မလေးရှားနိုင်ငံရောက် မြန်မာအလုပ်သမားစုံတွဲတတွဲကို လိုင်စင်မဲ့သေနတ်လက် ၀ယ်ထားရှိမှုနဲ့ မလေးရှားရဲတွေက ဇန်န၀ါရီလ ၁ ရက်နေ့မှာ ဖမ်းဆီးခဲ့ပါတယ်။
ရဲတွေဟာ အဲဒီနေ့ညသန်းခေါင် ၁၂ နာရီ ၄၅ မိနစ်လောက်မှာ သူတို့နေထိုင်ရာ ဂျာလန် ဆီလမက် ဆာရူလင်အီးမက်စ်အရပ်က နေအိမ်မှာ ကျည်ဆံ ၆ တောင့်ပါ ခြောက်လုံးပြူး သေနတ်တလက်နဲ့အတူ ဖမ်းဆီးခဲ့တာလို့ မလေးရှားနိုင်ငံအခြေစိုက် သည်စတားသ တင်းတပုဒ်မှာ ဖော်ပြပါတယ်။
ရဲတွေက သူတို့နေထိုင်ရာ နေအိမ်တွင်းကို ရှောင်တခင်ဝင်ရောက်စစ်ဆေးခဲ့ချိန် မှာ သူတို့ ၂ ဦးလုံးဟာ အိပ်ပျော်နေခဲ့ကြတာပါ။
“ကျနော်တို့ အိမ်ထဲဝင်ရှာဖွေတဲ့အချိန်မှာ ပွိုင့်-၃၈ ခြောက်လုံးပြူးသေနတ်တ လက်နဲ့ ကျည်ဆံတွေကို တွေ့ခဲ့ရတယ်”လို့ တောင်ပိုင်းဆီဘရန်ပရိုင်ခရိုင်မှ ရဲအရာရှိ ရှဖီး အဗ္ဗဒူလ် ဆာမက်ဒ်က ပြောပါတယ်။
သူတို့ ၂ ဦးရဲ့ နာမည်တွေကိုတော့ သတင်းမှာ Imun နဲ့ Kel Mung လို့ ဖော်ပြထားပြီး သူတို့မှာ ခရီးသွားလာမှုဆိုင်ရာ အထောက်အထားတစုံတရာလည်း မတွေ့ရဘူးလို့ ဆိုပါတယ်။
လက်ရှိမှာတော့ သူတို့စုံတွဲကို ၁၉၇၁ ခုနှစ်အက်ဥပဒေ၊ ပုဒ်မ ၈ အရ တရားမ၀င် သေနတ်လက်ဝယ်ထားရှိမှု၊ ပြည်ဝင်ခွင့်ဆိုင်ရာအက်ဥပဒေ ၁၉၅၉/၆၃၊ ပုဒ်မ ၆(၁)(စီ) အရ စုံစမ်းစစ်ဆေးမှုတွေ လုပ်နေတယ်လို့ သတင်းမှာ ဖော်ပြပါတယ်။
No comments:
Post a Comment