Friday, July 6, 2012

KIO မှ အနားယူထားသော ပြည်သူ့စစ် တပ်ဖွဲ့ဝင်များကို ပြန်လည်စုဆောင်း

KNG

ကချင်လွတ်မြောက်ရေးတပ်ဖွဲ့ KIA မှ အနားယူ၍ ကျေးရွာများတွင် အရပ်သားအဖြစ် ပြန်လည်လုပ်ကိုင်စားသောက်နေသော ကချင် ပြည်သူ့စစ်(MHH)တပ်ဖွဲ့ဝင်များကို ကချင်လွတ်မြောက်ရေးအဖွဲ့ KIO မှ စာဖြင့်ဆင့်ခေါ်နေပြီး ရောက်မလာသူများကို လိုက်လံစု ဆောင်း နေကြောင်း သိရသည်။

KIA သည် ဗန်းမော်ရှိ် အနားယူသွားသောတပ်ဖွဲ့ဝင်များအား ယခုလ ဇူလိုင်လဆန်းပိုင်းမှစ၍ လိုက်လံစုဆောင်းနေကြောင်း ဒေသခံ တစ် ဦး ကပြောသည်။

“အခုတလော တိုက်ပွဲတွေပိုပိုဖြစ်လာတယ်။ သတင်းတွေလည်းမကောင်းဘူး။ အဲဒါကြောင့်ထင် တယ်။ ဒီလိုင်လောရွာနဲ့ ခပရာရွာမှာ အခုတ လော လယ်လုပ်ပြီးနေတဲ့ ပြည်သူ့စစ်တွေအားလုံးကို ပြန်ခေါ်သွားပြီ။ လယ်တွေကိုလည်း လုပ်လက်စနဲ့ ဒီတိုင်းပဲထားခဲ့တယ်။ အားလုံး သွား လိုက်ပြီ” ဟု ပြောသည်။

ထို့အပြင် KIO မှ ခွင့်ယူကာ တရုတ်ပြည်ဘက်ရှိ ဆွေမျိုးအိမ်များနှင့် ဒုက္ခသည်စခန်းများတွင် ခိုလှုံနေကြသော တပ်ဖွဲ့ဝင်များကိုလည်း ပြန် လည်စုဆောင်းနေကြောင်းသိရသည်။

ထိုသို့ပြန်လည်ခေါ်ယူခြင်းသည် စစ်မှုထမ်းတစ်ဦးအနေဖြင့် ထိုသို့ တရုတ်ပြည်တွင် ရောက်ရှိ ခိုလှုံနေခြင်းသည် မသင့်တော်ကြောင်းနှင့် လူမျိုး အတွက်တဖန်ပြန်လည် ကြိုးပမ်းလုပ်ဆောင်ရန်ခေါ်ယူပြီး နဂိုနေရာတွင် ပြန်လည်နေရာချပေးရန်ဖြစ်ကြောင်း တပ်မဟာ(၃) တပ်ရင်း ၂၇ မှ အရာရှိ တစ်ဦး ပြောသည်။

“တချို့က ခဏဆိုပြီး ခွင့်တောင်းပြီးပြန်သွားတာတွေ ဒီလောက်နိုင်ငံရေးရှုပ်ထွေးပြီး တိုက်ပွဲတွေ ဖြစ်နေတဲ့ အချိန်မှာ ပြန်မလာပဲနဲ့တရုတ် ပြည်မှာအများအားဖြင့် သွားနေတဲ့လူတွေကို ကျနော်တို့အနေနဲ့ ပြန်ခေါ်တာဖြစ်တယ်။ ကျနော် တို့ ကချင်လူမျိုးတွေ စစ်မှုထမ်းဖြစ်ပြီး အခု လိုမျိုး တရုတ်ပြည်မှာ ဟိုယောင်ဒီယောင် လုပ်နေတာ တွေကို မဖြစ်ခိုင်းစေချင်ဘူး။ အခုလို တိုက်ပွဲတွေဖြစ်ပြီး အရေကြီးနေတဲ့အချိန် ကိုယ့် နယ်မြေမှာ ကိုယ့်လူမျိုးအတွက် Ready ဖြစ်နေဖို့လိုတယ်။ အဲဒါကြောင့်ပြန်ခေါ်ပြီး နေ ရာပြန်ချပေးဖို့ခေါ်တာပါ” ဟု အရာရှိက ပြော သည်။

မြန်မာအစိုးရတပ်ဖွဲ့နှင့် KIA သည် ငြိမ်းချမ်းရေးအတွက် နှစ်ဖက်တွေ့ဆုံဆွေးနွေးမှုများရှိနေသော်လည်း လတ်တလော ပို၍ တိုက်ပွဲများ ပြင်း ထန် လာသည်သာမက အစိုးရတပ်များသည် ကချင်ပြည်နယ်သို့ အင်အားထပ်မံတိုးချဲ့လာသည်။

ထို့အတူ အစိုးရအုပ်ချုပ်နယ်မြေတွင်ရှိသော ဒေသခံအမျိုးသားများအား KIO နှင့်ပတ်သက်ဆက်နွယ်သူဟု လိုက်လံဖမ်းဆီးကာ နှိပ်စက် ညှင်း ပန်းမှုများလည်းရှိနေကြောင်း ဒေသခံများပြောသည်။

ထို့သို့ နှစ်ဖက်တင်းမာမှုအရှိန်မြင့်နေချိန်တွင် ကချင်လွတ်မြောက်ရေးအဖွဲ့ KIO မှလည်း မိမိတပ်ဖွဲ့မှ အနားယူထားသော အဖွဲ့ဝင်ဟောင်းများကို ပြန်လည်ခေါ်ယူနေခြင်းဖြစ်သည်။

No comments: