“ကျနော်တို့ ၆ ရက်နေ့တုန်းက နမ့်ခမ်းရဲစခန်းကိုဖုန်းဆက်တယ်။ စခန်းမှူး ရဲအုပ် ကျော်စိုးက တရားခံကို ခရိုင်ပို့လိုက်တာ ဟိုးလွန် ခဲ့တဲ့ ၄ ရက် နေ့က တည်းကလို့ ပြောတယ်။ ၇ ရက်နေ့ တုန်းက နမ့်ခမ်းရဲစခန်းမှာ လူတချို့ သွားတွေ့ခွင့်တောင်းတော့ မရှိတော့ဘူး။ အချုပ်ခန်း စောင့်ရဲက အချုပ်ခန်းကို Webcam နဲ့ တရားခံမရှိကြောင်း ပြ တယ်။ တကယ်လဲမတွေ့ရဘူး” ဟု နမ့်ခမ်းဒေသခံတဦးက သျှမ်းသံတော် ဆင့်အား ပြောပြသည်။
မတ်ခ်ျလဆန်းပိုင်းက လူသတ်တရားခံ လီဖန် ဆိုသူအား နမ့်ခမ်းမြို့နယ်ရဲစခန်းက မူစယ်ခရိုင်ရုံးသို့ လွှဲအပ်လိုက်ပြီးဖြစ် ကြောင်း၊ လာမည့် မတ်ခ်ျ ၁၄ ရက်နေ့၌ ထပ်မံရုံးချိန်းထားကြောင်း၊ တရားခံဘက်က လားရှိုးမှရှေ့နေတဦးအား ငှားရမ်းထား ကြောင်း တရားလိုဘက်မှ မိသား စုဝင်များက ပြောပါသည်။
“ ၇ ရက်နေ့တုန်းက မူစယ်ခရိုင်တရားရုံးမှာ ရမန်ပြစစ်ဆေးတယ်။ ခရိုင်တရားသူကြီး ဦးသန်းထွေးက စစ်ဆေးတာ။ ၅ မိနစ် တောင်မကြာဘူး။ ရောက် တာနဲ့မြန်မြန်စစ်၊ ရုံးချိန်းပေးပြီး ရဲစ ခန်းကိုမြန်မြန်ပြန်ပို့လိုက်တာ။ စောင့်ကြည့်သူ၊ ဓါတ်ပုံရိုက်တဲ့သူ တွေကို ရဲတွေက မောင်းထုတ် တယ်။ တခြားရဲတွေကလဲ လာကြည့်တဲ့လူအုပ်ကြီးကို ဓါတ်ပုံရိုက်ယူတယ်။ အဲဒီရဲတွေက- လူတွေ ကြောက် သွားအောင် ခြိမ်းခြောက် လိုက် တဲ့သဘောဘဲ - လို့ နမ့်ခမ်းစခန်းမှူးကျော်စိုးကို ပြောတယ်တဲ့။ တရားခံကိုတော့ ခေါင်း စွပ်ထားလို့ မျက်နှာမမြင်ရဘူး။ တရားခံအစစ် ဟုတ် ကော ဟုတ် ရဲ့လားလို့တောင် ပြောနေကြတယ်” - ဟု အသတ်ခံရသူ၏ သူငယ်ချင်းဖြစ်သော အိုက်စိုင်း က သျှမ်းသံတော်ဆင့်အား ပြောပြ သည်။
ဖေဖော်ဝါရီလ ၆ ရက်နေ့က သျှမ်းပြည်နယ်နေ့ ပွဲခင်းအသွားလမ်း၌ နမ့်ခမ်းဒေသခံ စိုင်းအိုက်လိန်နှင့်အဖွဲ့ အား ပြည်သူ့လွှတ်တော်ကိုယ် စား လှယ် (ပန်းဆေးပြည်သူ့စစ်ခေါင်းဆောင်) ဦး ကျော်မြင့်ခေါ် လီယုံချိန်၏တူ လီဖန် (ခ) မောင်ရဲအောင်ထွေးနှင့်အဖွဲ့ကဓါးဖြင့်ဝင်ခုတ်ရာကျား ဖြူပါတီ ဉက္ကဌ၊ သျှမ်းပြည်အစိုးရ သတ္တုတွင်းဝန်ကြီးဌာနဝန်ကြီး စိုင်းအိုက်ပေါင်း၏ မြေး တော် သူ စိုင်းအိုက်လိန် မှာ သေဆုံးသွားပြီး ၎င်း၏ သူငယ်ချင်းစိုင်းလှိုင်းပန်မှာလည်း ဓါးဒဏ်ရာအပြင်းအထန်ရရှိကြောင်း၊ ဆိုင်ကယ်မောင်းပေးသူ အိုက်ဆမ် ဆိုသူအားလည်း မူစယ်မှုခင်း ရဲက ယခင်အပတ်အတွင်း ထပ်မံဖမ်းဆီးထားကြောင်း၊ ၎င်းအဖွဲ့ ၃ ဦးအား ထပ်မံဖမ်း ဆီးရန် မူစယ်တရားရုံးက ဖမ်းဝရမ်း ထပ်ထုတ်ထားကြောင်း ရှေ့နေများ အသိုင်းအဝိုင်းမှ သိရပါသည်။
No comments:
Post a Comment