Friday, March 29, 2013

ဘာသာပေါင်းစုံမှ ခေါင်းဆောင်များ ငြိမ်းချမ်းရေးဆုတောင်း

စောဇင်ညီ

ရန်ကုန်မြို့ သိမ်ဖြူလမ်းနှင့် မပာာဗန္ဓုလ လမ်းထောင့်ရှိ YMCA ခန်းမတွင် ယနေ့နေ့လည်နှစ်နာရီတွင် ပြုလုပ်ခဲ့သည့် ဘာသာပေါင်းစုံ ဆုတောင်းပွဲတွင် ဘာသာပေါင်းစုံမှ ခေါင်းဆောင်များ ငြိမ်းချမ်းရေး တရားဟောပြောကာ ငြိမ်းချမ်းရေး ဆုမွန်ကောင်းများ သက်ဆိုင်ရာဘုရား အသီးသီးတွင် တောင်းဆိုခဲ့သည်။

ဗုဒ္ဓဘာသာဘုန်းတော်ကြီးများ၊ အစ္စလာမ်ဘာသာ၊ ဟိန္ဒူဘာသာနှင့် ခရစ်ယာန်ဘာသာ အစရှိသည့် ဘာသာလေးမျိူးမှ ဘာသာရေးခေါင်းဆောင်များ တက်ရောက်ခဲ့သည်။

ထိုဆုတောင်းပွဲတွင် ဗုဒ္စဘာသာမှ မင်းကွန်းတောရ ဆရာတော် တိပိဋကဓရ ဦးကောပညာ တက်ရောက်ကာ ဘုရားဟော ငြိမ်းချမ်းရေး တရားများနှင့် ဆုတောင်းခဲ့သည်။ ထို့အပြင် ဗုဒ္ဓဘာ သာဝင်များအား “လူအသိစိတ်ဓါတ်ရှိ မှ လူဖြစ်တာပါ” ဟု ဆုံးမ သြ၀ါဒ ချီးမြှင့်သွား ခဲ့သည်။

ထို့အပြင် အစ္စလာမ် သာသနာမှ အကြီးအကဲ အဲလ်ဟဂ်ျ ဦးအေးလွင်က အစ္စလာမ်ဘာသာရှိ မာန်နတ်အကြောင်း များ ပြောဆိုသွားကာ အစ္စလာမ် သာဿနာမှ ဘုရားသခင်အား ငြိမ်းချမ်းမှု ချီးမြှင့်တော်မူရန် တောင်းဆိုသွားသည်။

၎င်းက “ အဖျက်သမားရဲ့ လုပ်ရပ်ပါ။ ကျွန်တော်တို့ ပြည်သူပြည်သားတွေ အစကတည်းက ချစ်ချစ်ခင်ချင် ရှိပြီးသားပါ။ ကြားတိုင်းမယုံသင့်ပါဘူး ” ဟုဆိုသည်။

ယခုဖြစ်ပွားနေသည့် အဓိကရုဏ်း ဖြစ်ရပ်များနှင့် ပတ်သတ်၍ ခရစ်ယာန်သာသနာမှ သိက္ခာတော်ရ ဆရာတော် ဦးဘရယ်ဂျီက “ အမြင်ကျဉ်းမြောင်းမှုနဲ့ မသိနားမလည်ခြင်းအပေါ် အခြေ ခံပါတယ်” ဟု မှတ်ချက်ပေး ပြောကြားခဲ့ သည်။

ထိုဘာသာပေါင်းစုံ ဆုတောင်းပွဲတွင် ဘာသာပေါင်းစုံမှ ပုဂ္ဂိုလ်များ တက်ရောက်ကာ မြန်မာနိုင်ငံ အဓိကရုဏ်းများ ရပ်ကြရန် အလံများ ကိုင်လျက် ဆုတောင်းမှုများ ပြုလုပ်ခဲ့သည်။

ထိုဆုတောင်းပွဲအား ဘာသာပေါင်းစုံမှ လူငယ်များပါဝင်သည့် မဇ္ဈိမငြိမ်းချမ်းရေး လူငယ်အဖွဲ့အစည်းမှ ဦးဆောင်ပြုလုပ်ကျင်းပခဲ့ခြင်းဖြစ်သည်။

ထိုအဖွဲ့မှ အဖွဲ့ဝင်တဦးက “ကျွန်တော်တို့ ငြိမ်းချမ်းရေးပဲ လိုလားတယ်။ ဘာပြဿနာမှ မတက်စေချင်ဘူး။ အဲဒါကြောင့် ဒီပွဲကို လုပ်ဖြစ်တာပါ” ဟု ပြောကြားခဲ့သည်။

No comments: