Saturday, July 21, 2012

အငြိမ်းစား ဒုတိယဗိုလ်ချုပ်မှူးကြီး ကျန်းမာရေး ပြန်လည်ကောင်းမွန်

မင်းလွင်

စင်ကာပူနိုင်ငံမှာ ဆေးကုသမှုခံယူနေတဲ့ မြန်မာ့တပ်မတော် ဒုတိယအကြီးအ ကဲနဲ့ စစ်အစိုးရအဖွဲ့ ဒုဥက္ကဋ္ဌ ဒုတိယ ဗိုလ်ချုပ်မှူးကြီးဟောင်း ဦးမောင်အေး ကျန်းမာရေး ကောင်းမွန်လာပြီ လို့ မြန်မာ တပ်မတော် ဆေးတပ် အသိုင်းဝိုင်း ကနေ စုံစမ်း သိရပါတယ်။

ဇူလိုင်လ ၈ ရက်နေ့က ဂေါက်သီးရိုက်နေစဉ်မှာ ကျန်းမာရေးဆိုးရွားလာတဲ့ အတွက် နေပြည်တော် သိုက်​ချောင်း​ တပ်မတော် ကုတင် ၁၀၀၀ စစ်ဆေး ရုံမှာ ကျန်းမာရေးစောင့်ရှောက်မှု ခံယူပြီး ၉ ရက်နေ့ ညနေ့ပိုင်းမှာ စင်ကာပူ နိုင်ငံကို ပို့ဆောင်ခဲ့ရတာပါ။

ဦးမောင်အေးဟာ အသည်းခြောက်ရောဂါ (Liver Cirrhosis) ခံစား နေရ တယ်လို့ တပ်မတော် ဆေးတပ် အသိုင်းအ၀ိုင်းက ပြောပါတယ်။

အသက် ၇၅ နှစ်ရှိပြီဖြစ်တဲ့ ဒုတိယ ဗိုလ်ချုပ်မှူးကြီးဟောင်း ဦးမောင်အေးဟာ ၁၉၅၅ ခုနှစ်ကနေ ၂၀၁၀ ခုနှစ် မတ်လအထိ ၅၅ နှစ်လောက် တပ်မတော်ထဲမှာ တာဝန်ထမ်းဆောင်ခဲ့ပါတယ်။ စစ်တက္ကသိုလ် ပထမ အပတ်သင် တန်းဆင်း ခဲ့ သူလည်း ဖြစ်ပါတယ်။ တပ်မတော်ထဲမှာတော့ လက်တွေ့ကျသူအဖြစ် လူသိများပါတယ်။

တပ်မတော်က အငြိမ်းစားယူပြီးကတည်းက ဇာတိ စစ်ကိုင်းတိုင်း ရေဦးမြို့နယ်မှာ သာသနာ့ဘောင် ခေတ္တ၀င်ခဲ့ပြီးတော့ ပြင်ဦးလွင်မြို့မှာ စိုက် ပျိုးရေးလုပ်နေတာလို့ ကြားသိရပါတယ်။

No comments: