အစိုးရ၏တွေ့ဆုံနေမှုသည်ငြိမ်းချမ်းရေးလမ်းကြောင်းသို့ ဦးတည်နေခြင်းမဟုတ်သေး

လွတ်လပ်သောမွန်သတင်အေဂျင်စီ

မြန်မာ အစိုးရနှင့် တိုင်းရင်းသား လက်နက်ကိုင် အဖွဲ့အစည်း တို့ အပစ်ခတ် ရပ်စဲရေး အတွက် တွေ့ဆုံ ဆွေးနွေး မှုရှိခဲ့ကြ သော်လည်း ငြိမ်းချမ်းရေး အတွက် ဦးတည် နေခြင်း မဟုတ် သေးကြောင်း UNFC က ပြောသည်။

အပစ်အခတ် ရပ်စဲရေး အတွက် မြန်မာ အစိုးရ အနေဖြင့် တိုင်းရင်းသား လက်နက်ကိုင် အဖွဲ့အစည်း များနှင့် ပဏာမ တွေ့ဆုံဆွေးနွေး ခဲ့ကြ သော်လည်း တဘက်တွင် တိုင်းရင်း သားများ ဒေသ အတွင်း ထိုးစစ် ဆင်နေ မှုများ အရှိန်မလျော့ သေးကြောင်း ညီညွတ် သော တိုင်းရင်း သားများ ဖက်ဒယ် ကောင်စီ (UNFC) အထွေထွေ အတွင်း ရေးမှူး နိုင်ဟံသာက ပြောသည်။

“ကျနော်တို့ တခု သိထား ဖို့က အစိုးရက အပစ်ခတ် ရပ်စဲဖို့ ကမ်းလှမ်း တယ်၊ကြိုးပမ်း နေတယ် ဆိုပေ မယ့်လည်း တဘက်မှာ ထိုးစစ်တွေ ဆင်နေ တဲ့အရှိန် ကမလျော့ သေးဘူး၊ ဒါကို ကြည့်ခြင်း အားဖြင့် သူတို့ရဲ့ (အစိုးရ) တွေ့ဆုံ ဆွေးနွေးမှု တွေဟာ ငြိမ်းချမ်း ရေးအတွက် ဦးတည် နေတယ် ဆိုတာက သံသယ ဖြစ်စရာပဲ” ဟု နိုင်ဟံသာက ပြောသည်။

သို့သော် မြန်မာအစိုးရနှင့် တိုင်းရင်းသားလက်နက်ကိုင်အဖွဲ့အစည်းများတွေ့ဆုံပြီး နှစ်ဘက်အပြန်အလှန် ဆွေးနွေးတင်ပြနိုင်မှုသည် အခွင့်ကောင်းတခုဖြစ်ကြောင်းလည်း ၄င်းကပြောသည်။

မြန်မာအစိုးရသည် တိုင်းရင်းသားလက်နက်ကိုင်အဖွဲ့အစည်းများဖြစ်ကြသည့် မွန်ပြည်သစ်ပါတီ (NMSP)၊ ကချင်လွတ်လပ်ရေးအဖွဲ့(KIO)၊ ကရင်အမျိုးသားအစည်းအရုံး (KNU)၊ ကရင်နီအမျိုးသား တိုးတက်ရေးပါတီ KNPP ၊ ချင်းအမျိုးသား တပ်ဦး (CNF)အပါအဝင် ရှမ်းပြည်တပ်မတော်တောင်ပိုင်းခေါ် ရှမ်းပြည် ပြန်လည်တည်ဆောက်ရေးကောင်စီ SSA/ RCSS တို့နှင့် ယခုလအတွင်း ဆက်တိုက်ဆိုသလို တွေ့ဆုံခဲ့ကြသည်။

