ဒေါ်အောင်ဆန်း စုကြည်လွတ်မြောက်မှု သတင်း

မဇ္ဈိမသတင်းဌာန | သောကြာနေ့၊ နိုဝင်ဘာလ ၁၂ ရက်

23:45
အခြေအနေ မထူးသေး ဦးလွင်ကတော်ဆုံး

“သိပ်တော့ မထူးသေးဘူး။ လူကတော့ တဖြေးဖြေး နည်းနည်းသွားတယ်။ သတင်းထောက် အနည်းအကျဉ်းလောက်ပဲ ကျန်တော့တယ်။ ကျနော်တို့တော့ ၁၂ နာရီ ကျော်တဲ့အထိ ထိုင်စောင့်မယ်။ ထူးတာက ဘဘဦးလွင် အမျိုးသမီး ဒေါ်တင်တင်မလေး ၉ နာရီ ခွဲလောက်က ဆုံးသွားပြီ။ ဘာရောဂါဆိုတာ မသိရသေးဘူး။ ဆုံးတယ်လို့ ဦးဟန်သာမြင့်က ဖုန်းဆက်ပြောတယ်” ဟု ဒေါ်အောင်ဆန်းစုကြည် အိမ်အနီးတွင် စောင့်နေဆဲ NLD လူငယ် တဦးက ပြောသည်။
---------------------------------------------------------------------------
23:30
ထောက်ခံသူများ စောင့်ကြို



------------------------------------------------------------------------------
23:15
အပြည့်အဝ ယုံကြည်တယ်

ဒေါ်အောင်ဆန်းစုကြည် လွတ်လာတော့မယ် ဆိုသည့် သတင်းနှင့် ပတ်သက်ပြီး မွန်ပြည်သစ်ပါတီ အထွေထွေ အတွင်းရေးမှူး နိုင်ဟံသာ၏ မှတ်ချက်

“သူလွတ်လာရင် မကြာခင်က ပြီးသွားတဲ့ ရွေးကောက်ပွဲအပေါ်မှာ အများက ထောက်ပြ ဝေဖန်နေသလို သူကလဲ ထောက်ပြ ဝေဖန်မှာပဲ။ နောက်ပြီးတော့ ကလေးမြို့ သဘောတူညီချက်နဲ့ ပင်လုံ ညီလာခံတစ်ခု လုပ်ဘို့ သဘောထားတွေ အပေါ်မှာလဲ ဒေါ်အောင်ဆန်းစုကြည် ထောက်ခံလိမ့်မယ်လို့ ကျနော် အပြည့်အဝ ယုံကြည်တယ်။ အရင်ကလဲ သူ့သဘောထားကို ပြောခဲ့ဘူးတာကိုး။ နောက်ပြီး မကြာခင်က ဖြစ်ပွားတဲ့ ဒီ မြဝတီတို့ ဘုရားသုံးဆူတို့ တိုက်ပွဲတွေနဲ့ ပတ်သက်ပြီး သူ့ဝေဖန်ချက် ထွက်လာမယ်လေ။ ကနေ့ နိုင်ငံရေး အခြေအနေပေါ်မှာ သူ့ရဲ့ဝေဖန်ထောက်ပြမှုတွေက အများကြီး ဂယက်ရိုက်မယ်၊ သူ့သုံးသပ်မှု အမြင်တွေ နောက်ကို လူထုက အများကြီးလိုက်ဖို့ ရှိတယ်။ အားလုံးကို ခြုံလိုက်ရင် ကောင်းတဲ့ဘက်ကို ဦးတည်နေမယ်လို့ ကျနော် ယုံကြည်တယ်။ ”
----------------------------------------------------------------------------
21:00
ဒေါ်စု မလွတ်သေး

အမျိုးသား ဒီမိုကရေစီအဖွဲ့ချုပ် ဒုဥက္ကဋ္ဌ ဦးတင်ဦးက “အခုအချိန်ထိ မလွတ်သေးပါဘူး။ ကျနော်လည်း အိမ်ပြန်ရောက်လို့ ထမင်းစားနေတုန်းပဲ ရှိသေးတယ်။ ကလေးတွေက ဒီနေ့လွတ်မှာပဲဆိုပြီးတော့ စောင့်နေကြတယ်။ ကျနော်တုန်းကလည်း ၉ နာရီ၊ ၁ဝ နာရီမှာ လွတ်တယ်ဆိုတော့ အဲဒီအချိန်မှာ လွတ်မလားဆိုပြီးတော့ ကလေးတွေ စောင့်ကြတယ်လို့ ထင်ရတာပဲလေ” လို့ ပြောပါတယ်။
----------------------------------------------------------------------------------------------
20:38
SSA (S) က ဝင်ကူဖို့ အသင့်ရှိ

ရှမ်းပြည်မြောက်ပိုင်း တပ်မတော် SSA-N နဲ့ နအဖ အကြား တိုက်ပွဲအခြေအနေ ဆိုးလာရင် ဝင်ကူဖို့ အသင့်ရှိတယ်လို့ ရှမ်းပြည် တပ်မတော် (တောင်ပိုင်း) SSA (S) က ပြောပါတယ်။ ရှမ်းပြည်နယ် မိုင်းရှူးနဲ့ မိုင်းနောင်မြို့နယ်ထဲက SSA-N တပ်မဟာ ၁ နဲ့ နအဖ စစ်တပ်တွေ မနေ့ ညနေတုန်းက တိုက်ပွဲဖြစ်ပြီးနောက် ပြောဆိုလိုက်တာပါ။

“အဲဒီနားတဝိုက်မှာ ကျနော်တို့ တပ်သားဖြန့်ထားတာ ရှိပါတယ်။ ကူဖို့လိုအပ်ရင် ချက်ချင်းကူဖို့ အမြဲတမ်း အသင့်ဖြစ်နေပါတယ်ခင်ဗျ” လို့ SSA (S) ပြောခွင့်ရ စိုင်းလောင်စိုင်းက မဇ္ဈိမကို ပြောပါတယ်။ “စစ်ရေးနည်းကို သုံးပြီး မပြေလည်သေးတဲ့ နိုင်ငံရေးပြဿနာတွေကို ဖြေရှင်းချင်တဲ့ သဘောရှိရင် ဒီ့ထက်မကတဲ့ တိုက်ပွဲတွေ ရှိလာနိုင်တယ်” လို့ ဆိုပါတယ်။

နယ်ခြားစောင့်တပ်ဖွဲ့ရေး ငြင်းဆန်တဲ့ SSA-N တပ်မဟာ ၁ ထိန်းချုပ်နယ်ထဲကို နအဖ က စစ်တပ်အင်အား တိုးချဲ့လာနေပါတယ်။

SSA-N ဟာ ကရင်အမျိုးသားအစည်းအရုံး KNU ၊ ကရင်နီ အမျိုးသားတိုးတက်ရေးပါတီ KNPP၊ ချင်းအမျိုးသား တပ်ဦး CNF၊ ကချင်လွတ်လပ်ရေးအဖွဲ့ KIO၊ မွန်ပြည်သစ်ပါတီ NMSP စသည့် တိုင်းရင်းသား လက်နက်ကိုင်တပ်ဖွဲ့တွေနဲ့ စစ်ရေးမဟာမိတ် လုပ်ထားပါတယ်။
---------------------------------------------------------------------------------------
20:35
ဒေါ်စုလွတ်မှ တင်းမာမှု လျော့နိုင်

ထိုင်းဝန်ကြီးချုပ် အဘီဆစ် ဝိချာချီဝ က ဒေါ်အောင်ဆန်းစုကြည် လွှတ်လာမှသာ မြန်မာနိုင်ငံအတွင်း တင်းမာမှုတွေ လျော့ကျသွားမယ်လို့ ယုံကြည်ကြောင်း ပြောဆိုခဲ့တယ်လို့ ထိုင်းသတင်းအေဂျင်စီ MCOT က ဒီနေ့ ဖော်ပြပါတယ်။

ဒါပေမဲ့ ဒေါ်အောင်ဆန်းစုကြည် လွတ်မလွတ်နဲ့ ပတ်သက်ပြီး မြန်မာအာဏာပိုင်တွေဘက်က သူ့ဆီကို တစုံတရာ အကြောင်းကြားခြင်း မရှိကြောင်းနဲ့ နိုင်ငံတကာ အသိုင်းအဝိုင်းကလည်း သူမ လွတ်လာမှာကို တွေ့မြင်လိုကြောင်း ထိုင်းဝန်ကြီးချုပ် ပြောဆိုချက်ကို MCOT က ကိုးကားရေးသားပါတယ်။
---------------------------------------------------------------------------------------------
19:10
ဒေါ်စုကို စောင့်ဆိုင်းနေသူများ လူစုခွဲ

ဒေါ်အောင်ဆန်းစုကြည် လွတ်လာလိမ့်မယ်ဆိုတဲ့ မျှော်လင့်ချက်နဲ့ အမျိုးသားဒီမိုကရေစီအဖွဲ့ချုပ် ရုံးချုပ်ရှေ့မှာ တနေကုန် စောင့်နေခဲ့တဲ့ လူငယ်တွေဟာ ညနေ ၆ နာရီခွဲလောက်မှာ လူစုခွဲလိုက်တယ်လို့ ပါတီဝင် လူငယ်တယောက်က မဇ္ဈိမကို ပြောပါတယ်။

မနက်ဖြန်မှာ လွတ်လိမ့်မယ်ဆိုတဲ့ မျှော်လင့်ချက်သစ်တွေ ပေါ်လာပြန်ပြီး၊ ကုက္ကိုင်းလမ်းဆုံအနီး စောင့်ဆိုင်းနေခဲ့တဲ့ ထောက်ခံသူတွေလည်း ပြန်သွားကြပြီလို့ မဇ္ဈိမသတင်းထောက်က ပြောပါတယ်။
---------------------------------------------------------------------------------------
18:07
ဒေါ်စု ဒီနေ့ ရုံးလာရောက်ဖွယ်မရှိဟု အန်အယ်ဒီပြော

“တကယ်လို့ လွတ်လာရင်လည်း အခုချိန်ကျမှ ရုံးကိုလာဖို့ မဖြစ်နိုင်တော့ဘူး။ မနက်ဖြန် မနက်ကျမှပဲ ရုံးလာဖို့ စီစဉ်မှာပါ။ မနက်ဖြန်ကျမှပဲ ပြန်လာဖို့ လာတဲ့သူတွေကို ပြောလိုက်ရတယ်။ အခု အခြေအနေထိတော့ မလွတ်လာသေးဘူးလို့ ပြောလို့ရမယ်” လို့ အမျိုးသားဒီမိုကရေစီအဖွဲ့ချုပ် NLD ပြောခွင့်ရ ဦးအုန်းကြိုင်က ပြောပါတယ်။
-------------------------------------------------------------------------------------------
16:25
တွစ်တာမှာ ဒေါ်စုအကြောင်း ပြောနေကြ

လွန်ခဲ့တဲ့ ၂ နာရီအတွင်း ကမ္ဘာတဝှန်း လူမှုဆက်သွယ်ရေး ကွန်ယက်တခုဖြစ်တဲ့ တွစ်တာ Twitter သုံးစွဲသူတွေကြား ဆွေးနွေးမှုအများဆုံး အကြောင်းအရာ ထိပ်ဆုံးတန်းဝင်စာရင်းမှာ ဒေါ်အောင်ဆန်းစုကြည်အမည် ပါဝင်ပါတယ်။ အများဆုံး ပြောကြတဲ့ အကြောင်းအရာ ၁ဝ မျိုးထဲမှာ အဆင့် ၄ လိုက်ပါတယ်။

ဒေါ်အောင်ဆန်းစုကြည်က တွစ်တာ အသုံးပြုချင်တယ်လို့ ပြောဆိုကြောင်း သူမရဲ့ ရှေ့နေ ဦးဥာဏ်ဝင်းက သတင်းဌာနများကို ပြီးခဲ့တဲ့ အောက်တိုဘာလ ၁၈ ရက်ေန့မှာ ပြောခဲ့ပါတယ်။
-----------------------------------------------------------------------------------------------
15:15
ဒေါ်စု ခြံဝင်းထဲ သံတမန်တွေ အဝင်အထွက်ရှိ

တက္ကသိုလ်ရိပ်သာလမ်းရှိ ဒေါ်အောင်ဆန်းစုကြည်ရဲ့ နေအိမ်ဝင်းထဲကို ရန်ကုန်အခြေစိုက် သံရုံးတချို့မှ သံတမန်တွေ ဝင်ထွက်သွားလာတာကို တွေ့ရတယ်လို့ အခြေအနေကို စောင့်ကြည့်နေတဲ့ မဇ္ဈိမ သတင်းထောက်တွေက ပြောပါတယ်။

ကုက္ကိုင်းလမ်းဆုံအနီးမှာလည်း သတင်းစာဆရာတွေ အပါအဝင် စောင့်ဆိုင်းသူ ၈ဝ လောက်ရှိတယ်လို့ သိရပါတယ်။
-------------------------------------------------------------------------------------------
15:01
အိန္ဒိယ မာ့က်(စ်) ဝါဒီများက ဒေါ်စုကို လွှတ်ဖို့ တောင်းဆို

မြန်မာ့ဒီမိုကရေစီ ဒေါ်အောင်ဆန်းစုကြည်နဲ့ နိုင်ငံရေးအကျဉ်းသားတွေကို ခြွင်းချက်မရှိ လွှတ်ပေးဖို့ အိန္ဒိယ ကွန်မြူနစ်ပါတီ (မာ့က်စ်) က စစ်အစိုးရကို တောင်းဆိုလိုက်ပါတယ်။

“ဒေါ်အောင်ဆန်းစုကြည် အပါအဝင် နိုင်ငံရေးအကျဉ်းသား အားလုံးကို ခြွင်းချက်မရှိ လွှတ်ပေးဖို့ ကျနော်တို့အနေနဲ့ ထပ်မံတောင်းဆိုပါတယ်။ မြန်မာနိုင်ငံသား အားလုံးနဲ့တကွ၊ သူတို့ကို ကိုယ်စားပြုမယ့် နိုင်ငံရေးပါတီတွေ ပူးပေါင်းပါဝင်ခွင့် ပေးမှသာ မြန်မာနိုင်ငံမှာ ဒီမိုကရေစီ ဖြစ်ထွန်းလိမ့်မယ်လို့ ကျနော်တို့ ယုံကြည်ပါတယ်” လို့ ကွန်မြူနစ်ပါတီ (မာ့က်စ်) ပါတီရဲ့ နိုင်ငံတကာ ဆက်ဆံရေး ဌာနမှူးနဲ့ ပေါ်လစ်ဗျူရိုအဖွဲ့ဝင် မစ္စတာ Sitaram Yechury က ပြောပါတယ်။
----------------------------------------------------------------------------------------
13:25
အဖွဲ့ချုပ်ရုံးမှာ ပြည့်ညပ်နေပြီ

ဒေါ်အောင်ဆန်းစုကြည်ကို ကြိုဆိုဖို့အတွက် ရန်ကုန်တိုင်း ဗဟန်းမြို့နယ် ရွှေဂုံတိုင်လမ်းမှာရှိတဲ့ အမျိုးသား ဒီမိုကရေစီ အဖွဲ့ချုပ် ရုံးရဲ့ အတွင်းအပြင်မှာ တိုင်းနဲ့ ပြည်နယ် အဖွဲ့ချုပ်ခေါင်းဆောင်တွေ၊ လူငယ်တွေ၊ ပရိသတ်တွေနဲ့ စည်ကားနေပါတယ်။

ဒီအကြောင်းကို အဖွဲ့ချုပ်ရုံးမှာ အခု ရှိနေတဲ့ သူတယောက် ပြောပြတာက ...

