မွန်းတည့်နေ ဂျာနယ် ထုတ်ဝေသူနှင့် သတင်းသမားများ၏ အယူခံ ခရိုင်တရားရုံး ပယ်ချ

နန်းဆိုင်နွမ်

နိုင်ငံတော်အကြည်ညိုပျက်စေမှု ပုဒ်မ ၅၀၅ (ခ)ဖြင့် ထောင်ဒဏ် ၂ နှစ်ချမှတ်ခံထားရသော Bi မွန်းတည့်နေ ဂျာနယ်မှ ထုတ်ဝေသူ ၂ ဦး၊ အယ်ဒီတာ ၂ ဦးနှင့် သတင်းထောက် ၁ ဦး တို့က ချမှတ်ခံလိုက်ရသော ပြစ်ဒဏ်များနှင့်ပတ်သက်၍ အနောက်ပိုင်းခရိုင်တရားရုံးတွင် အယူခံလွှာ တင်သွင်းခဲ့ရာ ခရိုင်တရားရုံးက အဆိုပါ အယူခံလွှာကို လက်မခံဘဲ ပယ်ချ လိုက်ကြောင်း သိရှိရသည်။

၂၀၁၄ ခုနှစ် ဇူလိုင်လ ၁၁ ရက်နေ့ ထုတ်ဝေသော Bi မွန်းတည့်နေဂျာနယ်တွင် ဒေါ်အောင်ဆန်းစုကြည်နှင့် တိုင်းရင်းသား ဒီမိုကရေစီအင်အားစုများကို ကြားဖြတ်အစိုးရအဖြစ် ပြည်သူများက ရွေးချယ်တင်မြှောက်ကြောင်း M.D.C.F ထုတ်ပြန်” ဆိုသော သတင်းကို ဂျာနယ်မျက်နှာဖုံးတွင် အကျယ်တ၀င့်ဖော်ပြခဲ့ရာ အာဏာပိုင်များက Bi မွန်းတည့်နေ ဂျာနယ် ထုတ် ဝေ သူနှင့် သတင်းသမားများကို နိုင်ငံတော်အကြည်ညိုပျက်စေမှုဖြင့် ဖမ်းဆီးတရားစွဲဆို၍ ထောင်ဒဏ် ၂ နှစ်စီချမှတ် ခဲ့သည်။

အောက်တိုဘာလ ၂၇ ရက်နေ့တွင် မွန်းတည့်နေဂျာနယ်၏ တရားလွှတ်တော်ရှေ့နေ ဦးကျော်ဝင်းက အနောက်ပိုင်း ခရိုင် တရားရုံးသို့ သွားရောက်၍ ပြစ်ဒဏ်ကျသတင်းသမားများအတွက် အယူခံလွှာ တင်သွင်းခဲ့ရာ တရားရုံးက နာရီပိုင်းအတွင်း အယူခံလွှာ လက်မခံဟုဆိုကာ ပယ်ချခဲ့ကြောင်း သိရှိရသည်။

“ကျနော်တို့ အယူခံလွှာရေးပြီး အနောက်ပိုင်း ခရိုင်တရားရုံးကို တင်လိုက်တယ်။ အယူခံလွှာပယ်ချခံလိုက်ရတယ်။ နောက် ထပ် အယူခံလွှာတင်ဖို့က မိသားစုဝင်တွေကို မေးပြီး ဆက်လုပ်သွားမှာပါ။ ပြစ်မှုနဲ့ ပြစ်ဒဏ်မမျှဘူးဆိုတာ တင်ပြပါ တယ်။ ဒီထက်မြင့်တဲ့ တရားရုံးသွားလို့ရတယ်။ တရားလွှတ်တော်ထဲ ဝင်လို့ရပါတယ်” ဟု မွန်းတည့်နေဂျာနယ်၏ တရား လွှတ် တော် ရှေ့နေ ဦးကျော်ဝင်းက ဧရာဝတီသို့ ပြောသည်။

ထောင်ဒဏ် ၂ နှစ် ချမှတ်ခံရသူများမှာ Bi မွန်းတည့်နေ ဂျာနယ် ထုတ်ဝေသူ ဦးယဉ်မင်းထွန်းနှင့် ဦးကျော်မင်းခိုင်၊ အယ်ဒီတာ ဦးဝင်းတင်၊ တာဝန်ခံ အယ်ဒီတာ ဦးသူရအောင် (အောင်သန့်-ကျိုက်ကော်) နှင့် သတင်းထောက် ကျော်ဇောဟိန်း (မင်းဝဿန်) တို့ဖြစ်သည်။

သတင်းထောက် ကျော်ဇောဟိန်း (မင်းဝဿန်) ၏ ဖခင် ဦးခင်အောင် က “ ဘာကြောင့် အယူခံကို ဖယ်ချလိုက်လဲ ဆိုတာ ကို သေချာတော့မသိသေးဘူး။ စုံစမ်းနေတုန်းပါ။ ပြီးတော့ ၅ယောက်တွဲအမှုဆိုတော့ အားလုံးရဲ့ ဆန္ဒကို မေးပြီး ဆက်လုပ် သွားမှာပါ” ဟု ဧရာဝတီသို့ပြောသည်။

သမ္မတဦးသိန်းစိန်၊ ကာကွယ်ရေးဦးစီးချုပ်မင်းအောင်လှိုင်တို့နှင့် မြန်မာနိုင်ငံစာနယ်ဇင်းကောင်စီ(ယာယီ) တို့အကြား တွေ့ဆုံ ဆွေးနွေးမှုများ ရှိနေလင့်ကစား စစ်တပ်လက်နက်စက်ရုံအကြောင်းရေးသားမှုဖြင့် ထောင်ဒဏ် ၁၀ နှစ် ချမှတ် ခံထား ရသော ယူနတီသတင်းသမားများကိစ္စ၊ မွန်းတည့်နေဂျာနယ်မှ ထောင်ဒဏ် ၂ နှစ်ချမှတ်ခံရသော မွန်းတည့်နေ ဂျာနယ် မှ သတင်းသမားများ ကိစ္စနှင့်ပတ်သက်၍ တစုံတရာ ထုတ်ဖော်ပြောဆိုခဲ့ခြင်းမရှိကြောင်း သိရှိရသည်။

မြန်မာနိုင်ငံတွင် သတင်းသမားများ ထောင်ချ ဖမ်ဆီးခံနေရုံမျှမက မွန်ပြည်နယ်၊ ကျိုက်မရော မြို့နယ်တွင် အလွတ် သတင်း ထောက် တဦးဖြစ်သူ ကိုပါကြီး စစ်တပ်၏ ဖမ်းဆီးထိန်းသိမ်းထားစဉ် သေဆုံးသွားခဲ့ပြီး ယင်းဖြစ်စဉ်နှင့်ပတ်သက်၍ အစိုးရနှင့် တပ်မတော်က စုံစမ်းဖော်ထုတ်ပေးရန် လူမှုအဖွဲ့အစည်းများက တောင်းဆို လျက်ရှိသည်။