သျှမ်းသံတော်ဆင့်
သျှမ်းပြည် (မြောက်ပိုင်း) မူစယ်ခရိုင် မုံးကိုးမြို့နယ်ခွဲ စည်ပင်သာယာ ဋ္ဌာနမှူးဖြစ်သူ အသက် ၃၃ နှစ်အရွယ် ကိုအောင်လွင်ဦးအား ဂျွန် လ ၂၆ ရက်နေ့ ညနေ ၄ နာရီခန့်က အမည်မသိလက်နက်ကိုင်တပ်ဖွဲ့တဖွဲ့က ဖမ်းဆီးခေါ်ဆောင်သွားကြောင်း သိရသည်။
အဆိုပါ စည်ပင်ဋ္ဌာနမှူး မုံးကိုးမြို့မှ ကြူကုတ်- ပန်ဆိုင်းမြို့သို့ ထွက်ခွာလာစဉ်လမ်းခရီး၌ ဖမ်းဆီးခံရခြင်းဖြစ်ပြီး ယနေ့အထိ ပြန်လည် လွတ် မြောက်လာခြင်း မရှိသေးကြောင်း စည်ပင်ဝန်ထမ်းအသိုင်းအဝိုင်းက သျှမ်းသံတော်ဆင့်သို့ ပြောသည်။
“သူ့အမျိုးသမီးကလည်း စည်ပင်ဝန်ထမ်းပဲ ပန်ဆိုင်းမှာတာဝန်ကျတယ်။ သူကတော့မုံးကိုး စည်ပင်မှူးပေါ့။ သူ့မိန်းမဆီသွားတာ လမ်းမှာ KIA က သူ့ကိုဖမ်းသွားတယ် ။သူနဲ့အတူ ငွေ ၃၅ သိန်းလည်း ပါသွားတယ် ဒီနေ့အထိ ပြန်လွတ်မလာသေးဘူး” ဟု ဆိုသည်။
လွန်ခဲ့သည့်လပိုင်းကလည်း မုံးကိုးမြို့နယ်ရဲစခန်းမှ ရဲတပ်သားနေလင်းဆိုသူအား KIA မှဖမ်းဆီးခဲ့သွားပြီးယခုပြန်လည်လွတ်မြောက် လာပြီ ဖြစ်ကြောင်း နီးစပ်သည့်အသိုင်းအဝိုင်းကပြောပါသည်။
သို့သော် အဆိုပါကိစ္စရပ်များအား ကချင်လွတ်လပ်ရေးအဖွဲ့၏လက်ချက် ဟုတ်မဟုတ် သျှမ်းသံတော်ဆင့်မှ သီးခြားအတည်ပြုနိုင်ခြင်း မရှိ သေး ပေ။
ကချင်ပြည်နယ် နှင့် သျှမ်းပြည် (မြောက်ပိုင်း) အတွင်း ၌ KIA နှင့် အစိုးတပ်တို့အကြား နှစ်ဘက်တိုက်ပွဲများဆက်တိုက် ဖြစ်ပွားနေ သည်မှာ တနှစ်ကျော်ရှိခဲ့ပြီဖြစ်ပါသည်။
No comments:
Post a Comment