ရခိုင်ပြည်နယ်၊ ကျောက်ဖြူမြို့နယ်၊ ရေနံဆိပ်ကမ်းတည်ရှိတဲ့ မဒေကျွန်းမှာ ကျေးရွာ ၆ ရွာမှ အခြေခံလူတန်းစား ၃၀၀၀ လောက် အလုပ်အကိုင်ရှားပါးလာတဲ့အတွက် မိသားစုစားဝတ်နေရေး အခက်ကြုံနေကြရတယ်လို့ ဒေသခံတွေ ကပြော ကြပါတယ်။
ကျောက်ဖြူ၊ မဒေးကျွန်းရှိ တရုတ်ရေနံတင်ဆိပ်ကမ်းနဲ့ ရေနံဆိပ်ကမ်းတည်ရှိတဲ့ နေရာတခုဖြစ်ပြီး အဲ့ဒီစီမံကိန်းတွေ ပြီးသွားပြီးနောက်မှာ ဒေသခံကတွေအလုပ်လက်မဲ့ဖြစ်ပြီး မိသားစုစားဝတ်နေရေး အဆင်မပြေမှုတွေ ပိုမိုဖြစ်လာကြတယ်လို့ ကျောက်တန်းကျေးရွာအုပ်ချုပ်ရေးမှူး ဦးအောင်ကျော်သိန်းက ဒီဗွီဘီကိုပြောပါတယ်။
“ဒီကုမ္ပဏီကစပြီး လုပ်ငန်းစတော့ လူငယ်တွေ အလုပ်ရကြပါတယ်။ အခုလုပ်ငန်းတွေပြီးစီးသွားတော့ လူတွေ အကုန်အလုပ်လက်မဲ့ဖြစ်ကြတယ်။ စိုက်ပျိုးမြေတွေလည်း မရှိတော့ဘူး။ မြေယာတွေ အကုန်စီမံကိန်းတွေမှာ ပါသွားတော့ လယ်ယာလုပ်သူတွေ အလုပ်အကိုင်မရှိတော့ဘူး။ မိသားစုစားဝတ်နေရေး အဆင်မပြေတော့ဘူး။ ငါးရှာလို့ ငါးကရှားပါးသွားပြီ၊ အခုလုပ်ငန်းခွင်မှာ ကျေးရွာတွေက အလုပ်သမားတွေ ၃၀ ကျော်သာအလုပ်ရကြပါတယ်။”
မဒေကျွန်းရွာမကျေးရွာ ကိုလှကျော်က “ဒီလုပ်ငန်းခွင်စလုပ်တုန်းဆိုရင် ဒီကလူတွေ တယောက်ချင်းစီ အလုပ်အကိုင်ရစေရမယ်။ အကုန်အဆင်ပြေ အောင်လုပ်ပေးမယ်လို့ပြေတယ်။ တချို့ရွာကလယ်သမားတွေက ဒီစီမံကိန်းအတွက်လယ်ယာမြေတွေ ရောင်း ကြတယ်။ တချို့ကျနော်လည်း အသိမ်းခံရတယ်။ လုပ်စားဖို့မြေ ကွက်မရှိတော့ဘူး။ လယ်ယာလည်း မရှိတော့ဘူး။ ဒီစီမံကိန်မှာ အကုန်ပါ သွားတယ်။ ဒီစီမံကိန်းလဲပြီးတော့ ကျနော်တို့ ဘာမှ အလုပ်မရှိတော့ဘူးလို့” ဒီဗွီဘီကိုပြောပါတယ်။
အခုလို အလုပ်အကိုင်တွေရှားပါးလာတာကြောင့် မဒေကျွန်းကျေးရွာတွေက လူငယ်တွေ အခြားနေရာတွေပြောင်းရွှေ့သွားတာရှိတယ်လို့ ကြိမ်ကျေးရွာနေ ဦးကျားမောင်ဦးက အခုလိုပြောပါတယ်။
“အရင် လယ်ယာတွေ လုပ်ကိုင်သူတွေရှိကြသလို၊ ငါးဖမ်းပြီးတော့ လုပ်စားကြတယ်။ အခု ဒီရွာက လယ်မြေတွေ အကုန် ဒီစီမံကိန်းမှာ ပါသွားတယ်။ သိမ်းယူတာရှိသလို၊ ဝယ်ယူသွားတာလည်း ရှိပါတယ်။ အခုလုပ်ငန်းခွင်တွေ ပြီးသွားတော့လည်း လူတွေအလုပ်လက်မဲ့ ဖြစ်သွားကြတယ်။ တချို့ကျတော့လည်း ဒီရွာကနေ ထွက်သွားကြပြီလေ၊ အခုအချိန်မှာတော့ လူတိုင်းအလုပ်လက်မဲ့ တွေ ဖြစ်နေကြတယ်။”
၂၀၀၉ ခုနှစ်ကစတင်ပြီး တရုတ်အမျိုးသားရေးနံကော်ပိုရေးရှင်း(CNPC) ကုမ္ပဏီက ရေနံ ဆိပ်ကမ်းအပါအဝင် အခြားစီးမံကိန်းတွေအတွက် ရခိုင်ပြည်နယ်အတွင်းက အလုပ်သမားတွေ ထောင်ချီအလုပ် အကိုင်အခွင့်တွေ ရရှိခဲ့ပေမယ့် ၂၀၁၄ ခုနှစ် နောက်ပိုင်းစီးမံကိန်းတွေ ပြီးစီးလာကြောင့်အလုပ်ကိုင်းတွေ တဖြည်းဖြည်းနဲ့ရှားပါးလာတာပါ။
လက်ရှိအချိန်မှာတော့ ကျောက်ဖြူမဒေးကျွန်း တရုတ်အမျိုးသားရေးနံကော်ပိုရေးရှင်း(CNPC) က တောင်သူ ၂၁ ဦးအတွက် ဆုံးရှုံးလယ်မြေ ၁၈ ဧကကျော် ပြန်လုပ်ပေးဖို့ ကျန်ရှိနေသေးတယ်လို့ ကျေးလက်ဒေသဖွံ့ဖြိုးရေးအသင်းရဲ့ ညှိနှိုင်းရေးမှူး ကိုကြည်က ဒီဗွီဘီကိုပြောပါတယ်။
No comments:
Post a Comment