ကော်မတီအနေနဲ့ ပုံနှိပ်ခြင်းနဲ့ ထုတ်ဝေခြင်းလုပ်ငန်းမှာပါတဲ့ အကျုံးဝင်မယ့် စာနယ်ဇင်း ကောင်စီက ရေးဆွဲထားတဲ့ မီဒီယာဥပဒေမူကြမ်း ဟာ ပြည်သူလူထုရဲ့ အကျိုးစီးပွားကို အာမခံတယ်ဆိုရင် ထောက်ခံ သွားမှာ ဖြစ်ပြီး နိုင်ငံတော်သမ္မတ ပြည်သူ့လွှတ်တော်နှင့် အမျိုးသား လွှတ်တော် ဥက္ကဌ တို့ကို ဆက် လက် ပေးပို့သွားမှာ ဖြစ်တယ်လို့ သိရပါတယ်။
အစိုးရ ပုံနှိပ်ဥပဒေကြမ်းမှာ ပြန်ကြားရေး ၀န်ကြီးဌာနက မှတ်ပုံတင်အရာရှိဟာသတင်းမီဒီယာလုပ်ငန်း လုပ်ကိုင်ခွင့်၊ သက်တမ်းတိုးခွင့်၊ရုပ်သိမ်းခွင့်များ လုပ်ပိုင်ခွင့်ရှိတဲ့အတွက်အထူးအာဏာ ပေးအပ်ခံထားရသ လို ဖြစ်နေတယ်လို့ ပြည်သူ့ခေတ်ဂျာနယ်အတိုင်ပင်ခံအယ်ဒီတာ ဦးဖေမြင့်ကပြောပါတယ်။
"၁၉၆၂ ဥပဒေဆိုရင် အင်မတန်မှ ကြောက်စရာကောင်းပါတယ်။ဆိုးပါတယ်။ကျွန်တော်တို့ ရေးခွင့်သားခွင့်မရတာ ကျွန်တော်တို့ အားလုံး အသိဘဲ။အခု ထွက်လာတဲ့ ဥပဒေ သည် ရုတ်တရက်ဆိုတော့သိမ်မွေ့သလို ထင်ရတယ်။သို့သော် ဒီလို အလားတူ ဖြစ်လာမယ့် အနေအထားရှိတယ်။ဒီခေတ်မှာ မီဒီယာနဲ့ပတ်သက်တဲ့ ဥပဒေတစ်ခု ပြဌါန်းမယ် ဆိုလို့ ရှိရင် အဲဒီဥပဒေသည် စာနယ် ဇင်း လွတ်လပ်ခွင့်ကို ကာကွယ်စောင့်ရှောင်တဲ့ ဥပဒေမျိုးပဲဖြစ်သင့်တယ်။စာနယ်ဇင်းသမားရဲ့လွန်ကျွံတဲ့ကိစ္စတွေကို သက်ဆိုင်ရာနည်းလမ်းဥပဒေတွေ ရှိပြီးသား သာလျှင်ဖြစ်တယ်။အထူးတလည်ဥပဒေမ လိုဘူး လို့ ကျွန်တော်တို့ ယူဆတယ်။ဒါကြောင့်မို့လို့ ဒီဥပဒေကြမ်းကိုမလိုလားဘူး။ဒီဥပဒေထဲမှာ အားနည်းချက်တွေ ရှိတယ်။ဒီဥပဒေကို အလုံးစုံ ဖျက်သိမ်းပေးတာကိုပဲလိုလားတယ်။ဒါကြောင့်ကန့်ကွက်ပါတယ်။
ပြန်ကြားရေးဝန်ကြီးဌာန ဒု ဝန်ကြီး ဦးရဲထွဋ် ကတော့ ပုံနှိပ်ခြင်းနှင့် ထုတ်ဝေခြင်းလုပ်ငန်း ဥပဒေကြမ်းဟာ ၁၉၆၂ ခုနှစ် ပုံနှိပ်သူများနှင့် ထုတ်ဝေသူများ ဥပဒေကို ပယ်ဖျက်ရေးအတွက် တင်သွင်းထားတာ ဖြစ်ပြီး ဗဟိုကြီးကြပ်ရေးအဖွဲ့ ဖွဲ့စည်းမှုမှာလည်းနောက်ကြောင်းပြန်လှည့်ပြီးစာနယ်ဇင်းနဲ့ သတင်းလွတ်လပ်ခွင့် ကိုထိန်းချုပ်ဖို့ မဟုတ်ဘူးလို့ ငြင်းဆိုထားပါတယ်။
နိုင်ငံရေးအကျဉ်းသားများအဖွဲ့ချုပ်က ကိုနန္ဒစစ်အောင်ကတော့ အခုလို ပြောပါတယ်။
“ပုံနှိပ်ခြင်းနှင့် ထုတ်ဝေခြင်းလုပ်ငန်းဥပဒေဟာစာနယ်ဇင်းနဲ့ပုံနှိပ်ထုတ်ဝေတဲ့ လူ့အဖွဲ့အစည်း ကိုကိုယ်စား ပြုဖို့လိုအပ်ပါတယ်။ဒီအဖွဲ့အစည်းကိုအုပ်ချုပ်ဖို့ စည်းမျဉ်းစည်းကမ်း တွေ ဥပဒေတွေဟာ ဒီလူ့အဖွဲ့အစည်း ထဲက ပေါ်ထွက်လာရမှာပဲ။ဒါကအခြေခံကျပါတယ်။အဲတော့ ဒီလူ့အဖွဲ့အစည်းကိုမှ ကိုယ်စားမပြုရင်ဒီအ ဖွဲ့အစည်းရဲ့ ဥပဒေမဟုတ်ပါဘူး။အဲဒီဥပဒေကိုလည်း မျှတ တဲ့ဥပဒေအဖြစ် လက်မခံနိုင်ပါဘူး။ ကန့်ကွက်ပါတယ်။”
