နောင်တောင်း (Nongdao) ရှိဒုက္ခသည်စခန်း ၂ခုဖြစ်သော ယန်လု (Yang Lu)နှင့် လော့ဖိုင် (Law Hpai) စခန်းတွင် တရုတ်အုပ်ချုပ် ရေးအရာ ရှိများနှင့်စစ်သားများ ၃၀ ခန့် လာရောက်ပြီး မိမိနေရပ် (သို့) စခန်းပြောင်းရွှေ့ပေးဖို့ပြောဆိုခဲ့ခြင်းဖြစ်ကြောင်း နောင်တောင်း ဒုက္ခသည် ကူညီ ရေး ကော်မတီဝင်များပြောသည်။
ထိုသို့နေရပ်ပြန်ရန်အမိန့်ပေးနေခြင်းသည် လျှပ်စစ်မီးကို ကောင်းမွန်စွာအသုံးမပြုတတ်သောကြောင့် ပြဿနာဖြစ်လာမည်စိုး၍သော်၎င်း၊ ကူး စက်ရောဂါများ ပြန့်ပွားလာမည်ကိုစိုးရိမ်ခြင်းကြောင့်သော်၎င်း၊ ဒုက္ခသည်စခန်းအနီးရှိ တရုတ်ဒေသခံများ၏ စိုက်ခင်းများမှ ဟင်း ရွက်များခူး ယူစားသုံးခြင်းနှင့် လက်ရှိ ပူးပေါင်း အသုံးပြုနေသော ရေပိုက်များကို မဆင်မခြင် အသုံး ပြုခြင်း စသည့် ပြဿနာများ ကြောင့်ဖြစ်သည်ဟု နောင်တောင်း ဒုက္ခသည်ကူညီရေး ကော်မတီဝင် ဆရာခွန်ထွန်းပြောသည်။
“အခုသူတို့ပြောင်းခိုင်းတဲ့ စခန်းနှစ်ခု အနီးမှာက ဒီဒေသကလူတွေလုပ်ထားတဲ့ ခြံခင်းတွေရှိတယ်။ အဲဒီခြံခင်း မှာဒီစခန်းက လူအချို့ကသွား ပြီး ဖရဲသီးတွေ သွားခူးစားပေးတာတွေလုပ်တယ်တဲ့။ ပြီးတော့ သူတို့ တရုတ်တွေနဲ့ ပေါင်းကိုင် နေတဲ့ ရေပိုက်တွေကို ကြိုက်သလို လုပ်ပေး တယ်တဲ့။ ပြီးတော့ စစ်တပ်စခန်းနဲ့ လည်းနီးတယ် ဒီစခန်းမှာ ဖျားနာတာတွေ သူတို့ပြည်သူ တွေကို ကူးမှာကြောက် တယ်တဲ့ ကူးစက် လာရင် သူတို့တာ ၀န်မယူနိုင်ဘူးတဲ့ အဲဒါတွေကြောင့် ပြောင်းခိုင်းတာဖြစ်တယ်” ဟု ပြောသည်။
သို့သော် ၎င်းစခန်းအနီးရှိ တရုတ်စစ်တပ်စခန်းမှ တရုတ်စစ်ဗိုလ်ကြီးများမူ စခန်းသို့ရောက်ရှိလာချိန်တွင် ရာဇ၀တ်မှုမှအပ ပြောင်းရွှေ့ခြင်း ကိစ္စ ကိုမပြောပဲ ၎င်းစခန်းရှိ ဒုက္ခသည်များကိုသာ ကောင်းမွန်စွာစောင့်ရှောက်ရန် ပြောဆိုထားကြောင်း သိရသည်။
“ဒီမနက်တောင် ဒီနားက ဗိုလ်ကြီးတွေလာသွားတယ်။ သူတို့က ဒုက္ခသည်တွေကို ကောင်းကောင်း စောင့်ရှောက် ကြည့်ရူပါတဲ့။ တစ်ကယ်လို့များ ဒီမှာ ဘိန်းရောင်းတာတွေရှိရင်တော့ သူတို့ကို အကြောင်းကြားပေးပါတဲ့။ ပြီးတော့ ပြည်သူ လူထုတွေရဲ့ အ၀င်အထွက်ကိုလည်း ကောင်း ကောင်းအုပ်ချုပ်ပါဆိုပြီး လာပြောတယ်။ အခုကျနော်တို့ကို မောင်းနေတာက အုပ်ချုပ်မူပိုင်း ဆိုင်ရာက လူတွေဖြစ်တယ်” ဟု ဆရာခွန်းထွန်း ကဆက် ပြောသည်။
