ပြန်တော်ပြန်နိုင်ရန် လိုအပ်သည့် ထောက်ခံချက်များကို သက်ဆိုင်ရာ မိဘ ဆွေမျိုးများက လက်မှတ်ထိုး ထောက်ခံ ပေးလိုက်ပြီ ဖြစ် သော် လည်း ယခုအချိန်အထိ ပြည်ဝင်ခွင့် မရသေးကြောင်း ကော့စ်ဘာဇာမြို့တွင် နေထိုင်လျှက်ရှိသည့်ရခိုင် တိုင်းရင်းသား တဦးဖြစ်သူ ကိုနိုင် နိုင်က ပြောသည်။
“ကျနော် လျှောက်ထားတာ ၅ လလောက်ရှိပြီ။ ကျနော့်ရဲ့ လက်ရှိ အခြေအနေ ကတော့ နောက် ဆုံးအဆင့်အထိပြီးစီးနေပြီ။နောက်ဆုံး လက် မှတ်ထိုးရမှာတွေ ကိုလည်း လက်မှတ်ထိုး ပေးလိုက်ပြီးပြီ။ ကျနော့်အမေက လက်မှတ်ထိုး ပေး ထားတာပါ” ဟု သူက ဆိုသည်။
လက်ရှိ ဘင်္ဂလာဒေ့ရ်ှနိုင်ငံ ကော့စ်ဘာဇာခရိုင် ဘာလူကြာရွာ ဘုန်တော်ကြီး ကျောင်းတွင် သာသာနာပြုနေပြီး သံရုံးတွင် ပြည်ဝင်ခွင့် လျှောက် ထားသည့် ဆရာတော် ဦးသြဘာသ ကလည်း ၎င်း၏ နေအိမ်က မြန်မာနိုင်ငံ လူဝင်မှုကြီးကြပ်ရေး ရုံးတွင် မှန်ကန်ကြောင်း လက် မှတ်ထိုး၍ ပို့ပေးလိုက်ပြီ ဖြစ်ကြောင်း ပြောသည်။
လျှောက်လွှာ တင်ပြထားသူများ အနေနှင့် သံရုံးက ပို့ပေးသည့် “PERSONAL DATA” ခေါင်းစဉ် တပ်ထားသည့် ကိုယ်ရေး အချက်အလက် ပုံစံ စာရွက်တွင် နိုင်ငံခြားသို့ ရောက်ရှိလာရသည့် ကိုယ်ရေး ဖြစ်စဉ်အကျဉ်း၊ မှတ်ပုံ တင်၊ နေရပ်လိပ်စာ၊မြန်မာပြည်မှ ထောက်ခံနိုင်မည့် သူများ၏ အချက်အလက်များကို ဖြည်စွက်ရသည့် အပြင် ကတိခံဝန်ချက် ဆိုသည့် ပုံစံ စာရွက်တွင်လည်း လက်မှတ် ရေးထိုးကြရသည်။
ကတိခံဝန်ချက် ပုံစံတွင် နိုင်ငံတော်အား အကြည်ညိုပျက်စေသည့် အပြုအမှုနှင့် အပြောအဆိုများကို ရှောင်ကျဉ်ရန်၊ နိုင်ငံတော်၏ တည် ငြိမ်အေးချမ်းမှုနှင့် တရားဥပဒေ စိုးမိုးမှုကို ထိခိုက်စေမည့် လုပ်ဆောင်မှု၊ လှုံ့ဆော်မှု၊ ရေးသား ဖြန့်ဝေမှုများ မပြုလုပ်ရန်၊ တရားမဝင်အဖွဲ့အ စည်းများနှင့် အဆက်အသွယ် မပြုရန်၊ အဖျက်အမှောင့် လုပ်ရပ်များ ရှောင်ရှားရန်၊နိုင်ငံတော်၏ သစ္စာကို စောင့်သိ၍ ဥပဒေ ဘောင်အ တွင်း လေးစားစွာ နေထိုင်ရန် စသည့် အချက် ၄ ချက်ကို လက်ခံကြောင်း လက်မှတ်ရေးထိုး ကြရသည်ဟု သိရသည်။
ကိုနိုင်နိုင်က မြန်မာ အစိုးရအနေဖြင့် နိုင်ငံတကာရောက် မြန်မာများ ပြည်တော်ပြန်ရန် ဖိတ်ခေါ်သော်လည်း အားလုံးကိုတပြေးညီ မဟုတ် ဘဲ ရွေးချယ် ခေါ်ယူနေသည်ဟု ထင်ကြောင်း၊ ထိုကဲ့သို့သော လုပ်ရပ်မှာ ရိုးသားသည်ဟု မဆိုနိုင်ကြောင်း၊ ဘင်္ဂလားဒေ့ရ်ှမှ မြန်မာများကို အ ကြောင်း တခုခုကြောင့် မခေါ်ဘဲ ချန်လှပ်ထားသည်ဟု ထင်ကြောင်း ပြောသည်။
“တခြားနိုင်ငံတွေ ရောက်နေတဲ့ မြန်မာတွေ ပြန်လို့ရတယ်။ ဘင်္ဂလာဒေ့ရ်ှက ကျနော်တို့ ကျတော့ တယောက်မှ ခွင့်မပြုသေးဘူး။ အဲဒါ ဘာ ကြောင့်လဲလို့ စဉ်းစားလို့မရ ဖြစ်နေတယ်” ဟု သူက ဆိုသည်။
