လွှတ်တော်ဆိုင်ရာ ကော်မတီ၊ ကော်မရှင်တွေဟာ ပြည်ထောင်စုအဆင့် သတ်မှတ်လို့ မရဘူးလို့ နိုင်ငံတော် ဖွဲ့စည်းပုံ အခြေခံ ဥပဒေဆိုင် ရာ ခုံရုံးက ဆုံးဖြတ်ခဲ့ပြီး နောက်ပိုင်းမှာ အဲဒီ ခုံရုံး အဖွဲ့ကို ပယ်ဖျက်ပေးဖို့ ပြည်သူ့လွှတ်တော် ကိုယ်စားလှယ် တွေ က နှစ်ကြိမ် အထိ ကြိုး စားခဲ့ပေ မယ့် အောင်မြင်မှု မရခဲ့ပါဘူး။
ပြည်ထောင်စု အဆင့် ဟုတ်ခြင်း မဟုတ်ခြင်း ပြဿနာဟာအစိုးရအဖွဲ့ဝင်ဝန်ကြီးတွေရဲ့ဘတ်ဂျက်တောင်းခံမှုကိစ္စကိုပယ်ချတာ၊ ဖြတ် တောက် ကန့်ကွက်တာ၊ ဌာန ဆိုင်ရာ ကိစ္စတွေအတွက် ၀န်ကြီးတွေကို ဆင့်ခေါ် မေးမြန်းတာ၊ လာရောက် ဖြေရှင်း ပေးရတာ စတဲ့ ကိစ္စ တွေကြောင့် လွှတ်တော် နဲ့ အစိုးရ အဖွဲ့ အကြား မပြေလည်မှုတွေ ဖြစ်ပေါ်ရာက စခဲ့တယ်လို့ သိရတယ်။
လွှတ်တော်ရဲ့လုပ်ရပ်တချို့ကို ကျေနပ်မှု မရှိတဲ့အစိုးရအဖွဲ့ဟာလွှတ်တော်က၎င်းတို့အပေါ်လွှမ်းမိုးလာတယ်လို့ယူဆကြတယ်၊အဲဒီ အ တွက် လွှတ်တော် ကော်မတီတွေကို ပြည်ထောင်စု အဆင့် ရှိမရှိ ဆုံးဖြတ်ပေးဖို့ အစိုးရ အဖွဲ့က ခုံရုံးကို တင်ပြခဲ့ ရာမှာ ပြည်ထောင်စုအ ဆင့် မရှိ ဘူးလို့ ဆုံးဖြတ်ပေးခဲ့ပါတယ်။
“ကျနော်တို့ ကော်မတီတွေက ပြည်ထောင်စုအဆင့် မဟုတ်ဘူးဆိုရင် ပြည်ထောင်စု အဆင့်ဝန်ကြီး တွေကိုခေါ်ယူခွင့်မရှိတော့ဘူးပေါ့၊ ၀န်ကြီး ကိုယ်စား ညွှန်ချုပ် ၊ ညွှန်မှူး အဆင့်ကို လာဖြေခိုင်းမယ်ဆိုရင် ဘာမှ ဖြစ်မှာ မဟုတ်ဘူးလေ၊ ကျနော်တို့လုပ်တာကိုကျနော်တို့ကအရာ ရောက် စေချင်တယ်”လို့ အမျိုးသားလွှတ်တော် ကိုယ်စားလှယ် ဦးဖုန်းမြင့်အောင် က ပြောပါတယ်။
ခုံရုံးဆုံး ဖြတ်ချက် ကိစ္စကို လွှတ်တော်မှာ ဖြေရှင်းမရတဲ့အတွက် သမ္မတ လုပ်ပိုင်ခွင့် နဲ့ ခုံရုံးအဖွဲ့ကို ပယ်ဖျက်ပေးဖို့ ဒါမှမဟုတ် မိမိတို့ ဆန္ဒ အ ရနုတ်ထွက်ပေးဖို့ ဒေါ်အောင်ဆန်းစုကြည် အပါအ၀င် ပြည်သူ့လွှတ်တော် ကိုယ်စားလှယ် ၃၀၁ ဦး က အခု လဆန်းပိုင်း မှာ သမ္မတ ဆီ တင်ပြ တောင်းဆိုခဲ့ပါတယ်။
