ကချင်ပြည် နယ် အရှေ့တောင်ပိုင်း ကချင် လွတ်မြောက်ရေး အဖွဲ့ (KIO) ၏ အရှေ့ပိုင်း တိုင်းဌာနချုပ် တရုတ် နယ်စပ် မိုင်ဂျာယန်မြို့ တွင် နိုဝင်ဘာ ၂၀ ရက် တနင်္ဂနွေနေ့မှ သနပ်ခါးရောင် မိုးရွာကျ နေသည့် အတွက် ဒေသ ခံများ စိုးရိမ် နေကြသည်။
“ငါတို့က ခုလိုဖြစ်တာကိုမမြင်ဖူးတော့ ထင်တာက မိုင်ဂျာယန်ကနေ မိုင် ၁၀ ကျော် ၂၀ လောက်မှာ ဗမာအစိုးရနဲ့ KIO ပစ်ခတ်ကြ တဲ့နေရာမှာ ဗမာက သုံးတဲ့ လက်နက်မှာ မီးခိုးမှိုင်း သုံးတယ် ဆိုပြီး ကြားတယ် ဆိုတော့ အဲကြောင့် လို့ထင်တာ။”
သူက ဆက်ပြီး “မိုင်ဂျာယန်ထဲ ရပ်ကွက် ၁ နဲ့ ရပ်ကွက် ၂ တောင်နဲ့ ပိုနီးတဲ့ ဘက်မှာ မနေ့က ၂ နာရီခွဲ လောက်ကနေ အပေါ်မှာ မိုးတိမ်တွေ မည်းနက် နေအောင် စုဖွဲ့ နေပြီးတော့ ဒီသနပ်ခါး အရောင် ထက်ပို ရင့်တဲ့ အ၀ါရောင် ပိုသန်းတဲ့ မိုးစက်တွေ ကျလာတယ်၊ မိုးရွာသလို ဖြိုင်ဖြိုင်ကြီး ကျလာတယ်။”
အရည် မဟုတ်ဘဲ ချွဲပျစ်သော ၎င်းမိုးစက်များမှာ စက္ကန့်ပိုင်းမှ နှစ်မိနစ်ကြာ ရွာချ တတ်ပြီး အကျယ် မီတာ ၃၀ (ပေ ၁၀၀) ၀န်းကျင် ရှိတတ်ပြီး နေရာ ကွက်ကျား ရွာချခြင်း ဖြစ်သည် ဟုလည်း မျက်မြင် များပြောသည်။
ထို့အပြင် ယမန်နေ့က ရွာချသည့်နေရာအပြင် နောက်ထပ် ၃ နေရာတွင်ပါ ရွာချသည်ဟု ဒေသခံတစ်ဦး ယခုကဲ့သို့ပြောပါသည်။
“ဒီကနေ့ ၂ နာရီမှာ တစ်ခါပြန်ရွာတယ်။ မိုင်ဂျာယန်လို့ပြောရမယ့်နေရာ ရပ်ကွက် ၅ ဘက်၊ ရပ်ကွက် ၁၊ ၂ ရော၊ ရပ်ကွက် ၃ ကော၊ ကျွန်တော်တို့သွားကြည့်တဲ့အခါမှာ ကျောင်း(IEP ကျောင်း) ရဲ့အနောက်ဘက်မှာ ပျားအုံရှိတယ်။ အဲဒီမိုးရွာပြီးနောက်ပိုင်း ပျားတွေအကုန်လွှင့်ပျောက်သွားတယ်။”
ယခုအခါ မိုင်ဂျာယန်တွေရောက်ရှိခိုလှုံနေကြသော စစ်ပြေးဒုက္ခသည်ကလေးများနှင့် အခြား နယ်ခံကလေးငယ်များ အများစု ချောင်းဆိုးနေကြခြင်းအတွက်လည်း စိုးရိမ်နေပူပန်နေရသည်ဟု အကူအညီပေးရေးလုပ်ငန်းများလုပ်ဆောင်နေသူ မြို့ခံတစ်ဦး ပြောဆိုသည်။
“တစ်ခုဖြစ်နေတာက အဲဒီကြောင့်လို့တော့ ပြောလို့မရသေးဘူး။ ဒီကလေးတွေ အများသောအားဖြင့် ကလေးတွေ အာခေါင်ခြောက် ချောင်းဆိုးနေကြတယ်။ အားလုံးလို့ပြောလို့ရတယ်။ ဒီရောက်နေတဲ့ကလေးတွေ။စစ်ပြေးဒုက္ခသည်ကလေးတွေ။ နယ်ခံကလေးတွေရောပဲ။ လူကြီးပိုင်းက တစ်ယောက် နှစ်ယောက်ပဲ များသောအားဖြင့် ကလေးတွေ။”
No comments:
Post a Comment