိုင်းဆွေးနွေးပွဲတွင် ယင်းသို့ ပြောခြင်းဖြစ်သည်။
“အိမ်နီးနားချင်းနိုင်ငံများနဲ့ ယှဉ်လိုက်ရင် ကျွန်တော်တို့က အားနည်းနေသေးတယ်လို့ ပြောလို့ရပါ တယ်” ဟု ဦးသိန်းအောင်က ပြောသည်။
ထို့ကြောင့် အခြားသော နိုင်ငံများတွင် သုံးစွဲနေသည့် သင်ရိုးနှင့်သင်ကြား နည်းစနစ်ကို လေ့လာကြရန် ဝန်ကြီးချုပ်က တိုက်တွန်းသည်။
“နိုင်ငံတော် တည်ဆောက်ရေးတွေမှာ နိုင်ငံတိုင်း နိုင်ငံတိုင်းမှာ ပညာရေးနဲ့ပဲ တည်ဆောက်တယ်။ ပညာတတ်တွေနဲ့ပဲ တည်ဆောက်တယ်။ ဒီခေတ် ဟာ ပညာခေတ်ဆိုတာလည်း လူတိုင်းနားလည်ထားပါတယ်” ဟု ဦးသိန်းအောင်က ပြောသည်။
အဆိုပါ ညှိနှိုင်းပွဲတွင် ပညာရေး မြှင့်တင်မှု အကောင်အထည်ဖော်ရေး ကော်မတီဝင်ဒေါက်တာ ကြူကြူဆွေက “အဆင့်မြင့် ပညာသင်ကျောင်းများတွင် ဘာသာရေး အဖွဲ့အစည်းနှင့် နိုင်ငံရေး အဖွဲ့အစည်းတို့၏ လွှမ်းမိုးမှုမှ ကင်းလွတ်ရမည်။ တက္ကသိုလ်များတွင် လွတ်လပ်ပြီးတက်ကြွသော ပညာရပ်ဆိုင်ရာ ဝန်းကျင်ကောင်းများ ဖန်တီးပေးရမည်” စသည့် အမျိုးသားပညာရေး ဥပဒေကြမ်းပါ အခြေခံမူများကို ဆွေးနွေးသည်။
အမျိုးသားပညာရေး ဥပဒေကို ၂၀၁၄ ခုနှစ်၊ စက်တင်ဘာလ ၃၀ ရက် တွင် ပြည်ထောင်စုလွှတ်တော် ဥပဒေအမှတ် ၄၁ ဖြင့် ပြဋ္ဌာန်းခဲ့ပြီးဖြစ်သည်။ သို့သော် ကျောင်းသားသမဂ္ဂများ၊ ဆရာ၊ ဆရာမသမဂ္ဂများ၊ ပညာရေး ပြုပြင်ပြောင်းလဲရေးနိုင်ငံလုံးဆိုင်ရာ ကွန်ရက်တို့က ကန့်ကွက်ကြသည်။
No comments:
Post a Comment