KHONUMTHUNG NEWS
ခိုနူမ်းထုန်(ချင်းသတင်းဌါန)၏ မတ်လ ၂၄ ရက်နေ့ထုတ် “ ရခိုင် လက်နက်ကိုင်တစုက ခရစ်ယာန် ဓမ္မဆရာ တဦးအား ပြန်ပေးဆွဲ” ခေါင်းစဉ်ပါ သတင်းနှင့်ပါတ်သက်ပြီး ရခိုင်ပြည်လွတ်မြောက်ရေး ပါတီ (ALP)က ၄င်းတို့နှင့် ပတ်သက်ဆက်နွယ်မှုမရှိကြောင်း ငြင်းဆိုလိုက်သည်။
မတ်လ ၂၉ ရက်နေ့ကလည်း အဆိုပါကိစ္စနဲ့ ပတ်သက်ပြီး ALP မှထုတ်ပြန်ကြေညာချက်တရပ်ထုတ်ပြန်ခဲ့သည်။ ၄င်းတို့ ထုတ်ပြန်ကြေညာချက်တွင်ရခိုင်ပြည်လွတ်မြောက်ရေး ပါတီတွင် ထိုကဲ့သို့လုပ်ဆောင်ရန်ပေါ်လစီမရှိသကဲ့သို့ ညွန်ကြား ချက်လည်းမရှိကြောင်း၊ တကယ်၍ပါတီ၏စည်းကမ်း ချိုးဖောက်ပြီး ထိုကဲ့သို့လုပ်ဆောင်ခဲ့သူရှိပါက ထိုက်သင့်သလို အရေးယူ အပြစ်ပေးသွားမည်ဖြစ်ကြောင်းဖော်ပြထားသည်။
ထို့အပြင် ဒိုးချောင်းဝ ကျေးရွာ၊ အင်္ဂလိကန်အသင်းတော်မှ ဓမ္မဆရာဦးအောင်လောအားပြန်ပေးဆွဲမှုမှာ ရခိုင်ပြည်လွတ် မြောက်ရေးပါတီ နှင့်လုံးဝပတ်သက်မှုမရှိကြောင်း မိမိတို့ပါတီ နှင့်လုံးဝမသက်ဆိုင်ကြောင်းဖော်ပြထားသည်။
ALP တွဲဘက်အထွေထွေအတွင်းရေးမှူး(၁) ခိုင်ရန်နောင်စိုးက ” ကျနော်တို့ ALP အနေနှင့် ပြီးခဲ့တဲ့ ဖေဖေါ်ဝါရီလ ဒုတိယ အပတ်မှာ ဒိုးချောင်းဝကျေးရွာသားတစုံတဦးကိုမှ ပြန်ပေးဆွဲတာမျိုးမရှိဘူး၊ဓမ္မဆရာဦးအောင်လောဆိုတာလည်း ကျနော် တို့မသိဘူး၊ အဲဒီအချိန်အတွင်း အဲဒီဒိုးချောင်းဝရွာမှာ အဲလိုပြန်ပေးဆွဲမှုမျိူး လုံးဝ မဖြစ်ပျက်ခဲ့ဘူးဆိုတာ ကို အေအယ်လ်ပီ အနေနဲ့ရဲရဲဝံ့ဝံ့အပြည့်အ၀အာမခံနိုင်ပါတယ်”ဟုခိုနူမ်းထုန်ကိုပြောသည်။
ခိုနူမ်းထုန်သတင်းတွင် ယင်းသတင်းနှင့် ပါတ်သက်ပြီး အေအယ်လ်ပီကိုတိုက်ရိုက်စွပ်စွဲခြင်းမရှိပဲ အဆိုပါဒေသတွင် ရခိုင်ပြည်လွတ်မြောက်ရေးပါတီ အဓိက လှုပ်ရှားကြောင်း ဒေသခံများကပြောကြသည်ဟုသာရေးသားခဲ့ခြင်းဖြစ်သည်။
No comments:
Post a Comment