တောင်းဆိုရာမှာ နိုင်ငံတော် ဖွဲ့စည်းပုံ အခြေခံဥပဒေဆိုင်ရာ ခုံရုံး ဥက္ကဋ္ဌ နှင့် အဖွဲ့ဝင်များသည် ဖွဲ့စည်းပုံ အခြေခံဥပဒေ ပုဒ်မ ၃၃၄ အရ ဥပဒေ ပါ ပြဌာန်းချက်များအား ဖောက်ဖျက် ကျူးလွန်းခြင်း၊ ဥပဒေ အရ ပေးအပ်သော တာဝန်များကို ကျေပွန်စွာ ထမ်းဆောင်နိုင်ခြင်း မရှိ၍ စွပ်စွဲ ပြစ်တင်မှု ပြူလုပ်ပေးရန် လို့ ပါရှိ ပါတယ်။
ဒါပေမယ့် သမ္မတ က တောင်းဆိုချက် ၂ရပ်လုံးကို သဘောမတူဘဲ ဖွဲ့စည်းပုံ အခြေခံဥပဒေကိုသာ ပြန်လည် ပြင်ဆင်ဖို့ ပြည်သူ့လွှတ် တော် ဥက္ကဋ္ဌ သူရ ဦးရွှေမန်း ဆီကို သ၀ဏ်လွှာ ပေးပို့ခဲ့ပါတယ်။
အခြေခံဥပဒေ ဆိုင်ရာ ခုံရုံးသည် ဖွဲ့စည်းပုံနှင့်အညီ ခန့်အပ်ထားခြင်းဖြစ် ၍ ၎င်းတို့၏ ဆုံးဖြတ်ချက်သည်လည်း ဖွဲ့စည်းပုံ အရ ဖြစ် ကြောင်း၊ ထို့ကြောင့် ယခု ဖြစ်ပွားနေသည့် နှစ်ဦး နှစ်ဘက် ပြေလည်ရေးကိစ္စသည် ဖွဲ့စည်းပုံ ဥပဒေပါ အချက်တချို့ကို ပြင်ဆင်လိုက် ပါ ကပိုမိုသင့် လျော် ကြောင်း သမ္မတ ရဲ့ သ၀ဏ်လွှာမှာ တိုက်တွန်းထားပါတယ်။
သမ္မတ ရဲ့သ၀ဏ်လွှာပါ ဖွဲ့စည်းပုံ ပြင်ဆင်ရေး တိုက်တွန်းချက် အပေါ် ဦးရွှေမန်း က တုံ့ပြန်ရာမှာ“ပြင်စရာ မလိုတဲ့ကိစ္စကို ဘာ လို့ပြင်ရမှာလဲ၊ သူ့ဟာသူ အလိုအလျောက်တည်ရှိပြီးသား ကိစ္စကို”လို့ သြဂုတ်လ၂၀ ရက် လွှတ်တော် အစည်းအဝေးမှာ ပြော ဆိုပါတယ်။
သမ္မတ ရဲ့သ၀ဏ်လွှာကို ၀မ်းနည်းစွာနဲ့ လက်ခံလိုက်ရတဲ့အကြောင်း၊ အဲဒီ သ၀ဏ်လွှာကို လွှတ်တော်မှာ မတင်ပြလိုပေမယ့် တာဝန်ရှိသူ တ ယောက်အနေနဲ့ တင်ပြရတာပါ လို့လည်း ဦးရွှေမန်းက ပြောပါတယ်။
ခုံရုံးဆုံးဖြတ်ချက်ဟာ ဖွဲ့စည်းပုံဥပဒေအရ အတည်ဖြစ်တာကြောင့် နှစ်ဦး နှစ်ဘက် မနစ်နာရအောင် ဖွဲ့စည်းပုံပါ အချက်တချို့ ကိုသာပြင် ဆင် သင့်တယ်လို့ သမ္မတရဲ့ သ၀ဏ်လွှာမှာ ပါရှိတဲ့ ကိစ္စ အပေါ် ဦးရွှေမန်း က တုံ့ပြန် လိုက်တာပါ။
