Thursday, July 5, 2012

ပြန်ပေးသမားလက်မှ ကိုရွှေအ ပြန်လွတ်ပြီ

လွတ်လပ်သော မွန်သတင်းအေဂျင်စီ

ထိုင်း-မြန်မာနယ်စပ်၊ ကရင်ပြည်နယ် ဘုရားသုံးဆူမြို့နေ ရာဘာခြံနေ့စားအလုပ်သမား ကိုရွှေအ တစ်လ ကျော်ပြန်ပေးဆွဲခံထားရာမှ ပြန် လည် လွတ်မြောက်လာခဲ့သည်။

လွန်ခဲ့သည့် ၃ ရက်ခန့်တွင် ၄င်းနေအိမ်သို့ပြန်လည်ရောက်ရှိလာပြီး ဘုရားသုံးဆူမြို့၊ ရပ်ကွက်(၃) တွင် မိသားစုနှင့်အတူ အေးချမ်းစွာ နေထိုင် လျှက် ရှိသည်။

“ကျနော့်ကိုဖမ်းသွားတုန်းက ဘတ်ငွေ ၃ သောင်းတောင်းတယ်၊ ကျနော်က နေ့စားအလုပ် သမား ဆိုတော့ သူတို့ကိုပေးဖို့ငွေမရှိဘူးလေ၊ အဲဒီ လို နဲ့သူတို့လက်ထဲမှာ ၁၇ ရက်ကြာနေခဲ့ရတယ်” ဟု ကိုရွှေအက ပြောသည်။

ပြန်ပေးသမားများက နေရာဒေသမသိရသောလျှိုမြောင်တစ်ခုရှိ တဲတစ်ခုတွင် သူ့ကိုထိန်းသိမ်းထားခဲ့သည်ဟု ကိုရွှေအ ပြောသည်။

“နောက်တော့ ပြန်ပေးသမားတွေ တစ်ယောက်ပြီးတစ်ယောက်ပျောက်သွားပြီး ကျနော်လည်း ခြေ ဦးတည့်ရာ ထွက်သွားတော့တာပဲ၊ ဒါနဲ့ရာ ဘာခြံတစ်ခြံမှာနေ့စားအလုပ်ဝင်လုပ်တယ်၊ အဲဒီကလမ်းစရိတ်ရပြီး အိမ်ကိုပြန် ရောက်လာတာ ပေါ့” ဟု သူကဆက်ပြောသည်။

ထိုသို့လွတ်မြောက်လာမှုအပေါ် ဘုရားသုံးဆူမြို့ အစိုးရအာဏာပိုင်တို့မှ ကိုရွှေအ၏ ဖြစ်စဉ်ကိုမေးမြန်းမှုများ ရှိခဲ့သည်။

ဘုရားသုံးဆူမြို့၊ အမှတ်(၃)ရပ်ကွက်နှင့်ထားဝယ်စုအနီဦးထွန်းတင်၏ရာဘာခြံတွင် ကိုရွှေအနှင့်အဖေါ်တစ်ဦး နေ့စားအလုပ်လုပ်နေစဉ် လွန် ခဲ့သည့် မေလ(၂၇) ရက်နေ့၊ ညနေပိုင်းတွင် လက်နက်ကိုင်တစ်စုက ပြန်ပေးဆွဲဖမ်းဆီးခေါ်ဆောင်ခဲ့ခြင်းဖြစ်သည်။

ကိုရွှေအ၏သေရေးရှင်ရေးသတင်းအစအန တစ်လခန့်မကြားသိရသဖြင့် ၄င်းနှင့်အတူ မိသားစုဝင်များ အထူးစိုးရိမ်နေခြင်းကြောင့် ရပ် ကွက်(၃) အုပ်ချုပ်ရေးမှူးက မွန်ပြည်သစ်ပါတီထံ မေးမြန်းတင်ပြခဲ့သည်။

ဘုရားသုံးဆူအနီးပတ်ဝန်းကျင်တဝိုက်လှုပ်ရှားနေသော ပြန်ပေးအဖွဲ့ဝင်အချို့ကို မွန်ပြည်သစ်ပါတီတပ်ဖွဲ့မှ ပြီးခဲ့သည့်ဇွန်လလယ်တွင် ဖမ်း ဆီးရမိသည့်သတင်းထွက်ပေါ်နေသော်လည်း စီမံချက်ကာလမပြီးဆုံးသေး သဖြင့် သတင်းမထုတ်ပြန်သေးဟု သိရသည်။

၂၀၁၂ ခုနှစ် ဖေဖေါ်ဝါရီလတွင်တစ်ကြိမ်၊ မေလတွင်နှစ်ကြိမ် ဘုရားသုံးဆူမြို့ပေါ်အနီးတဝိုက်တွင် ပြန်ပေးဆွဲမှု ဖြစ်ပေါ်ခဲ့ရာ ခေါင်း ဆောင် ဆို သူမှာ နိုင်ထွန်းဟု အမည်ပေးထားသည်။

No comments: