ကျော်စွာဝင်း
ရန်ကုန်မြို့တော် စည်ပင်သာယာနယ်နိမိတ် ၃၁ မြို့နယ်အတွင်း ဆိုင်ကယ်မစီးရ သတ်မှတ်ထားသော်လည်း စက်တင်ဘာ ၁၉ ရက်မှ၂၅ရက်အတွင်းဆိုင်ကယ် ၇၅ စီး ဖမ်းဆီးမိထားသည်ဟု အမှတ် (၂) ယာဉ်ထိန်းရဲ တပ်ဖွဲ့ခွဲမှူးရုံးမှ ဒုရဲမှူးမျိုးအောင်မြင့်က ပြောသည်။
ဖမ်းဆီးရမိသည့် ဆိုင်ကယ် ၇၅ စီးတွင် လိုင်စင်ဖြင့်မောင်းနှင်သည့်ဆိုင်ကယ် ၇၁ စီး၊ လိုင်စင်မဲ့ ဆိုင်ကယ် ၄ စီး ပါဝင်သည်ဟု ဆိုသည်။
ပီးခဲ့သည့် စက်တင်ဘာ ၁၄ ရက်က မရမ်းကုန်းမြို့နယ်တွင် လူသုံးဦးစီးနင်းလာသည့် ဆိုင်ကယ်တစ်စီး အရှိန်လွန်ကာ တိမ်းမှောက်ခဲ့ပြီး ဆိုင်ကယ်ပါအမျိုးသ မီး တစ်ဦးသေဆုံးကာ နှစ်ဦး ဒါဏ်ရာရရှိခဲ့သည်။
ထို့ပြင် လှိုင်သာယာမြို့နယ်တွင် ဆိုင်ကယ်အစီးရေ နှစ်သောင်းခန့်ရှိပြီး ရန်ကုန်မြို့တွင်းရှိ ရပ်ကွက်အများစုတွင် ဆိုင်ကယ်စီးနင်းမှုများ ရှိနေသည်။
၂၀၀၀ ခုနှစ်အထိသာ ရန်ကုန်မြို့တွင်း ဆိုင်ကယ်စီးနင်းခွင့် ပေးခဲ့သော်လည်း ၂၀၁၃ ခုနှစ်အတွင်း ဆိုင်ကယ် မတော်တစ်ဆအမှုပေါင်း ၁၇၅ မှု ဖြစ်ပွားကာ ၃၃ ဦးသေဆုံးခဲ့သည်။
No comments:
Post a Comment