ဒေါ်စောမြရာဇာလင်းက သူမ၏ ခရီးစဉ်နှင့်ပတ်သတ်ပြီး ခရီးမထွက်ခွာမည် ညနေပိုင်းက နိရဉ္စရာသို့ ယခုကဲ့သို့ ပြောကြားသည်။
“ကျမက ၂၄ နှစ်ကြာ ရခိုင်ပြည်နဲ့ ဝေးနေခဲ့ရပါတယ်။ အခုလို သမ္မတ ဦးသိန်းစိန်ရဲ့ ငြိမ်းချမ်းရေး ဖိတ်ခေါ်လိုက်တဲ့အချိန်မှာရခိုင်ပြည်မှာဒုက္ခ ရောက်နေကြတဲ့ ပြည်သူတွေကို ကျမအနေနဲ့ အားပေး စကားပြော ချင်တာလည်းပါတယ်။ နောက်တခုက ကျမတို့ ရခိုင်ပြည် လွတ်မြောက် ရေး ပါတီက ပထမဆုံးအကြိမ် ဆက်သွယ်ရေးရုံးကို ဖွင့်လှစ်နိုင်ဖို့ အတွက်လည်း ပါဝင် တယ်။ ဒါကြောင့် ဒီခရီးစဉ်ကို သွားတာ ဖြစ်ပါတယ်” ဟု ပြောသည်။
ဒေါ်စောမြရာဇာလင်းမှာ ရခိုင်ပြည် လွှတ်မြောက်ရေး ပါတီ (ALP) ၏ အထွေထွေ အတွင်းရေးမှူး သာမက ဘင်္ဂလာဒေ့ခ်ျနိုင်ငံအခြေ စိုက်ရခိုင် အမျိုးသမီးအစည်းအရုံး၏ ဥက္ကဌ လည်းဖြစ်သည်။
“ ကျမ ခရီးစဉ်မှာ သမတဦးသိန်းစိန်ကိုလည်း တွေ့ဆုံခွင့်တောင်းထားပါတယ်။ ဒေါ်အောင်ဆန်းစု ကြည်နဲ့လည်းတွေ့ဆုံခွင့် တောင်းထားပါ တယ်။ သူတို့နဲ့တွေ့ရဖို့ဆိုတာကလည်း သူတို့ရဲ့ အချိန်တွေအား မအားနဲ့ သက် ဆိုင်ပါ မယ်။ ပြီးတော့ ရတပ ပါတီက ခေါင်းဆောင်တွေ၊ ALD ပါတီက ခေါင်းဆောင် တွေ၊ ၈၈ မျိုးဆက်ကျောင်းသားတွေ စစ်တွေက မြို့မိမြို့ဘတွေနဲ့ ရသေ့တောင်က မြို့မိ မြို့ ဘတွေ နဲ့လည်း တွေ့ဆုံဖို့စီစဉ်ထားပါတယ်” ဟု ဆိုသည်။
ဒေါ် စောမြရာဇာလင်းနှင့် အဖွဲ့အား ရခိုင်ပြည်နယ် နယ်စပ်ရေးရာ ၀န်ကြီး ဗိုလ်မှူးကြီး ထိန်လင်းနှင့်နစကကွပ်ကဲရေးမှူးဗိုလ်မှူးကြီး အောင် နိုင်ဦးတို့မှ မောင်တောတွင် ဦးဆောင် ကြိုဆို မည်ဖြစ်ကြောင်း သူမ ခရီးစဉ်နှင့်ပတ်သတ်ပြီး ထုတ်ပြန်သည့် သတင်း ထုတ်ပြန် ချက် တစ်ခု တွင် ဖော်ပြ သည်။
ဒေါ်စောမြရာဇာလင်း ဦးဆောင်သည့် အဖွဲ့ သည် ယနေ့တွင် တက်ကနက်မြို့မှမောင်တောမြို့သို့ရောက်ရှိသွားပြီဖြစ်ကြောင်းမောင် တော ဒေသခံ တစ်ဦးက ပြောသည်။
“မနေ့ မောင်တော ဆိပ်ကမ်းမှာ ဒီက ရခိုင်အမျိုးသား- အမျိုးသမီတွေ၊ မြို့ကလူကြီးတွေ၊ ရတပ ပါတီက အမျိုးသမီးတွေနဲ့ ဌာနဆိုင်ရာ တွေ ကလည်း ကြိုဆိုကြပါတယ်။ ပြီးတော့ အောင်ဗလ ဆရာတော်ကြီး ကိုလည်း သွားပြီးကန် တော့ ခဲ့ပါတယ်” ဟု ဆိုသည်။
ယနေ့နံနက်ပိုင်းက ဒေါ်စောမြရာဇာလင်းနှင့်အဖွဲ့သည် မောင်တောမှ ဘူးသီးတောင်၊ ဘူးသီးတောင်မှ တဆင့် အမြန်ယဉ်ဖြင့် စစ်တွေသို့ ထွက်ခွာသွားပြီးဖြစ် သည်။
ဒေါ် စောမြရာဇာလင်းနှင့်အဖွဲ့ကို ကြိုဆိုရန် ယနေ့ နံနက်ပိုင်းက စစ်တွေမြို့တွင် လော်စပီကာဖြင့် မြို့ကို ပတ်ပြီး တိုက်တွန်းနေကြောင်း စစ် တွေမြို့မှ လူငယ်တဦးကပြောသည်။
ဒေါ် စောမြရာဇာလင်းမှာ ယခုနှစ် ဧပြီလအတွင်းက ပြုလုပ်ခဲ့သည့် ရခိုင်ပြည်လွတ်မြောက်ရေးပါတီနှင့် မြန်မာအစိုးရတို့၏ ငြိမ်းချမ်းရေး ဆွေး နွေးပွဲတွင် အဖွဲ့ဝင်တဦးအဖြစ် ပါဝင်ပြီး သွားရောက်ရန် စီစဉ်ခဲ့ သော်လည်း အကြောင်း အမျိုးမျိုးကြောင်း ခရီးစဉ်ကို ဖျက်သိမ်း ခဲ့ပြီး ယခုမှ သူမ၏ မြန်မာပြည် ခရီး စဉ်ကို စတင်နိုင်ခြင်း ဖြစ်သည်။
ဒေါ်စောမြရာဇာလင်းမှာ ၁၉၈၈ ခုနှစ် မြန်မာနိုင်ငံတွင်ပေါ် ပေါက်ခဲ့သည့် အရေးအခင်းကာလတွင် စစ်တွေမြို့၌ သပိတ် ခေါင်းဆောင်တ ဦးအ ဖြစ်ပါဝင်ခဲ့ပြီး စစ်အာဏာသိမ်းပြီးနောက် ဘင်္ဂလာဒေ့ခ်ျသို့ ထွက်ခွာလာခဲ့ပြီး တော်လှန်ရေး လုပ်နေ သူ အမျိုးသမီး ဖြစ်သည်။
No comments:
Post a Comment