နိုင်ငံနဲ့ နိုင်ငံသားတွေရဲ့ အကျိုးစီးပွား၊ ပြည်ထောင်စု အကျိုးစီးပွား အတွက် ဆောင်ရွက်နိုင်ဖို့ဆိုရင် လွှတ်တော်မှာ ထိုက်တန်တဲ့ဂုဏ် သိက္ခာ၊ အဆင့်အတန်း လိုအပ်တယ်လို့လည်း ဆက်ပြောသွားပါတယ်။
“ထိုက်တန်တဲ့ ဂုဏ်သိက္ခာ အဆင့်အတန်း မရှိဘူးဆိုရင် ပြည်သူ့ကိုယ်စားလှယ်တွေ ဖြစ်တဲ့ ကျနော် တို့ လွှတ်တော်ဟာ ပြည် သူ့ အကျိုးစီးပွား အတွက် ဘာမှ လုပ်နိုင်စွမ်းရှိမှာ မဟုတ်ဘူး ဆိုတာကို သတိပြုဖို့ လိုအပ်ပါတယ်”လို့ ဦးရွှေမန်း ကဆိုတယ်။
ခုံရုံး အဖွဲ့ကို စွပ်စွဲ ပြစ်တင်ပြီး နုတ်ထွက်ဖို့ ကိစ္စ သမ္မတက သဘောမတူသလို ခုံရုံးအဖွဲ့ကလည်းပဲ မနုတ်ထွက်ဘူးလို့ တရားဝင်ပြောဆို လာ ပါတယ်။ ခုံရုံးအဖွဲ့ အနေနဲ့ ဆက်လက် ရပ်တည်သွားမယ်လို့ ဖွဲ့စည်းပုံ အခြေခံဥပဒေဆိုင်ရာ ခုံရုံး ဥက္ကဋ္ဌ ဦးသိန်းစိုးက သြဂုတ်လ ၂၀ ရက်မှာ ပြုလုပ်တဲ့ သတင်းစာ ရှင်းလင်းပွဲမှာ ပြောဆို သွားပါတယ်။
ဦးသိန်းစိုးက“ဥက္ကဋ္ဌ နှင့်အဖွဲ့ဝင်များသည် နိုင်ငံတော် ဖွဲ့စည်းပုံ အခြေခံ ဥပဒေ အား ထိန်းသိမ်း ကာ ကွယ် စောင့်ရှောက်ပြီး နိုင်ငံ တော်၏ ဥပ ဒေများကိုလည်း လိုက်နာပါမည်၊ နိုင်ငံတော်နှင့်နိုင်ငံ သားများအပေါ် သစ္စာစောင့်သိ ရိုသေပါ မည်ဟု ကတိ သစ္စာ ပြုထားပြီး ဖြစ်ကြောင်း၊ ကတိသစ္စာ ပြုထားပြီးဖြစ်သည့် အတွက် ဖွဲ့စည်းပုံ အခြေခံဥပဒေက ပေးထားသည့် တာဝန်ဝတ္တရားများကို ဖွဲ့စည်းပုံ အခြေခံဥပဒေနှင့်အညီ ဆက်လက်ရပ်တည် သွားမည်”လို့ အတိအလင်း ပြောဆို လိုက်ပါတယ်။
လွှတ်တော် ကော်မတီတွေကို ပြည်ထောင်စုအဆင့် သတ်မှတ်ခဲ့မယ်ဆိုရင် ပြည်ထောင်စုအဆင့် အဆောင်အယောင်တွေ ပေး အပ်ရ မယ်၊ ဘဏ္ဍာငွေတွေ ကုန်ကျမှုများမယ် ဆိုတဲ့ အချက်တွေကိုလည်း အခြေခံဥပဒေ ဆိုင်ရာ ခုံရုံးရဲ့ ဆုံးဖြတ်ချက်မှာ ပါဝင်သလို သမ္မတ ရဲ့ လွှတ်တော် ဆီ ပေးတဲ့ စာထဲမှာလည်း ထောက်ပြထားပါတယ်။
