အစိုးရစစ်တပ်များသည် ကားများ မြင်းများနှင့် ကချင်လွတ်မြောက်ရေးတပ်ဖွဲ့ KIA အခြေစိုက်ရာနေရာများသို့ ချီတက်လာခြင်း ဖြစ် ကြောင်း ဒေ သခံတစ်ဦးပြောသည်။
“စစ်ကားက ၁၃ စီးဟုတ်တယ်။ ကားတွေမှာတော့ မိုးကာတွေနဲ့အုပ်ထားတော့ ဘာတင်တာလဲ မ သိဘူး။ စစ်သားက ၈၀ ကျော်လောက်ရှိမယ်။ မြင်းတွေနဲ့ မြင်းအကောင်က ၃၀ ကျော်တယ်။ လမ်းလျှောက် ပြီးသွားနေတာ” ဟုပြောသည်။
လတ်တလော အစိုးရတပ်ဖက်မှ စစ်အင်အားတိုးချဲ့မှုများသည် KIA တပ်ဖွဲ့ ရှိရာနယ်မြေတွင်းသို့ တဟုန်ထိုးချီတက်လာကြောင်း ဒေသခံ များ ပြောသည်။
KIA တပ်မဟာ (၃)နယ်မြေ မြစ်ကြီးနား-ဗန်းမော်လမ်း အင်မောက်အနီး အင်ဂွေါန်ရွာနှင့် ဂျခန့်တပ်ကြားတွင်လည်း ဇွန်လိုင် ၃ ရက်နေ့တွင် အစိုး ရတပ် ခလရ ၂၃ရ သည် စစ်အင်အား ၈၀ ကျော် ထပ်မံတိုးချလာကြောင်း သိရသည်။
ထို့အတူ ဖားကန့် မြို့ ကေအိုင်အေ တပ်မဟာ (၆) နေရာတွင်လည်း ဇွန်လိုင်လ ၂ ရက်နေ့က အစိုးရတပ် တပ်မ (၃၃) သည် စစ်အင် အား ၁၀၀ ကျော်ဖြင့် ကထန်ယန်တွင် ရောက်ရှိလာကြောင်း ကေအိုင်အိုအရာရှိများ ပြောသည်။
ထို့ပြင် ကထန်ယန်မှ ၃ မိုင်အကွာရှိ လွယ်ဆိုင် မိုင်ခရိုဝိတ်တွင်လည်း တပ်သား ၅၀ ကျော်ရောက်ရှိလာပြီး ၎င်းနေရာတွင် လက်နက်ကြီး များ ဖြင့်အသင့် ရှိနေ ကြောင်း သိရသည်။
ကချင်ပြည်နယ်တွင်း KIO တပ်အခြေစိုက်ရာနေရာသို့ အစိုးရတပ်များ ထိုးစစ်ဆင်တိုက်ခိုက်မှုကြောင့် တိုက်ပွဲများ ဆက်တိုက် ဖြစ်ပွား လျက်ရှိ ကြောင်း သိရ သည်။
ဇူလိုင် ၂ ရက်တွင် KIA တပ်ဖွဲ့ တပ်မဟာ (၂) လက်အောက်ခံ တပ်ရင်း (၅) မှ ထောင်ထားသည့် မြေမြုပ်မှိုင်းကြောင့် မြန်မာအစိုးရတပ်မှ အ မြောက်အများ သေဆုံးခဲ့ကြောင်း ရှေ့တန်းသတင်းမှဆိုသည်။
မြန်မာအစိုးရတပ် ခလရ (၂၇၄) စစ်အင်အား ၃၀ ကျော်ဖြင့်ထိုးစစ်ဆင်လာချိန်တွင်လည်း အရာခံဗိုလ် ဖော်ကွန်ယော်ထုံ ဦးဆောင်သည့် တပ်ဖွဲ့၏ မြေမြုပ်မှိုင်းဖြင့် ဝဝမ်ဘွမ် (Wa Wang Bum) တွင် တိုက်ခိုက်ခံရသောကြောင့် မြန်မာအစိုးရတပ်မှ တပ်ကြပ် ၂ ဦး၊ ဒုတပ်ကြပ် ၁ ဦးနှင့် တပ် သား ၁၂ ဦးသေဆုံးကြောင်း တပ်ရင်း ၅ အရာရှိများ ပြောသည်။
အစိုးရနှင့် KIO သည် ငြိမ်းချမ်းရေးအတွက် ခေါင်းဆောင်များ တွေ့ဆုံညှိနှိုင်းဆွေးနွေးများ အကြိမ်ကြိမ်ပြုလုပ်နေသော်လည်း နှစ်ဖက် တပ် များ ထိပ်တိုက် ရင်ဆိုင်တိုက်ပွဲများ ဆက်လက်ဖြစ်ပွားလျက်ရှိသည်။
နှစ်ဖက်တင်းမာမှုအရှိန်လျော့သွားခြင်းမရှိသော်လည်း မကြာမီ ငြိမ်းချမ်းရေးအတွက် ထပ်မံညှိနှိုင်းဆွေးနွေးမှုပြုလုပ်သွားမည်ဖြစ်သည်။
No comments:
Post a Comment