သြဂုတ်လ ၂၀ရက်နေ့က ရဲတပ်ဖွဲ့အင်အား ၈၀မှ ကျူးကျော်မြေကွက်အတွင်း ၀င်ရောက်ပြီး ကိုဝင်းမြင့်ထွန်းကို ဖမ်းဆီးရာ ယင်းမြေ ကွက် တွင် နေထိုင်သော အမျိုးသမီးများက ပိတ်ဆို့ကာဆီးထားသည့်အတွက် လုံခြုံရေးများမှ နံပါတ်တုတ်များ၊ သေနတ်ဒင်များ၊ စစ်ဖိ နပ်များနှင့် ကန်ကြောက် ရိုက်နှက်မှုကြောင့် ပြင်းထန်သည့် ထိခိုက်ဒဏ်ရာရရှိသူ အမျိုးသမီး ၇ ဦး ဆေးရုံတက် ကုသခဲ့ရကြောင်း သိရ သည်။
ကျန်သူများ ဆေးရုံမှ ပြန်ဆင်းလာကြပြီဖြစ်သော်လည်း မခိုင်ဆိုသည့်အမျိုးသမီးမှာ ကိုယ်ဝန်လေးလလွယ်ထားရာမှ ပျက်ကျသွားပြီး ဗ ဟိုအ မျိုးသမီးဆေးရုံတွင် တက်ရောက် ဆေးကုသလျှက် ရှိသည်။
စီးနင်းမှုတွင် လုံခြုံရေး ရဲ အင်အား ၂၀၀ ခန့် အသုံးပြုခဲ့ပြီး ၁၀၀ ကျော် မှာ ခြံဝင်းအပြင်ဘက်တွင်လုံခြုံရေး ရပ်စောင့်နေပြီး ၈၀ ကျော်က ခြံဝင်းအတွင်းသို့ ၀င်ရောက်ခဲ့ခြင်းဖြစ်သည်။ အပြင်ဘက်တွင် လုံခြုံရေးယူထားသော ရဲများမှ မီဒီယာများကို ၀င်ရောက်ခွင့်မပြုခြင်း၊ ဓါတ်ပုံရိုက် ခွင့်မပြုခြင်းများဖြင့် တားမြစ်ခဲ့သည်။
‘‘ကျွန်တော့်ကို ရဲတွေက လက်ထိပ်ခတ်ပြီး သေနတ်ဒင်တွေနဲ့ ထုတယ်။ ပါးတွေလည်း ရိုက်တယ်။ လက်ရိုက်တုတ်တွေနဲ့လည်း ခေါင်းရိုက်လို့ ခေါင်းမှာဆို သွေးတွေအများကြီး။ ခြေဖိနပ်နဲ့ ကန်တာ နံဆိုကျိုးပြီလားအောင့်မေ့ရတယ်။ ခုထိ ကျွန်တော့်လက်တွေဆို လှုပ်လို့တောင်မရ သေးပါဘူး” ဟု ကျူးကျော်နေထိုင်သူ ကိုချစ်မိုးက ဧရာဝတီ ပြောသည်။
ကိုယ်ဝန် ၈ လရှိသည့် မဆေးကလည်း ဗိုက်ကို ဘွတ်ဖိနပ်နှင့် အကန်ခံခဲ့ရကြောင်းလည်း ပြောသည်။ ‘‘ကျွန်မက သမ္မတကြီးရေ ကယ်ပါအုံးလို့ အော်ပြီး ကိုဝင်းမြင့်ထွန်းကို အဖမ်းမခံရအောင် ရှိခိုးတောင်းပန်တာပါ။ အဲဒါကို သမ္မတကြီး အော်ရအောင် အဲဒါ နင့်အဖေမို့လို့လားဆိုပြီး ရဲ တစ်ယောက်က ခြေထောက်နဲ့ ကန်သွားတာပါ” ဟု ၄င်းက ပြော သည်။
ကိုဝင်းမြင့်ထွန်းက ကိုယ်တိုင် ရဲစခန်းတွင် လာရောက်အဖမ်းခံမည် ဖြစ်ပြီး မိမိရှေ့နေနှင့် တိုင်ပင်ရန်အတွက် ၅ရက်ခန့် နောက်ဆုတ်ပေး ပါ ရန်ယနေ့နံနက် ၈နာရီခွဲ သက်ဆိုင်ရာ ရဲစခန်းသို့ အသနားခံစာတင်ရာ ရဲစခန်းမှ လက်မခံဘဲ ချက်ခြင်း လာရောက်အဖမ်းခံရန် ပြော ရာယ ခုကိုဝင်းမြင့်ထွန်း သွားအဖမ်းခံလိုက်ပြီ ဖြစ်သည်။