ဒါပေမယ့်“ကျနော်တို့က လစာတိုးရဖို့အတွက် ပြည်ထောင်စုအဆင့်တောင်းဆိုနေတာ မဟုတ်ပါဘူး၊ လွှတ်တော်နဲ့ အစိုးရအကြား အပြန် အ လှန် ထိန်းကျောင်းဖို့ အတွက်ပါ”လို့ ဦးဖုန်းမြင့်အောင် က ပြောပါတယ်။
လွှတ်တော်က ဖွဲ့စည်းထားတဲ့ ကော်မတီတွေနဲ့ ကော်မရှင်တွေကို ပြည်ထောင်အဆင့် သတ်မှတ်ရေးကိစ္စဟာ လွှတ်တော် ကိုယ်စား လှယ် အား လုံးရဲ့ သဘောထားဖြစ်တယ်လို့ ပြည်ထောင်စု ကြံ့ခိုင်ရေးနှင့်ဖွံ့ဖြိုးရေး ပါတီ ရဲ့ ပြည်သူ့ လွှတ်တော် ကိုယ်စားလှယ် ဦးအေး မောက် က ဘီဘီစီ ကို ဖြေဆိုသွားပါတယ်။
ဖွဲ့စည်းပုံ ပြင်ဆင်မယ်ဆိုရင် အချိန်ပေးရမယ်၊ ဒါကြောင့် စွပ်စွဲပြစ်တင်တဲ့လမ်းစဉ်ကိုသာ လွှတ်တော်က ဆောင်ရွက်သွားမယ်လို့ ဆက် ပြော ပါတယ်။ ပြည်ထောင်စု အဆင့် ဆိုရင် ၀န်ကြီးတွေလို တိုက်တွေ၊ ကားတွေ လိုချင်တယ်လို့ပဲ တချို့အဖွဲ့တွေက ထင်နေကြတယ် လို့လည်း သူက ဆက်ပြောပါတယ်။
လွှတ်တော်ဟာ အုပ်ချုပ်ရေး အဖွဲ့၊ တရားစီရင်ရေး အဖွဲ့တို့နဲ့ တတန်းတည်း ရှိဖို့အတွက် ကြိုးပမ်းနေတဲ့ အကြောင်း၊ လက်ရှိအ ချိန်မှာ လွှတ် တော်ရဲ့ တောင်းဆိုမှု၊ လုပ်ဆောင်ချက်တွေ အပေါ်မှာ ပြည်ထောင်စု အဆင့်ရှိတဲ့ အဖွဲ့တွေရဲ့တုံ့ပြန်မှုတွေ လျော့ လာတာတွေ ရှိနေတဲ့ အ ကြောင်းလည်း ဦးအေးမောက် က ပြောဆိုသွားပါတယ်။
ခုံရုံးအဖွဲ့ကြောင့် လွှတ်တော် ရဲ့ ဥပဒေတွေ လွတ်လပ်စွာ ရေးဆွဲ ပြဌာန်း အတည်ပြုရာမှာလည်းပဲ အချိန်ကြန့်ကြာမှု အစရှိတဲ့ အဟန့်အတား တွေ ရှိကြောင်း၊ ဒီအဟန့်အတားတွေကို ဖယ်ရှားဖို့ လွှတ်တော်အနေနဲ့ ဥပဒေအတိုင်း ဆက်လုပ်သွားဖို့ ရှိကြောင်း ပြည်သူ့ လွှတ်တော် ကိုယ် စားလှယ်နှင့် ဥပဒေကြမ်း ရေးရာ ကော်မတီဝင် ဦးဘရှိန် ကလည်း ဧရာဝတီကို ပြောပါတယ်။
