၂၀၁၀ ခုနှစ် နိုဝင်ဘာလ (၂၁)ရက်နေ့တွင် ကျရောက်သော တန်ဆောင်းမုန်း လပြည့်နေ့တွင် စစ်တွေ တက္ကသိုလ် ကျောင်းသားများ ဖွဲ့စည်းထားသော AUSSAR အသင်းမှ ဦးစီးပြီး ရခိုင် ခေတ် ၄ ခေတ် ရိုးရာ အ၀တ်အစားများကို ၀တ်ဆင်ပြီး သင်ပုန်းဆွမ်း ကပ်လှူပွဲကို စစ်တွေမြို့တွင် ကျင်းပမည်ဖြစ်ကြောင်း သတင်းရရှိသည်။အဆိုပါ သင်ပုန်းဆွမ်း ကပ်လှူပွဲကို ၂၀၁၀ ခုနှစ် နိုဝင်ဘာလ(၂၁)ရက် တနင်္ဂနွေနေ့ တဆောင်မုန်းလပြည့်နေ့ နံနက် ၆း၀၀ နာရီတွင် စစ်တွေမြို့ လောက မာရ်ဇိန်ပြည်လုံး ချမ်းသာဘုရားကြီးတွင် စည်ကား သိုက်မြိုက်စွာ ကျင်းပမည်ဟု တာဝန်ရှိသူများက ပြောသည်။
သင်ပုန်းဆွမ်း ကပ်လှူပွဲကို လောကမာရ်ဇိန် ပြည်လုံးချမ်းသာ ဘုရားကြီးမှာ ရခိုင် မင်္ဂလာ စည်တော်ကိုတီးပြိး ရခိုင်ရိုးရာ အစဉ်အလာ အတိုင်း ကျင်းပ ပြုလုပ် ဖြစ်ပါတယ်။ သင်ပုန်းဆွမ်း ကပ်လှူရာမှာလည်း ရခိုင် မင်္ဂလာစည်တော်က ရှေ့မှ ဦးဆောင်ပြီး နောက်မှ ကျောင်းသား ကျောင်းသူ အယောက် ၁၀၀ ကျော်ခန့်က ဓညဝတီခေတ်၊ ဝေသာလီ ခေတ်၊ လေးမြို့ ခေတ်၊ မြောက်ဦးခေတ် စတဲ့ ခေတ်(၄) ခေတ်ရဲ့ ရခိုင်ရိုးရာ ဝတ်စုံများကို ဝတ်ဆင်ပြီး မြို့ကိုပတ်၍ ရခိုင်ရိုးရာ ယဉ်ကျေးမှုကို ဖော်ထုတ် တင်ပြသွားမှာ ဖြစ်ပါတယ်” ဟု အသင်းဝင် ကျောင်းသား တဦးက နိရဉ္စရာ သို့ ပြောကြားခဲ့သည်။
အဆိုပါ သင်ပုန်းဆွမ်းကပ်လှူပွဲကို ရခိုင်ပြည်နယ် စစ်တွေမြို့ တက္ကသိုလ် ပေါင်းစုံမှ ဆရာ ဆရာမများ ကျောင်းသား ကျောင်းသူ များက ပျော်ပျော် ရွှင်ရွှင် စည်စည်ကားကား ကပ်လှူပူဇော်မည်ဟုလည်း ပြောကြားသည်။
သင်ပုန်းဆွမ်းကပ်လှူပွဲကို ကျင်းပရခြင်း ရည်ရွယ်ချက်ကို သူက ယခုလို ရှင်းပြသည်။
“ ဒီပွဲကို ကျွန်တော်တို့ (AUSSAR) အသင်းက ဦးစီးပြီးတော့ ကျင်းပ ပြုလုပ်သွားမှာ ဖြစ်ပါတယ်။ (AUSSAR) ဆိုတာကတော့ (Association of University Social and Stipen Affair Rakhine) တက္ကသိုလ် ပညာသင် ထောက်ပံ့ရေးနဲ့ သာရေး နာရေး အသင်း (ရခိုင်) ဖြစ်ပါတယ်။ ဒီအသင်းကို ရခိုင်ပြည်နယ် စစ်တွေမြို့မှာရှိတဲ့ တက္ကသိုလ်ပေါင်းစုံမှ ကျောင်းသား ကျောင်းသူ တွေနဲ့ ဖွဲ့စည်း ထားတာပါ။ ကျွန်တော်တို့ အသင်းကတော့ ကျောင်းသားတွေရဲ့ နာရေနဲ့ ပတ်သတ်လို့လည်း ကုညီ ထောက်ပံ့ပေးသလို သာရေးနဲ့ ပတ်သတ်လာရင်တော့ ကျွန်တော်တို့က ရခိုင်ရိုးရာ အစဉ်အလာ ကို ဖော်ထုတ်မူ ပြုလုပ်ပါတယ်။ ဒီသင်ပုန်းဆွမ်း ကပ်ရတဲ့ အဓိက အချက်လည်း ရခိုင်ရိုးရာကို ထိမ်းသိန်း စောင့်ရှောက်ရေးနဲ့ ဖော်ထုတ်ရေး အတွက် ဖြစ်ပါတယ်။”
No comments:
Post a Comment