ရိုဟင်ဂျာ အမျိုးသား ၃၇ ဦးနဲ့ အမျိုးသမီး ၂ ဦးတို့ဟာ ထိုင်းနိုင်ငံကို သွားဖို့ ရည်ရွယ်ခဲ့ပေမယ့် လူကုန်ကူးသူတွေက မြိတ်မြို့ကို လာရောက် ချထားရာက နယ်မြေကျူးကျော် ဝင်လာတဲ့အမှုနဲ့ မြိတ်ခရိုင် တရားရုံးကနေ ထောင်ဒဏ် တစ်နှစ်စီ ချမှတ်လိုက်တာဖြစ်ပါတယ်။
သူတုိ့ကို ဖေဖော်ဝါရီလ ၂၆ ရက်နေ့မှာ ဖမ်းမိခဲ့တာ ဖြစ်ပါတယ်။
ဖမ်းဆီးခံရသူတွေဟာ စစ်တွေမြို့နယ် ဘူမေရွာနဲ့ တခြားရွာတွေကဖြစ်ကြပြီး ဗ မာ စ ကား ပြော ဆို တတ်ကြပေမယ့် မြန်မာနိုင်ငံသား စီစစ်ရေးကဒ်ပြားတွေ မရှိတဲ့အတွက် မှတ်ပုံတင်ရေး နည်းဥပဒေအရ အလုပ်နဲ့ ထောင်ဒဏ် တစ်နှစ် ချမှတ်လိုက်တာ ဖြစ်ပါတယ်။
တချို့လူတွေက သတ္တမတန်းအထိ ကျောင်းနေဖူးသူတွေဖြစ်ပြီး စစ်တွေဒေသမှာ လုပ်ကိုင်စားသောက်ဖို့ ခက်ခဲတဲ့အတွက် ထိုင်းနိုင်ငံမှာ အလုပ်လုပ်ဖို့ ကြိုးစားတာဖြစ်ပြီး လူကုန်ကူးပွဲစားတွေကို ကျပ်ငွေ တစ်သိန်းကနေ တစ်သိန်းခွဲအထိ ပေးဆောင်ခဲ့ရတယ်လို့ သိရပါတယ်။
ဖမ်းဆီးခံရသူ ရိုဟင်ဂျာ ၄၂ ဦးထဲမှာ အသက်မပြည့်သေးတဲ့ ကလေးငယ် နှစ်ဦးလည်းပါဝင်တဲ့အတွက် ကလေးသူငယ် ဥပဒေအရ မြိတ်ခရိုင် လ၀က ရုံးကတဆင့် မိဘတွေဆီကို ပြန်လည် ပို့ဆောင်ပေးမယ်လို့သိရတဲ့အကြောင်းလည်း ရေဒီယိုသြစတြေးလျ အလွတ်သတင်းထောက် ရွှေမြိတ်သားလေး ဇော်ဇော်က သတင်းပေးပို့ခဲ့ပါတယ်။
No comments:
Post a Comment