ကိုဝင်းမြင့်ထွန်းမှာ ယခင်က မန္တလေးမြို့ပေါ်ရှိ ငွေဇင်ယော်ဖိနပ်လုပ်ငန်းတွင် မန်နေဂျာလုပ်ကိုင်ခဲ့ပြီး လက်ရှိ မြရည်နန္ဒာရပ်ကွက် ရ၀တ အဖွဲ့ဝင်တစ်ဦးလည်းဖြစ်ကြောင်း သိရသည်။
မန္တလေးမြို့ ပြည်ကြီးတံခွန်မြို့နယ် ၆၁လမ်းနှင့် ၆၂လမ်းကြား အင်းခရုရပ်ကွက်ရှိ လယ်မြေဧက ၁၅ဧကကို ဦးလဆန်အောင်ဝါ၏ ကေ အိုင် အေခွဲထွက်အဖွဲ့က လယ်သမားများထံမှ ၀ယ်ယူထားသော မြေကွက်များဖြစ်ပြီး ကိုဝင်းမြင့်ထွန်းဦးဆောင်သည့် လူနှစ်ထောင် ကျော်တို့က ၀င်ရောက်နေထိုင်ခဲ့ခြင်း ဖြစ်သည်။
ငြိမ်းချမ်းရေးအဖွဲ့၏ တိုင်တန်းချက်ကြောင့် ၀င်းမြင့်ထွန်းကို ကျူးကျော်ဝင်ရောက်နေထိုင်ပြီး တစ်လကျော်အကြာတွင် ၀င်ရောက်ဖမ်းဆီး ခဲ့ ခြင်း ဖြစ်သည်။
ယင်းကိစ္စနှင့် ပတ်သက်ပြီး ဦးလဆန်အောင်ဝါငြိမ်းချမ်းရေးအဖွဲ့မှ ဒုတိယဗိုလ်မှုးကြီး ညွန့်စိန်က ‘‘ ဒီကိစ္စက တော်တော်ရှည်မယ့် အနေထား မှာ ရှိနေတယ်။ ခု အသံတွေ ကြားတာက ခိုင်းတဲ့လူတွေက ခုလာပြီး ပြန်ဖမ်းသွားတယ်ဆိုတဲ့ အသံတွေ ထွက်လာနေပြီ။ ၀င်းမြင့်ထွန်းရဲ့ မိန်းမ ကိုယ်တိုင်က ဆေးရုံမှာ သူတို့ကို နောက်ကွယ်ကနေ ခိုင်းတဲ့လူက မန္တလေးမြို့တော် စည်ပင်သာယာ မြေစီမံခန့်ခွဲရေးဌာနမှုး ဦးတင်ထွဋ် ကျော်က ခိုင်းတာပါဆိုပြီး ထွက်ဆိုသွားပါတယ်” ဟု ပြောသည်။
‘‘စိတ်ထဲမကောင်းတာက ဒီလို ဌာနဆိုင်ရာတွေပါလာပြီဆိုတော့ သူတို့ကကျွန်တော်တို့ကိုမလို လားတာလား။ ကျွန်တော်တို့က မြေအောက် က အဖွဲ့စည်းဆိုတော့ တမင်ရည်ရွယ်ပြီးတော့ ဒီလို လုပ်ခိုင်းတာလားဆိုတာ တွေးပြီး ရင် ထဲမကောင်းဘူး။ သမ္မတကကျွန်တော်တို့ကိုလက် ကမ်းနေချိန်မှာ အောက်လူတွေက ဒီလို လုပ်တယ်ဆိုတာ စဉ်းစားစရာဖြစ်နေပြီ။ နောက်ပြီး သူ့အထက်မှာလည်း သူ့ထက်ကြီးတဲ့လူတွေ ပါ မယ်။ သူတို့က ဘာသဘောနဲ့ ဒီလို လုပ်ခိုင်းတာလဲ။ ငြိမ်းချမ်းရေးကို မုန်းလို့ ဒီလိုလုပ်ခိုင်းတာလား ဆိုပြီး ကျွန်တော်တို့ တွေးနေပါတယ်” ဟု ဒုတိယဗိုလ်မှုးကြီး ညွန့်စိန်က ပြောသေးသည်။
ထိုကိစ္စနှင့် ပတ်သက်ပြီး ကိုဝင်းမြင့်ထွန်းမှ ဖြစ်ရပ်မှန်နှင့် ၄င်းနောက်ကွယ်မှ ကြိုးကိုင်သူများကို ထွက်ဆိုသွားမည်ဖြစ်ကြောင်း ပြောဆို သည် ဟု သိရသည်။
No comments:
Post a Comment