အဆိုပါဆုတောင်းပွဲကို ဘိလပ်မြေစက်ရုံ တည်ဆောက်မည့် ပကျဲရွာဟောင်းတွင် ပြုလုပ်ကြခြင်းဖြစ်ပြီး အနီးနားတဝိုက်ရှိ ပကျဲရွာသစ်၊ နွားလဘိုးရွာ၊ ချိကယ်ရွာမှ တောင်သူများလည်း ပါဝင်ခဲ့ကြသည်။
“ဘိလပ်မြေစက်ရုံဆောက်ဖို့ဆိုပြီးတော့ ကျနော်တို့ လုပ်ကိုင်စားသောက်နေတဲ့ လယ်ယာမြေတွေ ကို သိမ်းဖို့ ပြည်နယ်အစိုးရအဖွဲ့ကနေ ကျနော်တို့ တောင်သူတွေကို ခေါ်ပြောထားတာရှိတယ်။ တိုင်းတာမှုတွေလည်းလုပ် ပြီးပြီ။ ကျနော် တို့မှာ ဒီမြေတွေပဲရှိတာပါ။ ဒါကြောင့်မို့ စက်ရုံဆောက်ဖို့ ပါသွားတဲ့ ရွာတွေက စုပြီးတော့ ဆုတောင်းပွဲလုပ်တာပါ”ဟု ပကျဲရွာ သစ်မှ တောင်သူဦးကြီးတဦးက ပြောသည်။
ထို့အပြင် မိုးလေဝသ ကောင်းမွန်စေရန်၊ သီးနှံကောင်းများ ထွက်ရှိရန်နှင့် မိမိတို့ဒေသအတွင်းအေးချမ်းသာယာဖွံ့ဖြိုးတိုးတက်ရေးတို့ကို လည်း တောင်သူဦးကြီးတို့က ဆုတောင်းခဲ့ကြကြောင်း ၎င်းက ဆက်ပြောသည်။
ကယားမြေသက်သေကော်မတီအဖွဲ့ ဥက္ကဌ ဦးညေးရယ်က “စက်ရုံဆောက်ဖို့ လျာထားတဲ့မြေတွေ ဧကထောင်ချီရှိတယ်။ အဲဒါကို သိမ်းဖို့ ပြည် နယ်အစိုးရကနေ တောင်သူတွေ ခေါ်ပြောထားပြီးပြီ။ ဒါပေမယ့် ဘယ်တော့ဆောက်မယ် လျော်ကြေးပေးမယ်ဆိုတာကိုတော့ ပြောမထားဘူး” ဟု ပြောသည်။
ဘိလပ်မြေစက်ရုံတည်ဆောက်မည့် ဒေသတဝိုက်တွင် လယ်ယာခြံမြေ ဧကပေါင်း ၂,၀၀၀ကျော် သိမ်းဆည်းရန်စီစဉ်ထားပြီး လက်ရှိတွင် တိုင်း တာမှုအဆင့်သာ ပြုလုပ်လျှက်ရှိသည်။ ထိုမြေသိမ်းဆည်းမှုကို ဒေသခံ တောင်သူဦးကြီးများမှ ပြီးခဲ့သည့် ဇွန်လကတည်းက ပြည် နယ်ဝန် ကြီး ချုပ်ထံ တင်ပြထားသော်လည်း ယနေ့အထိ တုန့်ပြန်မှု တစုံတရာ မရှိသေးကြောင်း ဦးညေးရယ်က ပြောသည်။
“ကျနော်တို့ ဒေသခံတွေက ဒီမြေကိုပဲ အားကိုးလုပ်ကိုင်နေကြတာလေ။ တကယ်လို့ အဲဒီမြေတွေ သာ အသိမ်းခံရမယ်ဆိုရင် ရှေ့ဆက် ဘာ လုပ်စရာမှမရှိတော့ဘူး။ စားရေးသောက်ရေး အခက်အခဲတွေ ကြုံရမှာ”ဟု ဦးညေး ရယ်က ကေအိုင်စီသို့ ပြောသည်။
စက်ရုံတည်ဆောက်မည့် မြေနေရာတွင် ဒေသခံတို့ တောင်ယာလုပ်ကိုင်နေကြပြီး စပါး အပါအ၀င် မြေပဲ၊ နှမ်း၊ ပြောင်းဖူး၊ ပဲစင်းငုံတို့ကို နွေ၊ မိုး၊ ဆောင်း ရာသီတိုင်း နှစ်စဉ် စိုက်ပျိုးလုပ်ကိုင်လာကြသည်။
No comments:
Post a Comment