အိန္ဒိယနိုင်ငံအရှေ့မြောက်ဘက် မီဇိုရမ်ပြည်နယ် အိုင်ဇောလ်မြို့တွင်ကျင်းပပြုလုပ်သည့် မြန်မာ့ရိုးရာအတာသင်္ကြန်ပွဲတော် တွင် မြန်မာအမျိုးသား၁၀ ယောက်ကျော်ကို မီဇိုရမ်ရဲများကဖမ်းဆီးခဲ့သည်။မြန်မာ့ရိုးရာအတာသင်္ကြန်ပွဲကို မြန်မာလူမျိုးအများစုနေထိုင်ကြသည့်အိုင်ဇောလ်မြို့ ဇောင်သွေးရပ်ကွက်တွင် မြန်မာ့လူမှု ရေးအသင်းကဦးဆောင်ပြီးအဆို၊အကများဖြင့် ဧပြီလ ၁၅ ရက်နေ့က ကျင်းပခဲ့ကြစဉ် မီဇိုရမ်ရဲတွေကအချုပ်ကားဖြင့် ရောက်ရှိလာကာ မြန်မာအမျိုးသားယက္ကန်းသမား ၁၃ ယောက်ဖမ်းဆီးသွားခဲ့ခြင်းဖြစ်သည်။
ယခုကဲ့သို့ မီဇိုရမ်ရဲများက လာရောက်ဖမ်းဆီးရခြင်းမှာ ဒေသခံများထံမှလာရောက်တိုင်ကြားခြင်းကြောင့် အထက်အမိန့် အရဖမ်းဆီးခြင်းဖြစ်ကြောင်းရဲဝန်ထမ်းတဦးကပြောသည်။
အိုင်ဇောလ်မြို့တွင် မြန်မာ့ရိုးရာအတာသင်္ကြန်ပွဲကျင်းပပြုလုပ်နိုင်ရန်မြန်မာလူမှုရေးအသင်းက မီဇိုရမ်အာဏာပိုင်၏ခွင့်ပြု ချက်ဖြင့်ကျင်းပခဲ့ကြခြင်းဖြစ်သည်ဟုမြန်မာ့လူမှုရေးအသင်းခေါင်းဆောင်တဦးကပြောသည်။
“ဒီမှာရောက်လာတဲ့ မြန်မာလူမျိုးတွေ ပျော်ရွှင်နိုင်ကြဖို့ဆိုပြီးကျနော်တို့ကျင်းပပေးတာဖြစ်တယ်၊ မီဇိုရမ်အာဏာပိုင်တွေ ထံလည်းပွဲမိန့်တောင်းပြီး သူတို့ကလည်း ခွင့်ပြုတယ်လေ၊ လုံခြုံရေးအတွက်တောင်သူတို့ရဲဝန်ထမ်း ၃ ဦးစေလွတ်ပေး တယ်၊ ဒါပေမဲ့ ညနေပိုင်းလောက်ကျတော့ပြန်ဖမ်းတယ်ဆိုတော့ ကျနော်တို့နားမလည်နိုင်တော့ဘူး”ဟုသူကပြောသည်။
ဆက်လက်ပြီးသူက ” ကျနော်တို့ဝမ်းနည်းပါတယ်၊တနှစ်တခါကျင်းပတဲ့ရိုးရာပွဲတော်ကျင်းပတဲ့အခါမျိုးမှာတော့လူငယ်တွေ နည်းနည်း သောက်စားတာတော့ရှိတာပေါ့၊ဒါပေမဲ့ ပြသနာမလုပ်ကြဘူး၊ကိုယ့်ဟာနဲ့ကိုယ် သီချင်းဆိုတယ်၊ ကကြတယ် လေ၊ ဒါပေမဲ့ဒီလိုချိန်မျိုးမှာလာဖမ်းတယ်ဆိုတာမဖြစ်သင့်ဘူးလို့ထင်တယ်”ဟုပြောသည်။
အဖမ်းခံခဲ့ရသည့် ၁၃ ယောက်ကို BawngKawn ရဲစခန်းတွင် ချူပ်နှောင်ထားကြပြီးမြန်မာ့လူမှုရေးအသင်းခေါင်းဆောင် များ နှင့် ယက္ကန်းရုံပိုင်များတချိူ့ကပြန်လွှတ်ပေးရန်သွားရောက်တောင်းပန်ခဲ့ကြသော်လည်း တရားရုံးမှာသာဖြေရှင်းကြ
ရန် တာဝန်ကျရဲအရာရှိတဦးကပြောဆိုခဲ့သည်။
မြန်မာ့ရိုးရာ အတာသင်္ကြန်ပွဲတော်ကို နိုင်ငံတကာရောက် မြန်မာပြည်သူများနှစ်စဉ်နှစ်တိုင်းကျင်းပလေ့ရှိကြသည်။
No comments:
Post a Comment