ဖြူစင်သူ
စစ်ကိုင်းတိုင်း မုံရွာတက္ကသိုလ်တွင် ရူပဗေဒဌာနရှိ ပါမောက္ခဌာနမှူးမှာ ကထိကဆရာမတစ်ဦးနှင့်ပေါင်း၍ ကျောင်းသားများထံမှ မတရား ငွေ ကြေးတောင်းခံ လာဘ်စားမှုအပေါ် ကျောင်းသားများက မကျေမနပ်ဖြစ်နေကြကြောင်း တက္ကသိုလ်ကျောင်းသားတစ်ဦး၏ သတင်းပေးပို့ချက် အရ သိရသည်။
အဆိုပါ ဆရာနှစ်ဦးပူးပေါင်း၍ ကျောင်းသားများအား ပုံနှိပ်စာအုပ်များကို ဈေးမြှင့်ကာ မဝယ်မနေရစနစ်ဖြင့်ရောင်းပြီး၊ Term Paper လက် မှတ် ထိုးခများနှင့် မဟာတန်း ကျောင်းသားတစ်ဦးလျှင် ကျပ်ငွေ ၂ သိန်းစီ တောင်းခံနေကြောင်း သတင်းရရှိသည်။
" အဲဒီ ဆရာနှစ်ဦးပေါင်းပြီးတော့ ပုံနှိပ်စာအုပ်တွေကို မတရားဈေးမြှင့်ပြီးတော့ မဝယ်မနေရစနစ်နဲ့ ရောင်းတယ်။ ပြီးတော့Term Paperလက် မှတ်ထိုးခနဲ့ မဟာတန်း ကျောင်းသားတစ်ဦးစီကို ကျပ်ငွေ ၂ သိန်းစီ ကောက်ခံတယ်။ သိတဲ့ အတိုင်းပဲ ကျောင်းသားတစ်ဦးအတွက် ငွေ ၂ သိန်းဆိုတာ နည်းတဲ့ဟာ မဟုတ်ဘူး။ ငွေ ၂ သိန်းမပေးနိုင်တဲ့ ကျောင်းသားတွေ အများကြီး ဘဲ။ ငွေ ၂ သိန်း မပေးနိုင်တော့ လက်မှတ်ထိုး မပေးဘူးလေ။ " ဟု အဆိုပါကျောင်းသားက ယခုကဲ့သို့ ပြောသည်။
ထို့အပြင် ရူပဗေဒဌာနမှ ဆရာတချို့က အတန်းထဲတွင် ကောင်းမွန်စွာ ပညာသင်ကြားပေးမှုမရှိဘဲ အပြင်ကျူရှင်များ ဖွင့်လှစ်ကာ အကျိုးစီး ပွားရှာနေကြောင်း၊ ယခုကဲ့သို့ တက္ကသိုလ် ဆရာ/မများ လာဘ်စားမှုများ ဖြစ်ပေါ်နေခြင်းမှာ လုံလောက်သည့် လစာ မရရှိသည့် အတွက်ဖြစ် ကြောင်း ဆရာများနှင့်နီးစပ်သည့် အသိုင်းအဝိုင်းမှလာသော သတင်းအရ သိရသည်။
ယခုကဲ့သို့ လာဘ်စားမှုများ ပပျောက်အောင် နိုင်ငံတော် အစိုးရအနေဖြင့်လည်း လျှင်မြန်စွာ ပြုပြင်ပြောင်းလဲမှုများ ပြုလုပ်ပေးစေလို ကြောင်း အဆိုပါ တက္ကသိုလ်ကျောင်းသားက သူ၏ဆန္ဒကို ထုတ်ဖော်ပြောဆိုခဲ့သည်။
No comments:
Post a Comment