မီဒီယာသမားများ ဆန္ဒပြမည်

ဧရာဝတီ

ပြန်ကြားရေးဝန်ကြီးဌာနက စာပေစိစစ်ရေးဌာနကို မဖျက်သိမ်းခြင်း၊ မီဒီယာဥပဒေကို မီဒီယာသမားများ၏ သဘောထားဆန္ဒမပါဘဲ ရေး ဆွဲ ခြင်းနှင့် အစိုးရ အမြုတေစာ နယ်ဇင်းကောင်စီဖွဲ့စည်းပြီး သတင်းလွတ်လပ်ခွင့်ကို ထိန်းချုပ်ရန် ကြိုးစားခြင်းအပါအ၀င် သတင်းလွတ် လပ်ခွင့် မရရှိမှုအပေါ် ပြည်တွင်းသတင်းသမားများက တရားဥပဒေနှင့်အညီ ဆန္ဒပြမည်ဖြစ်ကြောင်း သိရှိရသည်။

သမ္မတ ဦးသိန်းစိန် ဦးဆောင်သော အစိုးရသစ်တက်လာပြီး ဒီမိုကရေစီ ပြုပြင်ပြောင်းလဲရေးများ ဆက် တိုက် ပြုလုပ်လျက်ရှိသော်လည်း ပြန် ကြားရေးဝန်ကြီးဌာနက သတင်းလွတ်လပ်ခွင့်ကို ဖိနှိပ် ထိန်းချုပ်လျက်ရှိနေခြင်း၊ အစိုးရ၀န်ကြီးဌာနများက The Voice နှင့် လျှပ်တ ပြက်ဂျာ နယ်များကို တရားစွဲဆိုထားခြင်းများကြောင့် ပြည်တွင်းသတင်းသမားများ စုပေါင်းဖွဲ့စည်းထားသော သတင်းလွတ်လပ်ခွင့် ကော် မတီကသြ ဂုတ်လ ၁၆ ရက်နေ့တွင်အထူးအစည်းအဝေးတရပ် ကျင်းပပြီးအချက် ၆ ချက်ပါသောကြေညာချက်တစ်စောင်ထုတ်ပြန်ခဲ့ ကြောင်း၊ယင်းကြေ ညာချက်တွင် သြဂုတ်လ ၂၁ ရက်နေ့၌ သတင်းလွတ်လပ်ခွင့် ရရှိရေးအတွက် မြို့တော်ခန်းမရှေ့တွင် ပြည်တွင်းသ မားများ ဆန္ဒပြ နိုင်ရန် ဥ ပဒေနှင့်အညီ ကျောက်တံတားမြို့နယ်ရဲတပ်ဖွဲ့မှူးရုံးတွင်တရားဝင် လျှောက်ထား မည်ဖြစ်ကြောင်း သိရှိရသည်။

“အခုလက်ရှိအခြေအနေမှာတင်ပဲ အမြုတေ စာနယ်ဇင်းကောင်စီအသက်မ၀င်လို့စာပေစိစစ်ရေး မ ဖျက်ပါဘူးဆိုပြီးပြန်ကြားရေးကအကြောင်း ကြားတယ်။ ဒီမိုကရေစီစနစ် မှန်လို့ရှိရင် ဆင်ဆာဆိုတာ မရှိသင့်ဘူး။ ကျင့်ဝတ်နဲ့အညီ လုပ် ကိုင်သတင်းရေးသားနေတဲ့ မီဒီယာတွေကို အစိုး ရကိုယ်တိုင်တရားစွဲတာမျိုး မလုပ်သင့်ဘူး။ မီဒီယာဥပဒေကို သတင်းသမားတွေကို မပြောဘဲရေးဆွဲတာမျိုးတွေ။ အဲဒီလို သတင်းလွတ်လပ် ခွင့်ကို ထိပါးတဲ့အပြုအမူတွေကြောင့်သတင်းသမားတွေအနေနဲ့ ဥပဒေပါအခွင့် အရေးအတိုင်း ဆန္ဒပြခွင့် လျှောက်မှာပါ” ဟု သတင်းလွတ် လပ်ခွင့် ကော်မတီ၏ ပြန်ကြားရေးတာဝန်ခံ ဦးဇော်သက်ထွေးကေ ပြာသည်။

