ထိုင်းနိုင်ငံသို့ ဘုရားသုံးဆူလမ်းကြောင်းမှ ချင်းလူငယ်များ နေ့စဉ်ဝင်ရောက်မှုများပြား

လွတ်လပ်သောမွန်သတင်းအေဂျင်စီ

ထိုင်းနိုင်ငံ အတွင်းသို့ မြန်မာနိုင်ငံသားများ နေ့စဉ်ဝင်ရောက်လျှက်ရှိရာ ထိုင်း-မြန်မာနယ်စပ် ဘုရားသုံးဆူမြို့လမ်းပိုင်းမှ ယခုလပိုင်းတွင် ချင်းလူ ငယ်များ အုပ်စုအလိုက် ဝင်ရောက်မှု အများအပြားရှိနေသည်ကို တွေ့ရှိခဲ့သည်။

အထူးသဖြင့် အသက် ၂၀ ဝန်းကျင်လူငယ် ကျား/မအရွယ်များဖြစ်ကြပြီး ထိုင်း နိုင်ငံအတွင်းသို့ လူပို့ပွဲစားများအစီအစဉ်ဖြင့် တရားမဝင် လမ်းကြောင်းမှ ဝင် ရောက်နေကြသည်။

ထိုင်းနိုင်ငံသို့နေ့စဉ်ဝင်ရောက်သူများ တစ်ရာယောက်ဝန်းကျင်ခန့်ရှိရာတွင် ချင်းတိုင်းရင်းသား ၂၀ ဝန်းကျင်ခန့်ပါရှိနေကြောင်း စစ်ဆေး ရေး ဂိတ်တစ်ခု ၏မှတ်တမ်းအရ သိရသည်။

ဘုရားသုံးဆူမြို့နယ် ချောင်းဆုံလှေဆိပ် ဂိတ်မှူးတစ်ဦးက “လမ်းခရီးတွေမှာ မှတ်ပုံတင်စစ်တာ မေး မြန်းတာမရှိတော့ဘူး၊ အရင်ခေတ်လို မဟုတ် တော့ပဲ လွတ်လွတ်လပ်လပ်သွားလာလို့ရပြီ၊ ဒါကြောင့် ဒီလမ်းကြောင်းကို ရွေးလာကြတာပဲ လို့ထင်တယ်” ဟု ပြောသည်။

သို့ရာတွင် ခရီးသွားများ၏ အမည်စာရင်းများကိုလိပ်စာနှင့်တကွ ကျွန်းချောင်းရှိ KNU စစ်ဆေး ရေးဂိတ်တွင် မှတ်တမ်းပြုစုထားသည်ကို တွေ့ရှိ ရသည်။

မုဒုံ-ချောင်းနှစ်ခွ-ကြာအင်းဆိပ်ကြီး-ချောင်းဆုံ-ဘုရားသုံးဆူအထိ သာမန်အားဖြင့်နှစ်ရက်ခန့်ကြာမြင့်ပြီးလူပို့ပွဲစားအဆင့်ဆင့်တို့ကဝန် ဆောင် မှုများ ပြုလုပ်ပေးနေသည်။

“ဘုရားသုံးဆူမှာဆိုရင် မထက်၊ ရဲလေး၊ တရုပ်စတဲ့ လူပို့တဲ့ဂိုဏ်းတွေရှိတယ်၊ ချောင်းဆုံလှေဆိပ် ရောက်ရင် ကိုယ့်ပွဲစားနာမည်ကို ပြောလိုက် ယုံပဲ၊ သူတို့ကိုယ်စားလှယ်တွေအသင့် ကြိုစောင့်နေ တယ်လေ” ဟု ဇမိမြစ်တွင်း ပဲ့ချိပ်မောင်းနေသူတစ်ဦးက ပြောသည်။

ထိုသို့လူပို့ပွဲစားများရှိနေသော်လည်း အာဏာပိုင်များ ဖမ်းဆီးမိသည့်သတင်များ ဘုရားသုံးဆူ ဒေသတဝိုက် တွင် မကြားသိရသေးပေ။

“ကျမတို့အုပ်စုက ဘုရားသုံးဆူကနေ မလေးရှားဒုက္ခသည်စခန်းအထိဆက်သွားရမှာ၊ ဘယ် လောက်ကြာ မလဲမသိဘူးနော” ဟု ချင်းလူငယ် တစ်ဦးက လွတ်လပ်သောမွန်သတင်းအေဂျင်စီကို မေးမြန်းခဲ့သည်။

မလေးရှားနိုင်ငံတွင် ချင်းဒုက္ခသည်ကော်မတီ (Chin Refugee Committee-CRC) မှတဆင့် ဒုက္ခသည် အဖြစ် အသိအမှတ်ပြုခံခဲ့ရပြီး Refug ee Status Determination (RSD) ကဒ်များ ရရှိခဲ့သူ ချင်းတိုင်း ရင်းသား ထောင်နှင့်ချီပြီးရှိနေသည်။