ကချင်ပြည်လွတ်လပ်ရေးတပ်မတော် KIAနှင့် မြန်မာစစ်တပ်တို့အကြား စစ်ဖြစ်နေသည့် သျှမ်းပြည် (မြောက် ပိုင်း) မူစယ် ခရိုင် တီးမား ကျေးရွာ အုပ်စုအတွင်းရှိ ဒေသခံရွာသားများကို ဒေသခံကျေးရွာ ပြည်သူ့စစ်အဖွဲ့ ဝင်များက ကင်းသမားအဖြစ် စေခိုင်းနေကြောင်း သိရ သည်။
ရပ်ရွာလုံခြုံရေးအတွက်ဟု ဆိုကာ တီးမားကျေးရွာ အုပ်စု မှ တီးမား ၊ ကုန်းဆာ ၊ မန်ဟိုင်းနှင့် မန်စန့်ရွာသား များအား ညစဉ် ကင်းစောင့် ခိုင်းကြောင်း ဒေသခံတစ်ဦးက သျှမ်းသံတော်ဆင့်သို့ ပြောသည်။
“ရွာသားတွေကို နမ့်တီးချောင်းနားမှာ လူအယောက် ၂၀ စာလောက် ဆန့်တဲ့တဲ တစ်လုံး ထိုးခိုင်းတယ် အဲဒီမှာ စုအိပ်ပြီး အလှည့်ကျပေါ့ သူတို့ပြည်သူ့စစ်တွေနဲ့အတူ ညတိုင်းကင်းစောင့်နေရတယ် ” ဟု သူကဆိုသည်။
ထို့အပြင် ၎င်းကျေးရွာသားများပိုင်ထော်လာဂျီများ မြန်မာစစ်တပ်အတွက် နေ့စဉ် ချောထည့်ပေးနေရပြီး လုံထန်၊ ရှောက်ဟော်နှင့် တက်နိုင်း ကျေးရွာများသို့ ရိက္ခာနှင့် လိုအပ်သည့် ပစ္စည်းများကို ပို့ဆောင်ပေးရကြောင်း သိရသည်။
No comments:
Post a Comment