“ပြည်နယ်နဲ့တိုင်းက ခေါင်းဆောင်တွေ ရုံးရှေ့မှာ အကုန်နီးပါး ရောက်နေကြတယ်။ လူငယ်တွေလည်း တော်တော်များများ ရောက်နေကြတယ်။ ရုံးရှေ့မှာက ပရိသတ်က ၈ဝဝ - ၁ဝဝဝ လောက် ရောက်နေကြတယ်။ ရုံးထဲမှာလည်း ပြည့်ညပ်နေပြီ။ လူတွေတောင် နေစရာမရှိတော့ဘူး။ လူငယ်တွေက ဒေါ်အောင်ဆန်းစုကြည် ပုံတွေကို ပိုစတာလို ပုံစံမျိုးဖြစ်အောင် တုတ်တံလေးတွေနဲ့ ကြွေးကြော်လို့ရအောင် လုပ်ထားတယ်။ လူငယ်တွေက ဒေါ်အောင်ဆန်းစုကြည်နဲ့အတူ ရပ်တည်မယ်ဆိုတဲ့ အင်္ကျီတွေ ဝတ်ဆင်ထားတယ်။ ဆေးရုံတွေမှာ သွားပြီးတော့ ဒေါ်အောင်ဆန်းစုကြည် လွတ်မြောက်တဲ့ အထိမ်းအမှတ်နဲ့ သွေးလှူတဲ့ လူငယ်တွေလည်း ပြန်ရောက်နေကြပြီ။ အဲဒီ လူတွေနဲ့ ရုံးမှာ ပြည့်နေတယ်”
---------------------------------------------------------------------------------------
13:10
သား မောင်ထိန်လင်း ပြည်ဝင်ခွင့် ဗီဇာရဟု ဆို

“ဒေါ်အောင်ဆန်းစုကြည်ရဲ့ သား မောင်ထိန်လင်း ရန်ကုန် ရောက်နေတယ် ဆိုတာကို အတည်ပြုလို့ မရသေးပါဘူး။ မနေ့က ဦးဥာဏ်ဝင်း (ဒေါ်အောင်ဆန်းစုကြည်၏ ရှေ့နေ) ရဲ့ နောက်ဆုံး စကားကတော့ ဗီဇာတော့ ပေးလိုက်ပြီလို့ ပြောတယ်” လို့ အမျိုးသား ဒီမိုကရေစီ အဖွဲ့ချုပ် ပြောခွင့်ရပုဂ္ဂိုလ် ဦးအုန်းကြိုင်က ပြောပါတယ်။
--------------------------------------------------------------------------------------
13:00
ဒေါ်စုခြံရှေ့ လုံခြုံရေး တင်းကျပ်ဆဲ
အမျိုးသား ဒီမိုကရေစီအဖွဲ့ချုပ် ပြောခွင့်ရပုဂ္ဂိုလ် ဦးအုန်းကြိုင်က ...

