ကမ်းလွန်ရေနံလုပ်ကွက် ၂၅ ခုမှာ လုပ်ပိုင်ခွင့်ရဖို့ တင်ဒါစနစ်နဲ့ ဧပြီလမှာ စတင်သွားမှာဖြစ်ပြီး လုပ်ခွင့်ရဖို့အတွက် အဓိကရေနံကုမ္ပဏီ တွေ ဖြစ်တဲ့ BP, Woodside, Shell နဲ့ Chevron ကုမ္ပဏီတို့က ဝင်ရောက် ယှဉ်ပြိုင်ကြမှာဖြစ်ပါတယ်။
မြန်မာ့ရေနံနဲ့ သဘာဝဓာတ်ငွေ့ လုပ်ငန်းဟာ မြန်မာထုတ်ကုန် တန်ဖိုးရဲ့ ၃၄% ရှိတဲ့အတွက် မြန်မာနိုင်ငံ ဖွံ့ဖြိုးတိုးတက်မှုအတွက် အဓိက က ဏ္ဍ ဖြစ်နေ တယ်လို့ လေ့လာသူတွေက ပြောပါတယ်။
ကမ်းလွန် ရေနံလုပ်ငန်းမှာ ရေနံရှာဖွေတူးဖော်ရေးတွေ၊ စက်ပိုင်းဆိုင်ရာနည်းပညာတွေ အများအပြား လိုအပ်တဲ့အတွက် ငွေရေးကြေးရေး တောင့်တင်းပြီး အတွေ့အကြုံရှိတဲ့ ကုမ္ပဏီတွေသာ လုပ်ကိုင်နိူင်မယ့် အကြောင်း ပြည်တွင်း ကုမ္ပဏီတွေက ငွေရေးကြေးရေး တတ်နိူင်မှာ မ ဟုတ်တဲ့အတွက် ပြည်ပကုမ္ပဏီတွေ အပြည့်အဝ ပိုင်ဆိုင်မှု ရနိူင်မှာ ဖြစ်ကြောင်းလည်း သိရပါတယ်။
နိုင်ငံခြားကုမ္ပဏီတွေကို လုပ်ကွက် ၃ ကွက်အထိသာ လုပ်ကိုင်ခွင့်ပေးမှာဖြစ်ကြောင်းလည်း သိရပါတယ်။
အဲ့ဒါ့အပြင် မြန်မာ့ကုန်းတွင်းပိုင်း ရေနံလုပ်ကွက် ၁၈ ကွက်ကို နိုင်ငံခြား ကုမ္ပဏီတွေကို လုပ်ခွင့်ပေးတော့မယ်လို့ မြန်မာ့ရေနံနဲ့သဘာဝဓါတ် ငွေ့ လုပ်ငန်းက ထုတ်ပြန်လိုက်ပါတယ်။
မြန်မာနိုင်ငံ အရှေ့ဘက်က ရှမ်းကုန်းပြင်မြင့်၊ အလယ်ပိုင်းချိုင့်ဝှမ်းနဲ့ ရခိုင်ရိုးမဒေသရှိ ရေနံလုပ်ကွက် ၁၈ ကွက်ကို လုပ်ခွင့်ပေးတာဖြစ်ပြီး အဲ ဒီထဲက အလယ်ပိုင်းချိုင့်ဝမ်း ဒေသမှာတော့ ရေနံထွက်ရှိမှု အများ ဆုံး ဖြစ်တယ်လို့ သိရပါတယ်။
မြန်မာ့ရေနံနဲ့ သဘာဝဓါတ်ငွေ့လုပ်ငန်းဖွံ့ဖြိုး တိုးတက်ဖို့ နိုင်ငံ ၅၀ ကျော်ပါဝင်တဲ့ ကိုယ်စားလှယ်တွေနဲ့ မြန်မာအစိုးရတို့ မတ်လ ၄ ရက်နေ့ကနေ ၆ ရက်နေ့ထိ ရန်ကုန်မြို့မှာ ဆွေးနွေးနေကြတယ်လို့လည်း စွမ်းအင်ဝန်ကြီးဌါန၀န်ကြီး ဦးသန်းဌေးက ပြောပါတယ်။
ဆွေးနွေးပွဲမှာ အနောက်နိုင်ငံက ကုမ္ပဏီတွေ များပြားကြောင်း အရင်တုန်းက တရုတ်၊ ထိုင်း၊ မလေးရှား၊ အင်ဒိုနီးရှား၊ အိန္ဒိယနိုင်ငံ အစရှိတဲ့ အာရှတိုက်က ကုမ္ပဏီတွေသာ စိတ်ဝင်စားပေမယ့် မြန်မာနိုင်ငံ ပြောင်းလဲလာတာနဲ့အမျှ အနောက်တိုင်းနိုင်ငံတွေ ဝင်လာနေကြပြီလို့ ပါရမီလို့ခေါ်တဲ့ ပုဂ္ဂလိက ရေနံနှင့်သဘာဝ ဓါတ်ငွေ့လုပ်ငန်းကုမ္ပဏီ အကြီးအကဲ ဦးနုက ပြောပါတယ်။
လက်ရှိမှာတော့ မြန်မာနိုင်ငံကနေ လုပ်ကိုင်နေတဲ့လုပ်ကွက်တွေရှိသလို တခြားသူတွေကို လုပ်ခွင့်ပေးလိုတဲ့ လုပ်ကွက်တွေရှိတဲ့အကြောင်း ကုန်းတွင်းရေနံလုပ်ကွက်တွေမှာ ရေနံတွေ ဒိထက် ပိုထွက်နိူင်မလား၊ မထွက်ဘူးလားဆိုတာတွေကို သိရှိဖို့ ရင်းနှီးမြုပ်နှံသူတွေရဲ့ နည်းပညာ ပေါ် မူတည်ကြောင်းလည်း မြန်မာ့ရေနံနဲ့ သဘာဝဓာတ်ငွေ့လုပ်ငန်း အထွေထွေ မန်နေဂျာ ဦးကျော်ဥာဏ်ထွန်း က ပြောခဲ့တဲ့အကြောင်း ရေ ဒီယိုသြစတြေးလျ သတင်းထောက် မေငယ်က သတင်းပေးပို့ခဲ့ပါတယ်။
No comments:
Post a Comment