သျှမ်းသံတော်ဆင့်
ကချင်ပြည် နယ် မိုးမောက်မြို့ နယ် ပရန် ကုတုံ ကျေးရွာ အုပ်စု ဖကွန်ရွာ အနီးတွင် ယမန် နေ့က KIA နှင့် အစိုးရ စစ်တပ်တို့ နှစ် ဘက် တိုက်ပျွဲား အပြင်း အထန် ဖြစ်ပွား ခဲ့ရာ ယမန်နေ့ ညနေ ပိုင်းတွင် တပ်မ ၈၈ လက်အောက် ခံ ခလရ ၈၃ က ဖကွန် ကျေးရွာကို မီးရိူ့ဖျက်ဆီးခဲ့ ကြောင်း သိရသည်။
ခရစ်ယာန် ဘုရား ရှစ်ခိုးကျောင်း အပါအဝင် နေအိမ် ၅ လုံးခန့် မီးလောင် ပျက်စီး သွားကြောင်း ရှေ့တန်းရောက် KIA စစ် ဘက်အသိုင်း အဝိုင်းကို ကိုးကား၍ လိုင်ဇာ ဒေသခံ တစ်ဦးက သျှမ်း သံတော်ဆင့် သို့ ပြောသည်။
“တိုက်ပွဲတွေက အဲဒီနေရာမှာ မနေ့ကအပြင်းအထန်ဖြစ်နေတာ ။ခလရ ၈၃ နဲ့ဖြစ်တာ။ ညနေပိုင်းမှာအဲဒီတပ်က ဖကွန်ရွာ ကို မီးရှို့လိုက်တယ်။ ဘုရားကျောင်းတစ်ကျောင်းနဲ့ အိမ် ၅ လုံးလောက် မီးလောင်သွားတယ် ” ဟု သူက ဆိုသည်။
နှစ်ဘက် အင်အား အလုံး အရင်းဖြင့် တိုက်ခိုက် ခဲ့သည့် အဆိုပါ တိုက်ပွဲ အတွင်း အစိုးရ စစ်တပ် ဘက်မှ ဓါတုလက် နက် များ အသုံးပြု ခဲ့ကြောင်း သူက ဆက်ပြောသည်။
“ကျနော်နဲ့ ဖုန်းပြော နေတဲ့ အချိန်မှာကို ဘေးနားမှာ ဓါတု လက်နက် တစ်လုံး လာကျတယ် ။ အသံက တခြား လက်နက်ကြီး သံနဲ့ မတူဘူး ဝုန်းကနဲ ပေါက်ကွဲ တာမျိုး မဟုတ်ဘူး။ ဖုတ်က နဲမြည်ပြီး အငွေ့ တွေက အနီ အဝါ အမဲ ထွက်လာ တယ်လို့ ပြောတယ် ။ ဒီမနက် လည်း လက်နက်ကြီး တွေနဲ့ လှမ်းလှမ်း ထုနေ တယ်လို့ ပြောတယ် ” ဟု ဆိုသည်။
၎င်းတိုက်ပွဲများအတွင်း နှစ်ဘက်စလုံးအထိအခိုက် ရှိသော်လည်း အစိုးရဘက်မှ အနည်းဆုံး ၃၀ ခန့် ထိခိုက် သေဆုံးမှုရှိ ကြောင်း သူက ဆိုသည်။
လတ်တလော မိုးမောက်မြို့ နယ်အတွင်း ဖြစ်ပွား နေသည့် တိုက်ပွဲ များတွင် အစိုးရ စစ်တပ် ဘက်မှ တပ်မ ၈၈ ၊ ၇၇ နှင့် ၃၃ လက်အောက် ခံ တပ်များ ပါဝင် တိုက်ခိုက် နေကြောင်း သိရသည်။
No comments:
Post a Comment