သို့ရာတွင် UNFC ၏ ဆက်စပ်အဖွဲ့များဖြစ်ကြသည့် ကချင်အမျိုးသားအစည်းအရုံး KNO၊ ပလောင်ပြည်နယ် လွတ်မြောက်ရေးတပ်ဦး PSLF၊ လားဟူ ဒီမိုကရက်တစ်သမဂ္ဂ LDU၊ ညီညွတ်သောရခိုင်အမျိုးသားပါတီ NUPA၊ ပအိုဝ်း အမျိုးသားလွတ်မြောက်ရေးအဖွဲ့ PNLO၊ ဝ’ အမျိုးသားအဖွဲ့ချုပ် WNO တို့ကို အစိုးရက တွေ့ဆုံဆွေးနွေးရန် ကမ်းလှမ်းမှုမရှိကြသေးဟု သိရသည်။

မြန်မာအစိုးရကိုယ်စားလှယ်အဖွဲ့နှင့် ရှမ်းပြည်တပ်မတော်တောင်ပိုင်းတို့ ငြိမ်းချမ်းရေးဆွေးနွေးပွဲကို တက်ရောက်နားထောင်ခဲ့သူ သျှမ်းသံတော်ဆင့်အယ်ဒီတာ ဦးခွန်ဆိုင်းကလည်း “လောလောဆယ် ရှမ်းဘက်မှာလည်း တိုက်ပွဲတွေက ဆက်ဖြစ်နေတာရှိတယ် ဆိုတော့ အပစ်ခတ်ရပ်စဲရေးဆိုတာတော့ မဖြစ်သေးဘူးပေါ့” ဟု ပြောသည်။

မြန်မာအစိုးရသည် တိုင်းရင်းသား လက်နက်ကိုင်အဖွဲ့အစည်းများနှင့် တွေ့ဆုံခဲ့ရာတွင် နှစ်ဖက် အပစ်အခတ်ရပ်စဲရေးသဘောတူညီရန်၊ ဆက်ဆံရေးရုံး ဖွင့်လှစ်ထားရှိရန်၊ သတ်မှတ်နယ်မြေပြင်ပဖြတ်ကျော်လျှင် ကြိုတင်သဘောတူညီမှုရယူရန်နှင့် ထာဝရ ငြိမ်းချမ်းရေး လုပ်ငန်းစဉ်များအတွက် နှစ်ဖက်သဘောတူညီသည့်အခါ ဗဟိုအစိုးရနှင့်ဆက်လက်ဆွေးနွေးသွားရန် စသည့်အချက်များပါရှိသည်ဟု သိရသည်။

UNFC အဖွဲ့ဝင်များအနေဖြင့် တပြည်လုံးအတိုင်းအတာ အားလုံးတပြိုင်တည်းအပစ်ခတ်ရပ်စဲပြီးမှ ငြိမ်းချမ်းရေးဆွေးနွေးရန် မူချမှတ်ထားခဲ့သည်။

UNFC အခြေခံအဖွဲ့များတွင် မွန်ပြည်သစ်ပါတီ (NMSP)၊ ကရင်အမျိုးသားအစည်းအရုံး (KNU)၊ ချင်းအမျိုးသား တပ်ဦး (CNF)၊ ကရင်နီ အမျိုးသား တိုးတက်ရေးပါတီ KNPP ၊ ကချင်လွတ်လပ်ရေးအဖွဲ့(KIO) နှင့် ရှမ်းပြည် တိုးတက်ရေးပါတီ (SSPP) တို့ပါဝင်ပြီး ဆက်စပ်အဖွဲ့ဝင်များအဖြစ် ကချင်အမျိုးသားအစည်းအရုံး KNO၊ ပလောင်ပြည်နယ်လွတ်မြောက်ရေးတပ်ဦး PSLF၊ လားဟူ ဒီမို ကရက်တစ် သမဂ္ဂ LDU၊ ညီညွတ်သော ရခိုင် အမျိုးသားပါတီ NUPA၊ ပအိုဝ်း အမျိုးသားလွတ်မြောက်ရေးအဖွဲ့ PNLO၊ ဝ’ အမျိုးသားအဖွဲ့ချုပ် WNO တို့ ပါဝင် သည်။