ပြည်သူ့လွှတ်တော် အားကစား၊ ယဉ်ကျေးမှုနှင့် ပြည်သူ့ဆက်ဆံရေး ဖွံ့ဖြိုးတိုးတက်မှု ကော်မတီ ဥက္ကဋ္ဌ သူရဦးအေးမြင့်က မြန်မာနိုင်ငံ စာနယ်ဇင်းကောင်စီ (ယာယီ)က ရေးဆွဲနေတဲ့ မီဒီယာဥပဒေကြမ်း ထွက်ရှိတဲ့ထိ ပြန်ကြားရေးဝန်ကြီး ဌာနက ရေးဆွဲတင်သွင်းလာတဲ့ ပုံနှိပ်ခြင်းနှင့် ထုတ်ဝေခြင်းလုပ်ငန်း ဥပဒေကြမ်းကို ဆိုင်းငံ့ထားသင့်တယ်လို့တရားဝင် ထုတ်ပြန် ပြောဆိုထားတယ်လို့ သိရပါတယ်။
ဒီကိစ္စနဲ့ ပတ်သက်ပြီး ဘလော့ကာ ကိုနေဘုန်းလတ်ကတော့ အခုလို ပြောပါတယ်။
"ကျွန်တော်တို့မှာ စာနယ်ဇင်းကောင်စီ(ယာယီ)ဆိုပြီး ရှိထားပြီးသားပဲ။အဲဒီ စာနယ်ဇင်းကောင်စီက လည်း မီဒီယာ ဥပဒေကို ဆွဲနေပြီပေါ့နော်။ဒီ ပုံနှိပ်ခြင်းနှင့်ထုတ်ဝေခြင်း လုပ်ငန်းဥပဒေဆိုတာလည်း အဲဒီစာနယ်ဇင်းကောင်စီကဆွဲနေတဲ့မီဒီယာဥပဒေထဲမှာ ပေါက်ပွါးပြီးတော့ အကြုံးဝင်မယ်လို့ ကျွန်တော် တော့နားလည်ထားတယ်။အဲဒီခါကျတော့ ဒီကောင်ကြီးကအပိုကြီးလို ဖြစ် နေတာပေါ့။ သူ့အနေနဲ့ကြားထဲက၀င်ပြီးတော့ ဒိလိုမျိုး ထုတ်စရာအကြောင်းကို မရှိဘူး။စာနယ်ဇင်းကောင်စီ ကနေပြီးတော့ လုပ်မယ့် အလုပ်ထဲမှာသူ့ဟာသူအကြုံးဝင်သွားမယ်။လို့ ယူဆတယ်။အဲတော့မီဒီယာသမားတွေနဲ့ ပတ်သက်တဲ့ဥပဒေဟာ မီဒီယာသမားတွေက မလိုလားဘူးဆိုရင် အဲဒါတွေ ကအတည်ဖြစ်လာစရာ အကြောင်းကိုမရှိဘူး"
အဲဒီဥပဒေကို သတင်း လွတ်လပ်ခွင့် ကော်မတီနဲ့အတူ မြန်မာနိုင်ငံ သတင်းစာဆရာများ အသင်း (MJA) ၊ မြန်မာနိုင်ငံ သတင်းစာဆရာများ သမဂ္ဂ (MJU)၊ မြန်မာ ဂျာနယ်လစ် ကွန်ယက်(MJN)၊၈၈ မျိုးဆက် ကျောင်းသားများ အဖွဲ့၊ လူ့ဘောင်သစ် ဒီမိုကရက်တစ်ပါတီ (ပြည်တွင်း)၊ လူ့ဘောင်သစ် ဒီမိုကရက်တစ်ပါတီ စုစည်းရေးကော်မတီ(ပြည်တွင်း) ၊ ဗမာနိုင်ငံလုံးဆိုင်ရာ ကျောင်းသား သမဂ္ဂများ အဖွဲ့ချုပ်၊ နိုင်ငံရေးအကျဉ်းသားဟောင်းများ အဖွဲ့ချုပ်တို့နဲ့ လွတ်လပ်တဲ့ ထုတ်ဝေရေး လုပ်ငန်းရှင်အချို့က ပြန်ကြားရေးဝန်ကြီးဌာနရဲ့ ဒီ ပုံနှိပ်ခြင်းနှင့် ထုတ်ဝေခြင်းလုပ်ငန်း ဥပဒေကြမ်းဟာ နိုင်ငံသားနဲ့ သတင်းမီဒီ ယာတွေရဲ့ လွတ် လပ်ခွင့်ကို ထိန်းချုပ်ထားတဲ့အတွက် ပြန်လည်ရုပ်သိမ်းရေး တောင်းဆိုမှုမှာပူးပေါင်း ကြမှာဖြစ်တယ်လို့ သိရတဲ့အကြောင်း ရေဒီယိုသြစတြေးလျ သတင်းထောက် မေငယ်က သတင်းပေးပို့ထားတာ ဖြစ်ပါတယ်။
No comments:
Post a Comment