“တချို့ကတော့ လွှတ်ပေးဖို့ဆိုပြီး လက်မှတ် ထိုးလိုက်ပြီးလို့လည်း ပြောတယ်။ အခုထက်ထိတော့ ဒေါ်စုက ခြံထဲကနေ ထွက်မလာသေးဘူး။ ခြံမှာလည်း လုံခြုံရေးတွေ တင်းကျပ်စွာ ချထားတယ်။ ကျနော်တို့ ရုံးရှေ့မှာ ပြည်နယ်နဲ့ တိုင်းအသီးသီးက ရောက်လာတဲ့ လူငယ်တွေ၊ ကြိုဆိုမယ့်သူတွေ၊ မြို့နယ် အသီးသီးက ကြိုဆိုမယ့်သူတွေ၊ ပြည်နယ်နဲ့ တိုင်းအသီးသီးက ခေါင်းဆောင်တွေ၊ လူငယ်တွေက ဒေါ်စု ဓာတ်ပုံတွေ၊ ပိုစတာ ဓာတ်ပုံတွေနဲ့ စောင့်နေကြတယ်။ ဒေါ်စု ခြံဘက်ကို သွားကြည့်တဲ့ သူတွေကတော့ ဘာမှ မထူးခြားသေးဘူးလို့ ပြောတယ်”
------------------------------------------------------------------------------------------------
12:40
ရုံးချုပ်ရှေ့မှာ ဒေါ်စုပုံတွေ ဝေဝေဆာဆာ

ဒေါ်အောင်ဆန်းစုကြည် ရုပ်ပုံပါတဲ့ တီရှပ် အင်္ကျီတွေ ဆင်တူဝတ်ထားတဲ့ အမျိုးသား ဒီမိုကရေစီ အဖွဲ့ချုပ် လူငယ် ၅ဝဝ လောက်ဟာ ဒေါ်အောင်ဆန်းစုကြည် ဓာတ်ပုံတွေ ကိုင်ပြီး၊ ရန်ကုန်တိုင်း ဗဟန်းမြို့နယ် ရွှေဂုံတိုင်လမ်းမှာရှိတဲ့ အဖွဲ့ချုပ် ရုံးချုပ်ရှေ့မှာ စောင့်ဆိုင်းနေတယ်လို့ မဇ္ဈိမ သတင်းထောက်တွေက သတင်းပေးပို့ပါတယ်။
------------------------------------------------------------------------------------
12:35
ဒေါ်စုအိမ်ရှေ့ ကန့်သတ်ထားဆဲ

ရန်ကုန်မြို့ တက္ကသိုလ်ရိပ်သာ လမ်းမှာရှိတဲ့ ဒေါ်အောင်ဆန်းစုကြည်ရဲ့ နေအိမ်ဘက် သွားရောက် ကြည့်ရှု့ခဲ့တဲ့ အမျိုးသား ဒီမိုကရေစီ အဖွဲ့ချုပ် လူငယ်တယောက် ပြောပြတာကတော့ ...

"ကျနော် ခုနက ခြံနားသွားကြည့်တော့ အရင်အတိုင်းပဲ။ အခုပဲ ကျနော်တို့ လူငယ်တဖွဲ့လေ။ လွတ်ပြီ ဆိုတဲ့အသံ ထွက်နေတယ်။ ကျနော်တို့ လူငယ်တွေ တံခါး မဖွင့်သေးဘူး။ ကန့်သတ်နယ်မြေ ဆိုပြီးတော့ အရင်အတိုင်းပဲ။ လွတ်မယ်၊ မလွတ်ဘူးဆိုတာ ကျနော် မသိဘူး။ ကျနော် ပြောတာက လူက အပြင် မထွက်သေးတော့ မသေချာသေးဘူးပေါ့ဗျာ”
---------------------------------------------------------------
12:30

ပါတီဝင်တွေက အမျိုးသား ဒီမိုကရေစီ အဖွဲ့ချုပ် ရုံးချုပ်မှာ စောင့်ဆိုင်းနေကြသလို၊ ဒေါ်အောင်ဆန်းစုကြည် ဒီကနေ့ လွတ်လာလိမ့်မယ် ဆိုတဲ့ မှော်လင့်ချက်တွေက ရန်ကုန် နိုင်ငံရေး အသိုင်းအဝိုင်းအကြား ပျံ့နှံ့နေပါတယ်။ ဖြစ်ထွန်းမှုနဲ့ ပတ်သက်ပြီး မဇ္ဈိမက အမြန်ဆုံး သတင်း ထုတ်ပြန်သွားမှာ ဖြစ်ပါတယ်။