ယုဇနကုမ္ပဏီနှင့် ၀ရာဇွပ်ကျေးရွာမှကျေးရွာအုပ်ချုပ်ရေးမှူးဦးဘခယမ်နော်ဒီးတို့မှပြောင်းရွှေ့ခံရသောစံပြကျေးရွာတွင်အလယ်တန်း ကျောင်း ဖွင့်လှစ်နိုင်ရန်နှင့် ကျေးရွာဖွံ့ဖြိူးရေး၊ လမ်းပန်းဆက်သွယ်ရေး ကောင်းမွန်ရန်အတွက်ဟု ပြောဆိုကာ ၂၀၁၂ ဖေဖေါ်ဝါရီလမှစ တင်၍ ရွှေလုပ် ကွက်မှ ငွေကောက်ခံနေခြင်းဖြစ်ကြောင်း ၀ရာဇွပ်ဒေသခံတစ်ဦးပြောသည်။
“ရွာမှာ အလယ်တန်းကျောင်းဖွင့်ဖို့တဲ့ ရွှေကျင်းကလည်းငွေကောက်တယ်။ စက်ဖောင်ကလည်း ငွေကောက်တယ်။ ဒါပေမဲ့ ခုထိ ဘာမှလုပ်ပေး တာမရှိသေးဘူး” ဟု ဒေသခံတစ်ဦးကပြောသည်။
ရှထူးဇွပ်ကျေးရွာမှ အနောက်ဘက် ၂ မိုင်အကွာတွင်ရှိသော ၄င်း ကိုင်းတောမှော် ၂ ရွှေမှော်တွင် လုပ်ကွက်များပေးရာတွင် ရွှေကျင်းတ ကျင်း လျှင် ကျပ် ၅ သိန်းနှင့် စက်ဖောင် တဖောင်ကို တစ်လလျှင် ကျပ်ငွေ ၃ သိန်း ကောက်ခံ၍ ခွင့်ပြုထားခြင်း ဖြစ်ကြောင်းသိရသည်။
ထို့သို့ ရွှေတူးဖော်ရေးလုပ်ငန်း ခွင့်ပြုလာပြီးနောက် လူမှုဆိုးကျိုးများ ရာဇ၀တ်မှုများသည် ၄င်းအနီး တဝိုက်နယ်မြေတွင် ကျယ်ပြန့်လာပြီး မူး ယစ်ဆေးဝါးသုံးစွဲသူ များပြားလာသည်ဟု ကချင်လူမှု ဖွံ့ဖြိုးရေး ကွန်ယက်အဖွဲ့ KDNG မှ လေ့လာသုံးသပ်ထားသည်။
ဝရာဇွပ်ဒေသခံတစ်ဦးကလည်း “ဒီရွှေမှော်ကြောင့် ကျနော်တို့ရွာကလူတွေလည်းအားလုံးဘိန်းသ မားဖြစ်လာတယ်။ ပြည့်တဆာလုပ်စားတာ တွေလည်းများလာတယ်။ ရှထူးဇွပ်ရွာမှာဆို ပြည့်တန်ဆာ အခန်းဖွင့် စားတာတွေရှိတယ်” ဟု ပြောသည်။
ရွှေမှော်ဖြစ်လာပြီးနောက် ယုဇနကုမ္ပဏီစိုက်ပျိုးရေးစီမံကိန်းဧရိယာအတွင်းရှိ ဒေသခံလူဦးရေ ၈၀ ရာခိုင်နှုန်းသည်လည်းဘိန်းဖြူ၊ဘိန်းမဲ၊ ယာ ဘ ဆေးများ သုံးစွဲလာကြောင်း နှင့် အမျိုးသမီးများ လိင်ဖျော်ဖြေလုပ်ငန်းများရှိလာပြီး မင်းမဲ့စရိုက်၊ အုပ်ချုပ်သူ မဲ့ဖြစ်ကာ ရာဇ၀တ်မှု ကျူး လွန်မှုပြဿနာများ ဖြစ်နေကြောင်း KDNG ၏ ဒု-တာဝန်ခံ စာဂျီးက ပြောသည်။
ကမ္ဘာ့ကျားထိန်းသိမ်းရေးနယ်မြေမှ မြေဧက ၂ သိန်းကို ၂၀၀၆ ခုနှစ်တွင် မြန်မာနိုင်ငံမှ စီးပွားရေး လုပ်ငန်းရှင် တဦးဖြစ်သည့် ယုဇနကုမ္ပဏီ ပိုင် ဦးဌေးမြင့်သည် ကြံနှင့် ဇီဝ လောင်စာဆီ အတွက် ပီလောပီနံ စိုက်ပျိုးရေး လုပ်ငန်းများ လုပ်ကိုင်ရန် ဗိုလ်ချုပ်မှူးကြီးသန်းရွှေထံမှ ခွင့်ပြု ချက်ရရှိခဲ့ခြင်းဖြစ်ကြောင်း သိရသည်။
၎င်းနေရာသည် ဟူးကောင်းချိုင့်ဝှမ်းအတွင်း ဒေသခံလူထုများ လုပ်ကိုင်စားသောက်နေသော လယ်ယာမြေနေရာဖြစ်ပြီး ယုဇနကုမ္ပဏီ၏ စိုက် ပျိုးရေး စီမံကိန်းများကြောင့် အတင်းအကျပ်သိမ်း ယူခံခဲ့ရပြီး စံပြကျေးရွာသို့ပြောင်းရွှေ့ပေးကာ ယခုချိန်ထိ ကျေးရွာဖွံ့ဖြိုးတိုးတက် ရေးများ ကို အကောင်အထည်ဖော်ရန် လုပ်ဆောင်နေသည့် ကျေးရွာလည်းဖြစ်သည်။
No comments:
Post a Comment