ဘင်္ဂလားဒေ့ရှ် အခြေစိုက် မြန်မာသံရုံးမှ ဝန်ထမ်းများက ပြည်ဝင်ခွင့် လျှောက်ထားသူများ၏ အခြေအနေကို မြန်မာ အစိုးရ တာဝန်ရှိသူ များ ထံ တင်ပြထားကြောင်း၊ လဝက ဘက်က လျှောက်ထားသူတို့၏ လိပ်စာများကို စုံစမ်းဦးမည် ဖြစ်ကြောင်း၊ လဝက ဘက်က စုံစမ်း ပြီးမှ သမ္မ တရုံးသို့တင်ကာ သမ္မတရုံးမှ ကျလာလျှင် အခြေအနေ သိရမည် ဖြစ်ကြောင်း၊ ယခုလက်ရှိ အနေအထားအရ အဖြူအမည်း မ သဲကွဲ သေး ကြောင်း ပြောဆိုသည်ဟု သံရုံးကို ဆက်သွယ်စုံစမ်းသူများ၏ အဆိုအရ သိရသည်။
ဘင်္ဂလာဒေ့ရှ် နိုင်ငံ ရောက်နေသည့် မြန်မာနိုင်ငံသားများ အနေဖြင့် မြန်မာနိုင်ငံ၏ တိုးတက် ပြောင်းလဲမှုအပေါ် စိတ်ဝင်စားမှုဖြင့် ပြန်ချင် သူ များ ရှိသကဲ့သို့၊ မိဝေး၊ ဘဝေး၊ ဆွေးမျိုးသားချင်းများ မရှိဘဲ ကျန်းမာရေး ချို့ယွင်းမှုကြောင့် ပြန်ချင်သူများလည်း ရှိကြောင်း ပြည် တော် ပြန် ခွင့် လျှောက်ထားသူများက ပြောသည်။
ပြည်တော်ပြန်ခွင့် လျှောက်ထားသူ သက်တော် ၆၀ နီးပါးရှိပြီဖြစ်သည့် ဆရာတော် ဦးသြဘာသက “ဗမာပြည် ပြန်ချင်တဲ့ အကြောင်းက အ သက်အရွယ်လည်း ကြီးလာပြီ၊ ခြေတဘက်ကလည်း အားမရ၊ လမ်းမလျှောက်နိုင် ခြေအကြောတွေ နာတယ်၊ တော်တော်လေး အခက်အခဲ ရှိတယ်။ အဲဒီအတွက်ကြောင့် ပြန်ချင်တာပါ” ဟု မိန့်သည်။
“ပြည်ပနိုင်ငံများရောက် မြန်မာနိုင်ငံသားများ ပြန်လာရေး အတွက် တိကျသည့် ပြဌာန်းချက်တရပ် သို့မဟုတ် ဥပဒေ တရပ် ရေးဆွဲပြဌာန်း သွား ရန် အစီအစဉ် ရှိ၊ မရှိ” ဆိုသော မေးခွန်းကို ဇူလိုင်လ ၂၄ရက်နေ့က ကျင်းပသည့် အမျိုးသားလွှတ်တော် အစည်းအဝေးတွင် ကချင် ပြည်နယ် မဲဆန္ဒနယ်မြေ အမှတ် ၁၁ မှ ဦးစံထွန်းက မေးမြန်းခဲ့ရာ ပြည်ထဲရေး ၀န်ကြီးဌာနဒုတိယ ၀န်ကြီး ဗိုလ်မှူးချုပ် ကျော်ဇံမြင့်က မြန် မာများ ပြည်တော် ပြန်လာနိုင်ရေး ဥပဒေတရပ် ပြဌာန်းရန် မလိုကြောင်းပြန်လည် ဖြေကြားခဲ့သည်။
အကြောင်း အမျိုးမျိုးကြောင့် မြန်မာနိုင်ငံမှ ဘင်္ဂလာဒေ့ရ်ှနိုင်ငံ အတွင်း ဝင်ရောက် နေထိုင်နေသူ ဗမာ၊ ရခိုင်၊ ချင်း စသည့် တိုင်းရင်းသား ၁၀ ၀၀၀ ကျော် ရှိနေပြီး ၎င်းတို့အနေဖြင့် နိုင်ငံ၏မြို့တော် ဒါကာနှင့် စစ်တကောင်းမြို့များ အပြင် ဘန်တရိုဘန်၊ ရန်ဂါမတီ၊ ခါခရာဆိုးရီ၊ ကော့စ် ဘာဇာခရိုင်တို့တွင် မီတင်း နေထိုင်လျှက်ရှိကြသည်။ ၎င်းတို့အနက် မြန်မာနိုင်ငံသား ရာဂဏန်းခန့်ကိုသာ ဒါကာရှိ ကုလသမဂ္ဂ ဒုက္ခ သည် များဆိုင်ရာ မဟာမင်းကြီးရုံး (UNHCR) မှ ဒုက္ခသည်အဖြစ် အသိမှတ်ပြု ထားသည်။
ကိုနိုင်နိုင်က “အခုအထိ အခြေအနေမကောင်းဘူး။ ဘင်္ဂလာဒေ့ရ်ှအစိုးရက ပေးထားတဲ့ အသက်ပဲ ရှိတယ်။ မကောင်းဘူး ဆိုတာက လုံးဝအ ပြင်ကိုမထွက်နိုင်တဲ့ အခြေအနေရှိတယ်။ အခု ဖြစ်နေတဲ့ ရခိုင်ပြည်နယ် ပဋိပက္ခ နောက်ပိုင်းမှာ ကျနော်တို့ စိတ်ချလက်ချ သွားလာလို့ မရ ဘူး။ အဲဒါကြောင့် မြန်မြန်ပြန်ချင်တာ” ဟု ဆိုသည်။
No comments:
Post a Comment