ထိုသို့ တရုတ်အုပ်ချုပ်ပိုင်းဆိုင်ရာများမှ ထိုစခန်းနှစ်ခုတို့တွင် ဇူလိုင် ၆- ၈ ရက်နေ့ထိ သုံးကြိမ် မိမ်ိနေရပ် (သို့) လနာ့ဇွပ် (Lana Zup) ဘက်သို့ ပြောင်းရွှေ့ပေးရန် ပြောကြားထားသောကြောင့် ဒုက္ခသည်များစိုးရိမ်နေသည်။
ထို့ပြင် ကချင်ပြည်နယ် လနာ့ဇွပ် (Lana Zup) ဘက်သို့ပြောင်းရွှေမည်ဆိုပါက အပြောင်းအရွှေ့ကအစ တာဝန်ယူပေးမည်ဟု ပြောဆိုခဲ့ သော် လည်း ဒုက္ခသည်များသည် ပြောင်းရွှေ့ရန် ဆန္ဒမရှိသေးကြောင်း ပြောဆိုနေကြသည်။
“မနေ့ကလည်းလာတယ်။ ဟိုတနေ့ကလည်း ရွှေလီမြို့က အုပ်ချုပ်ရေးမှူးနဲ့ နောင်တောင်းမြို့က အုပ်ချုပ်ရေးမှူး တွေလာပြီး ပစ္စည်းတွေ အ ကုန် သိမ်းထားပါ။ မနက်ဖြန်လနားဇွပ်ဘက်ကို ပြောင်းဖို့လုပ်ပါဆိုပြီး ပြောထား တယ်” ဟု အထက်ပါဆရာပြောသည်။
ထိုသို့လာပြောထားသော်လည်း ဒုက္ခသည်များသည် ယခု မိုးရာသီချိန်လည်းဖြစ်ပြီး ကလေးများလည်း ကျောင်းတက်ချိန် ဖြစ်သော ကြောင့် ထို သို့ပြောင်းရွှေမည်ဆိုပါက ကလေးများ၏ ပညာရေးမှာလည်း တပိုင်းတစဖြစ်မည်ကိုစိုးရိမ်ကြောင်း ပြောင်းရွှေ့မည်မဟုတ် ကြောင်း သိရ သည်။
“သူတို့ဒီနေ့ပြန်လာမယ်လို့ပြောတယ် ဒါပေမယ့် ခုထိတော့ မလာသေးဘူး။ သူတို့လာရင်လည်း ကျ နော်တို့ဘက်ကတော့ မပြောင်းဖို့ ကောင်း ကောင်းတောင်းပန်ပြီး ပြောမယ်။ သူတို့ဘယ်လိုပဲလာပြောပြော သီးခံပြီးနေအုံးမယ်။ ကျနော်တို့ အနေနဲ့လည်း တတ်နိုင်သ လောက်တော့ တောင်းပန်ပြီး ဒီမှာပဲနေဖို့စဉ်းစားထားတယ်” ဟု ဆရာခွန်းထွန်းပြောသည်။
နောင်တောင်းမြို့ရှိ ကချင်စစ်ပြေးဒုက္ခသည်စခန်းများမှာ ခဒေါင်းပါ (Hka Dawng Pa)၊ ငါးနောင်းပါ (Nga Nawng Pa)၊ ယန်လု(Yang Lu)၊ နာကောင်ကောင့် (Na Kawng Kawng)၊ လော့ဖိုင် (Law Hpai)၊ လုံကရောတ် (Lung Krawk) ဒုက္ခသည်စခန်းများဖြစ်သည်။
၎င်းတို့သည် တိုက်ပွဲများကြောင့် မန်မော် (ဗန်းမော်)မြို့နယ်၊ အင်မောက် (မိုးမောက်)မြို့နယ်၊ မန်ဂျေ (မံစီ)မြို့နယ် နှင့် နမ့်ခမ်းမြို့နယ်(ရှမ်း မြောက်)များမှ ထွက်ပြေးခိုလှုံလာနေကြသူများဖြစ်သည်။
နောင်တောင်းဒုက္ခသည်စခန်းများတွင် အိမ်ထောင်စု ၉၈၂ စု၊ လူဦးရေပေါင်း ၄၅၉၆ ဦးရှိပြီး ၎င်းတို့၏ စားဝတ်နေရေးအတွက် တရုတ်နိုင် ငံမှ နှစ်ခြင်းခရစ်ယာန်အဖွဲ့များ၊ မြစ်ကြီးနားမှ ကချင်နှစ်ခြင်းခရစ်ယာန် အဖွဲ့ချုပ်(KBC)မှ အကူညီထောက်ပံ့ပေးနေပြီး ဆက်လက်၍ လည်း အကူ အညီလိုအပ်နေသော စခန်းများဖြစ်သည်ဟု စခန်းတာဝန်ရှိသူများပြောသည်။
No comments:
Post a Comment