လွှတ်တော်က အတည်ပြုပြီး ဥပဒေတွေကိုလည်း ခုံရုံးက စိစစ်မှု ကြာမြင့်ခြင်းကြောင့် တချို့ဥပဒေတွေဟာ ပြည်သူတွေ အတွက် မြန်မြန် ဆန် ဆန် အတည်မပြုနိုင်သေးဘူးလို့လည်း ကိုယ်စားလှယ်တွေက ထောက်ပြကြပါတယ်။
အလားတူ လွှတ်တော်ဆိုင်ရာ ကော်မတီကို တိုင်ကြားထားကြတဲ့ ကျေးလက် ဒေသတွေက လယ်သိမ်း၊ ယာသိမ်း ကိစ္စတွေကို ကော်မတီ အဖွဲ့ဝင်တွေ သွားရောက် စစ်ဆေးဖို့ ရှိပေမယ့် သက်ဆိုင်ရာ ၀န်ကြီးဌာနတွေနဲ့ ညှိနှိုင်း မရတာတွေကြောင့် အလုပ် ဆက် မလုပ်နိုင်ဘူးလို့လည်း ဆိုကြတယ်။
“တခုခု စစ်ဆေးဖို့ ဆိုရင် အချက်အလက်တွေ လိုအပ်တယ်၊ အဲဒီ အချက်အလက်တွေကိုလည်းပဲ ကျနော်တို့က ပြည်ထောင်စု အဆင့်ဖြစ်မှ ပြည်ထောင်စု ၀န်ကြီးဆီက တောင်းပိုင်ခွင့် ရှိတာဗျ”လို့ ဦးဖုန်းမြင့်အောင် က ဆိုပါတယ်။
ပြည်သူ့လွှတ်တော်နဲ့ အမျိုးသား လွှတ်တော် တို့မှာ ကော်မတီ၊ ကော်မရှင် တွေ ၃၀ ကျော်စီရှိကြပါတယ်။ လွှတ်တော်နှစ်ရပ် ပေါင်းထား တဲ့ ပြည်ထောင်စု လွှတ်တော်မှာလည်း ကော်မရှင်တချို့ရှိပါတယ်။ အဲဒီ ကော်မတီ၊ ကော်မရှင်အားလုံးကို ပြည်ထောင်စုအဆင့်မဖြစ်ဖြစ် အောင် ဆောင်ရွက်သွားမယ်လို့ သိရတယ်။
ပြည်ထောင်စု အဆင့်သတ်မှတ်ရေး အငြင်းပွားမှု ကိစ္စမှာ လွှတ်တော် ကိုယ်စားလှယ်တွေနဲ့ ဖွဲ့ထားတဲ့ ကော်မတီ၊ ကော်မရှင်တွေအပြင် လွှတ် တော် ကိုယ်စားလှယ် မဟုတ်တဲ့ သူတွေ ပါဝင်တဲ့ ကော်မတီနဲ့ ကော်မရှင်တွေကို ပြည်ထောင်စု အဆင့် သတ်မှတ်ရေးနဲ့ ပတ်သက်ပြီး ဝေဖန်မှု တွေလည်း ပါပါတယ်။
လွှတ်တော် ပြင်ပမှာ ပြည်သူ့လွှတ်တော် က ဖွဲ့စည်းထားတဲ့ ဥပဒေရေးရာနှင့်အထူး ကိစ္စရပ်များ လေ့လာ စစ်ဆေးရေး ကော် မရှင် အဖွဲ့ထဲမှာ ပြည်သူ့လွှတ်တော် ဥက္ကဋ္ဌ သူရ ဦးရွှေမန်းရဲ့သား ဦးတိုးနိုင်မန်း ပါဝင်တာကြောင့် အခုအငြင်းပွားမှုဟာ ဦးရွှေမန်း ရဲ့ ပုဂ္ဂလိက ရည်မှန်းချက်နဲ့လည်း ပတ်သက်နိုင်တယ် ဆိုတဲ့ ယူဆချက်တွေလည်း ရှိပါတယ်။
