ပြီးခဲ့တဲ့ ၂၀၁၂ ခုနှစ် နိုဝင်ဘာလ မြန်မာနိုင်ငံကို လာရောက်လာပတ်ခဲ့တဲ့ နယူးဇီလန်ဝန်ကြီးချုပ် ဂျွန်ကီးရဲ့ ဖိတ်ကြားချက်အရ ဦးသိန်းစိန်က နယူးဇီလန်နိုင်ငံကို ခေတ္တသွားရောက် လည်ပတ်တာဖြစ်တယ်လို့လည်း သိရပါတယ်။
နယူးဇီလန်နိုင်ငံ ရဲ့ မူလ ဌာနေတိုင်းရင်းသားတွေဖြစ်တဲ့ မောင်ရီလူမျိုးတွေရဲ့ ရိုးရာအကနဲ့ ကြိုဆိုခဲ့ကြပြီးတဲ့နောက် သမ္မတဦးသိန်းစိန်က နယူးဇီလန်ရေတပ်သား အယောက် ၁၀၀ ရဲ့ စစ်ရေးပြမှုကိုလည်း ကြည့်ရှုစစ်ဆေးခဲ့ကြောင်း သိရပါတယ်။
သမ္မတဦးသိန်စိန်ဟာ သူ့ရဲ့ လေးရက်တာ နယူးဇီလန်နိုင်ငံ ခရီးစဉ်အတွင်းမှာ နယူးဇီလန် အစိုးရအရာရှိတွေနဲ့ တွေ့ဆုံမှာတင်မကပဲ နိုင်ငံရဲ့ အထင်ကရတက္ကသိုလ်ဖြစ်တဲ့ အော်ကလန်တက္ကသိုလ်ကိုသွားရောက်လည်ပတ်မှာဖြစ်သလို နွားနို့ထုတ်လုပ်ရေး မွေးမြူရေးခြံတစ်ခြံကိုလည်း သွားရောက်လည်ပတ်မှာဖြစ်တယ် လို့ နယူးဇီလန် မီဒီယာ သတင်းတွေမှာ ဖေါ်ပြထားပါတယ် ။
နယူးဇီလန်နိုင်ငံဟာ နို့ထွက်ပစ္စည်းဆိုင်ရာမှာ အရည်အသွေးမြင့်တဲ့ ထိပ်တန်းနိုင်ငံ တစ်နိုင်ငံ ဖြစ်တယ်လို့ နိုင်ငံတကာ အသိအမှတ်ပြုမှုခံ ရ တဲ့ နိုင်ငံဖြစ်ပါတယ်။
လာမယ့် မတ်လ ၁၇ ရက်နေ့ တနင်္ဂနွေနေ့မှာတော့ သမ္မတဦးသိန်းစိန်အနေနဲ့ နယူးဇီလန်နိုင်ငံက ထွက်ခွာမှာဖြစ်ပြီး သြစတြေးလျနိုင်ငံကို ရောက်ရှိမှာ ဖြစ်တယ်လို့လည်း သိရပါတယ်။
No comments:
Post a Comment