ယခုလ ၁၅ ရက်နေ့တွင် ၄င်းအလုပ်ရုံပိတ်သိမ်း တော့ မည့်အကြောင်း အလုပ်ရုံမန်နေဂျာဖိတွတ်က ပြော ကြားခဲ့ရာတွင် နစ်နာကြေးများ ပေးဆောင်မည် မဟုတ်သည့် အတွက် စက်ရုံတွင်အလုပ် လုပ်ကိုင် နေကြသော မြန်မာအ လုပ်သမား ၈၀ ခန့် ဆန္ဒပြခဲ့ခြင်းဖြစ်သည်။
“အလုပ်သမားတွေက ဗမာ၊ ထိုင်း၊ အင်္ဂလိပ် ၃ ဘာသာ ပိုစတာ စာတမ်းတွေ ထောင်ပြီး နစ်နာမှု တွေကို တောင်းဆိုတာပါ၊ အလုပ်ရှင် ဘက်က အလုပ် တွေရပ်နား ပစ်တဲ့ အတွက် ထိုင်းနိုင်ငံအလုပ်သမားဥပဒေအတိုင်း၂ လစာ လုပ်ခ ကိုပေး ရမှာပါ” ဟု ဆန္ဒပြ အလုပ် သမား တစ်ဦးက ပြောသည်။
အလားတူ ပြီးခဲ့သည့်ဇူလိုင်လ(၃)ရက်နေ့တွင်လည်း ထိုင်းနိုင်ငံ၊ ကန်ချနပူရီခရိုင် အလုပ် သမားရေးရာရုံး တာဝန်ခံသို့ လိပ်မူ၍ “ထိုင်း နိုင်ငံမှ ထုတ်ပြန်သော အလုပ်သမား ကာကွယ်ရေးအက်ဥပဒေ LABOUR PROTECTION ACT B.E.2541 (A.D.1998) အရ နောက်ဆုံး လုပ်သည့် လုပ်ခလစာနှုန်းထားအတိုင်း အလုပ်လုပ်ရက်(၆၀) ရက်အတွက် အလုပ်ရှင်မှပေးဆောင်ရန်အချက်အားလိုက်နာရန်” ဟူ၍ တိုင်ကြား စာပေးပို့ ခဲ့ကြောင်း အလုပ် ကြီးကြပ်ရေး ဝန်ထမ်း တဦးက ပြောသည်။
ပြီးခဲ့သည့် ဇွန်လ ၂၉ ရက်နေ့တွင် “အလုပ်ရှင်ဘက်က ဒီလ ၁၅ ရက်နေမှာ အလုပ်ရုံပိတ်မယ်လို့ ကြေညာလိုက်တော့ အခုလိုမိုးရာသီချိန်မှာ ရုတ်တရက်အလုပ်သစ်ရှာရတာမလွယ်ဘူး၊ အကြီး အကျယ်ဒုက္ခဖြစ်ဖို့က သေချာ တယ်” ဟု အလုပ်သမားတဦးကပြောသည်။
ထိုင်းနိုင်ငံနယ်နိမိတ် ဘုရားသုံးဆူနယ်စပ်ဒေသရှိ အလုပ်ရှင်နှင့် အလုပ်သမားများအကြားအလုပ်သမားအခွင့်အရေးလေးစားလိုက်နာ ရန်ပျက် ကွက်နေသည့်အလုပ်ရုံအချို့ကို ထိုင်းနိုင်ငံအစိုးရနှင့် အပြည်ပြည်ဆိုင်ရာ အလုပ်သမား အဖွဲ့ချုပ်ILO တို့ထံ ဆက်လက် တိုင် ကြားမည်ဟု လည်း အလုပ်သမားခေါင်းဆောင်တစ်ဦးက ပြောသည်။
PIA TRADING အလုပ်ရုံတွင် နေ့စဉ်ထိုင်းနိုင်ငံသို့ ဝင်ရောက်ဖြတ်ကျော်အလုပ်လုပ်ကိုင်သူ မြန်မာအလုပ်သမားဦးရေ (၈၀) ကျော်ရှိရာ တစ် ရက်(၈)နာရီ လုပ်ခထိုင်းဘတ်ငွေ ၈၀ သာရရှိပြီး လုပ်သက်ရင့်အလုပ်သမားအချို့သာ ထိုင်းဘတ်ငွေ ၁၀ဝ မှ ၁၂၀ အများဆုံး ရရှိ ကြ သည်။
မြန်မာနိုင်ငံ၊ဘုရားသုံးဆူဒေသရှိ အလုပ်သမားအများစုသည် နယ်စပ်ခြင်းထိစပ်နေသည့် ထိုင်းနယ်နိမိတ် ဘုရားသုံးဆူရွာရှိ ဖိနပ်ချုပ်၊ အ ထည်ချုပ်နှင့် အခြားစက်ရုံ ၄ဝ ကျော်တွင် နေ့စဉ်နယ်ခြားဖြတ်ကျော်ပြီး အလုပ်လုပ်ကိုင်နေကြသည့် အလုပ်သမားဦးရေ ၅၀ဝ၀ ကျော်ခန့် ရှိနေ သည်။
No comments:
Post a Comment