တချိန်တည်းမှာ အမျိုးသားလွှတ်တော် ရဲ့ စွပ်စွဲပြစ်တင်မှုကိစ္စကို ကိုယ်စားလှယ် အားလုံးရဲ့ မဲအရေအတွက် ၄ ပုံ ၁ ပုံထောက်ခံမှုနဲ့ဆောင် ရွက် နိုင်မှာဖြစ်ပါ တယ်။ အမျိုးသားလွှတ်တော် ရဲ့ စွပ်စွဲ ပြစ်တင်မှု ကိစ္စပြီးတဲ့အခါ ပြည်သူ့လွှတ်တော် က စုံစမ်းစစ်ဆေးရေး ကော်မ ရှင် တရပ် ဖွဲ့စည်းပြီး ခုံရုံး အဖွဲ့ကို ဆက်လက် စစ်ဆေးသွားဖို့ ရှိပါတယ်။
စစ်ဆေးချက်အရ ခုံရုံးအဖွဲ့က ဥပဒေတခုခု ချိုးဖောက်တာ တွေ့ရှိခဲ့မယ်ဆိုရင် ဥပဒေအရ အဖွဲ့ဝင်တွေ အရေးယူ နုတ်ထွက် ခိုင်းခံထိမှာ ဖြစ် ပါ တယ်။
နိုင်ငံရေး လေ့လာသူတွေက အခု အရှုပ်တော်ပုံဟာ ဦးသိန်းစိန် ဦးဆောင်တဲ့ အစိုးရ အဖွဲ့နဲ့ ဦးရွှေမန်း ဦးစီးတဲ့ လွှတ်တော်ကြား အားပြိုင် တဲ့ ပွဲလို့ ခပ်ရှင်းရှင်း မြင်ကြပါတယ်။
ပြည်သူ့လွှတ်တော် တရားဥပဒေ စိုးမိုးရေးနှင့်တည်ငြိမ်အေးချမ်းရေး ကော်မတီ ဥက္ကဋ္ဌ နဲ့ ပြည်သူ့လွှတ်တော် ကိုယ်စားလှယ် ဒေါ်အောင် ဆန်း စုကြည် ကတော့ မြန်မာနိုင်ငံ ဒီမိုကရေစီ နိုင်ငံ ဖြစ်ရေးမှာ ဖွဲ့စည်းပုံအရ တပ်မတော်က ဆန္ဒရှိမှသာ လွှတ်တော်သည်လည်း တည် မြဲမယ်၊ ဒီ တော့ တပ်မတော်သား ကိုယ်စားလှယ်တွေနဲ့ ခင်မင်အောင် ပေါင်းသင်းဆက်ဆံပြီး သူ့အမြင် ကိုယ့်အမြင်သိဖို့ လိုအပ်တယ်လို့ ဆိုပါတယ်။
“မြန်မာနိုင်ငံရဲ့ ဒီမိုကရေစီဟာ တပ်မတော်က ပေးသလောက်ပဲ ရမှာပါ၊ တပ်မတော် အလိုရှိသ လောက်ပဲ ကျမတို့ လွှတ်တော် သက်တမ်း က ရှိမှာပါ”လို့ ဒေါ်အောင်ဆန်းစုကြည် ပြောသွားတာကိုကြည့်ရတာ လွှတ်တော်နဲ့ အစိုးရကြား အားပြိုင်မှုကြောင့် ပွင့်လင်းစနိုင်ငံရေးမှာ စစ်တပ် အခန်းကဏ္ဍ ပြန်ခေါင်းထောင်လာမှာကို သတိပေးတာလို့ပဲ ကောက်ချက် ဆွဲရတော့မှာ ဖြစ်ကြောင်း ပါ။ ။
No comments:
Post a Comment