နိုင်ငံတကာအမျိုးသမီးများနေ့တွင် မဲဆောက်မြို့ မြန်မာရွှေ့ပြောင်းအမျိုး သမီး ၂၀၀ခန့်ချီတက်လမ်းလျှောက်

နန်းသူးလေ (ကေအိုင်စီ)

ယနေ့ ကျရောက်သည့် ၁၀၂ကြိမ်မြောက် နိုင်ငံတကာအမျိုးသမီးများနေ့တွင် ထိုင်းနိုင်ငံ-မဲဆောက်မြို့ရှိ မြန်မာရွှေ့ပြောင်း အမျိုး သမီးအဖွဲ့အစည်းများမှ လူဦးရေ ၂၀၀ခန့် အမျိုးသမီးအခွင့်အ ရေးဆိုင်းဘုတ်များ ကိုင်ဆောင်ပြီး ချီတက်လမ်းလျှောက်ခဲ့ကြ သည်။

ထိုင်းနိုင်ငံ၊ မဲဆောက်မြို့အတွင်းရှိ ၀ပ်အာလန်ဘုန်းကြီးကျောင်းရှေ့မှစတင်ပြီး မဲဆောက်မြို့မြူနီစပယ်ရုံးအနီး အားကစားကွင်း အထိ အဖြူ၊ အ၀ါ၊ ချယ်ရီ၊ အစိမ်းရောင် စသည့်တူညီအင်္ကျီများ ၀တ်ဆင်ကြကာ နံနက် ၈နာရီမှ ၉နာရီအထိ လမ်းလျှောက်၍ ချီတက်ခဲ့ကြခြင်းဖြစ်သည်။

လမ်းလျှောက်ချီတက်ပွဲတွင် ပါဝင်ခဲ့သည့် မြန်မာအမျိုးသမီးသမဂ္ဂ-BWU မှ မဇာဇာက “အမျိုးသမီးတန်းတူ အခွင့်အရေးမှာဆို ရင် လုပ်အား ခတန်းတူရရှိရေး၊ ပညာသင်ကြား ခွင့်ရရှိရေး၊ စီးပွားရေးနှင့် ဦးဆောင်မှုအခန်းကဏ္ဍတွေမှာ အမျိုးသားတွေနဲ့ တန်း တူရရှိရေး အဲ့ဒါတွေ ကိုင်ဆောင်ပြီး ကိုယ်ဝတ်ထားတဲ့ အင်္ကျီအရောင်အလိုက် အုပ်စုလေးတွေဖွဲ့ပြီး ချီတက်ကြတာပါ”ဟု ပြော သည်။

ချီတက်ပွဲပြီးနောက် မဲဆောက်မြို့မြူနီစပယ်ရုံးအရောက်တွင် မိုးလုံလေလုံအားကစားကွင်းခန်းမ၌ နိုင်ငံတကာ အမျိုးသမီးများ နေ့ အခမ်းအ နားကျင်းပခဲ့ကြပြီး သက်ဆိုင်ရာ ထိုင်းအာဏာပိုင်များနှင့် ထိုင်းအ မျိုးသမီးအဖွဲ့အစည်းများမှ တာဝန်ရှိသူအချို့ မိန့်ခွန်းပြောကြားခဲ့ကြကာ လွန်ဆွဲ၊ ဂုန်နီအိတ်စွပ်၊ ပင်ဘောင်ရိုက်ခြင်း စသည့် အမျိုးသမီးအားကစားပြိုင်ပွဲများလည်း ပြုလုပ် ကျင်းပခဲ့သည်။

Migrant Right Promotion Working Group-MRPWG မှ အဖွဲ့ဝင်တစ်ဦးဖြစ်သူ မမြတ်စုအောင်က “အမျိုးသမီးတွေ ဂုဏ် သိက္ခာရှိစွာနဲ့နေနိုင် ဖို့၊ အလုပ်လုပ်နိုင်ဖို့၊ ခွဲခြားခြင်း မရှိဘဲ တန်းတူရင်ဘောင်တန်းပြီး အနာဂတ် ခရီးလမ်းမှာ ပျော်ပျော်ရွှင်ရွှင်နဲ့ ဖြတ်သန်းနိုင်ဖို့အတွက် ဒီနေ့ကျရောက်တဲ့ နိုင်ငံတကာအမျိုးသမီးများနေ့ ကျင်းပပေးရခြင်းဖြစ်တယ်ဆိုတာ ပြောချင်တယ်”ဟု ပြောသည်။

မဲဆောက်မြို့ရှိ နိုင်ငံတကာအမျိုးသမီးများနေ့အခမ်းအနားကို MRPWG မှ ကမကထပြု ကျင်းပပေးခဲ့ခြင်းဖြစ်ပြီး ထိုင်းနိုင်ငံသို့ ရွှေ့ပြောင်း ရောက်ရှိနေသည့် မြန်မာ့အမျိုးသမီးများအား နိုင်ငံတကာ အမျိုးသမီး များနေ့ ဖြစ်ပေါ်လာပုံ၊ လွန်ခဲ့သော နှစ်ပေါင်း ၁၀၀ကျော်က အမျိုးသ မီးအခွင့်အရေးအတွက် တိုက်ပွဲဝင်ခဲ့သည့် အမျိုးသမီးများအား ဂုဏ်ပြုသည့်အနေဖြင့် ကမ္ဘာ့ကုလသမဂ္ဂ က စတင် ကျင်းပခဲ့ကြခြင်း ဖြစ် သည်။