ဆန္ဒပြခွင့် လျှောက်ထားနေစဉ်အတွင်း သြဂုတ်လ ၂၃ ရက်နေ့ The Voice ဂျာနယ်ကို ဒဂုံမြို့နယ် တရားရုံးက စွဲချက်တင်၊ မတင်ဆုံး ဖြတ်အ ချိန်နှင့် သြဂုတ် ၂၄ ရက်နေ့ လျှပ်တပြက်ဂျာနယ်ကို ပုဇွန်တောင်မြို့နယ်တရားရုံးတွင်အမှုစစ်ဆေးမည့် အချိန်များတွင် သတင်း သမားများ အားလုံး ဦးထုတ်နှင့် အင်္ကျီများ ဆင်တူဝတ်ဆင် သတင်းယူကြမည်ဟု သိရှိရသည်။

“Press Freedom တံဆိပ်ပါတဲ့ အမည်းရောင် ဦးထုတ်တွေကို ဆင်တူဝတ်ဆင်ကြမယ်။ အဲဒီလို ဆင်တူဝတ်ဆင်ခြင်းဖြင့် ကျနော်တို့အားလုံး က စုစုစည်းစည်း ညီညီညွတ်ညွတ်နဲ့ တသွေးတသားတည်း ရှိနေတယ်ဆိုတာ ပြမှာပါ” ဟု ဦးဇော်သက်ထွေးက ဆိုသည်။

ယင်းနောက် သြဂုတ် ၂၄ ရက်နေ့ ညနေ ၃ နာရီတွင် လက်ရှိ မြန်မာနိုင်ငံတွင် သတင်းလွတ်လပ်ခွင့်မရရှိသေး သည့်အပေါ် အထူးသ တင်းစာ ရှင်းလင်းပွဲ ကျင်းပပြုလုပ်ရှိသည်ဟု သိရှိရသည်။

ယခု သတင်းသမားများ စုပေါင်းပြုလုပ်မည့် Press Freedom လှုပ်ရှားမှုသည် အဖွဲ့အစည်းတခုကို ကိုယ်စားပြုခြင်း မဟုတ်ဘဲ ပြည်တွင်း စာ နယ်ဇင်း လွတ်လပ်ခွင့်အတွက် စုပေါင်းလုပ်ဆောင်ခြင်းဖြစ်ကြောင်း သတင်းလွတ်လပ်ခွင့် ကော်မတီမှ လုပ်ငန်းဖြစ်မြောက်ရေး ကော် မတီဝင်တဦးက ဆိုသည်။

“အခုလုပ်မယ့် လှုပ်ရှားမှုအားလုံးက အားလုံးကို ကိုယ်စားပြုပါတယ်။ သတင်းလွတ်လပ်ခွင့်၊ စာ နယ်ဇင်းလွတ်လပ်ခွင့်ဆိုတာအားလုံးနဲ့သက် ဆိုင်တာမို့လို့ အားလုံးစုပေါင်းပြီးလုပ်ကြမှာပါ” ဟု အဆိုပါ ကော်မတီဝင်က ရှင်း ပြသည်။

အစိုးရစိတ်ကြိုက် ဖွဲ့စည်းထားသော အမြုတေ စာနယ်ဇင်းကောင်စီတွင် ပါဝင်သော သတင်းစာဆရာငါးဦး၏ ကန့်ကွက်မှုကြောင့် အမြု တေ စာနယ်ဇင်းကောင်စီ လုပ်ငန်းများကို ရပ်ဆိုင်းလိုက်ပြီး စာပေစိစစ်ရေး ဆက်လက်ထားရှိကျင့်သုံး မည်ဟု ပြန်ကြားရေးဝန်ကြီးဝန်ကြီး ဦး ကျော်ဆန်းက တရားဝင်ပြောဆိုထားပြီး ဖြစ်သည်။