Thursday, May 24, 2012

မယ်ဟောင်ဆောင် နယ်စပ်ဘက် လက်နက်ကိုင် တပ်ဖွဲ့များ စစ်ရေး တင်းမာ ရပ်ရွာ လူထု ရှောင်တိမ်း နေရ

သျှမ်းသံတော်ဆင့်

သျှမ်းပြည်အရှေ့တောင်ပိုင်း ဟိုမိန်းမြို့နှင့်မယ်ဟောင်ဆောင်မြို့ကြား လက်နက်ကိုင်တပ်ဖွဲ့များ စစ်ရေးတင်းမာနေသောကြောင့် ဒေသခံ ရပ်ရွာလူထု တိမ်းရှောင်နေရကြာင်း နယ်စပ်ရောက် ဒေသခံ များက ပြောသည်။

“အခုလ ၂၀ ရက်နေ့ကနေစပြီး ဖြစ်လာတာ။ ထိုင်းတပ်ဘက်ကလည်း အင်အားဖြည့်နေတယ်။ မေလ ၁၀ ရက်နေ့ ဗမာတပ်နဲ့ သျှမ်းတပ်တို့ တိုက်ပွဲဖြစ် ပွားတဲ့ နောက်ပိုင်း ဆက်ဖြစ် တဲ့ကိစ္စပါ။ ဒေသတွင်းလှုပ်ရှားတဲ့ ဟိုမိန်းပြည်သူ့စစ် တပ်ဖွဲ့ နဲ့ ဗမာတပ်က တစ်ဘက်၊ သျှမ်းတပ် ကတဘက် အင်အားဖြည့်ပြီး ချိန်နေကြတာ။ လူထုလဲထွက်ပြေးတယ်။ ထိုင်းဘက်ကလည်း သူ့နိုင်ငံလုံခြုံရေး ထိပါးလာမှာစိုးလို့ စစ်အင် အားရာနဲ့ချီ နယ်စပ်တလွှားမှာဖြည့်ထားတယ်” - ဟု ထိုင်းနယ်စပ်နေ မယ်ဟောင်ဆောင် သျှမ်းအမျိုး သားတဦးကပြောပါသည်။

မေ ၂၀ ရက်နေ့က SSS ခေါင်းဆောင် မဟာကြာ၏သား ခွန်နုဦးဆောင်သည့် ဟိုမိန်းပြည်သူ့စစ်တပ်ဖွဲ့ အင်အား ၅၀ နှင့် အစိုးတပ် ခလရ ၂၈၆ အင်အား ၁၅၀ ကျော်တို့က သျှမ်းတပ်စခန်းရှိရာဘက်သို့ အင်အားဖြည့်နေကြောင်း၊ မေ ရ ရက်နေ့က ဟိုမိန်းပြည်သူ့ စစ်၏ ပြန် ကြား ရေး တာဝန်ခံ စိုင်းလူအား သျှမ်းပြည်တပ်မတော်ကဖမ်းဆီးသွားသောကြောင့် ယခုကဲ့သို့ အင်အားဖြည့်ရ ခြင်းဖြစ် ကြောင်း၊ သျှမ်းပြည် တပ်မတော်ဘက်မှလည်း ခုခံတိုက်ခိုက်ရန် စစ်ရေးအသင့်ဖြစ် နေကြောင်း၊ နယ်စပ်လုံခြုံရေး ထိပါးလာမည် ကို စိုးရိမ်သည့် ထိုင်းဘုရင့် တပ်မတော်ကလည်း အင်အားရာဂဏန်းဖြင့် နယ်စပ် တ လွှားလုံခြုံရေးချထားကြောင်း - ထိုင်း လုံခြုံရေး အရာရှိ တဦးက ပြောပါ သည်။

ဟိုမိန်းဘက်အခြေစိုက်သျှမ်းပြည်တပ်မတော် အရာရှိတဦးက “ကျနော်တို့နဲ့ ဟိုမိန်း မဟာကြာ နဲ့ သားခွန်နု တို့အဖွဲ့ နဲ့က ဘာမှ မဖြစ်ပါ ဘူး။ နှဂို ကတည်းက ဝင်ထွက် သွားလာ ပါတယ်။ဒါပေမယ့်သူတို့ရဲ့ ပြန်ကြားရေး တာဝန်ခံ စိုင်းလူက ကျနော်တို့ရဲ့ စစ်ရေး ဆိုင်ရာလျှို့ဝှက်ချက် တွေကို ယူပြီး မြန်မာတပ်ထံ အသေးစိတ်ပေးပို့တယ်၊ ဒါကြောင့် အဲဒီ စိုင်းလူကို ကျနော်တို့က ခဏ တဖြုတ် ခေါ်ယူ ထိန်းသိမ်း ထားပါ တယ်။ သေနတ် နှစ်လက်၊ စကားပြောစက် နှစ်လုံးဖြုတ်သိမ်းထားတယ်။ လောင့်မအိုးဒေသက အရင်တုန်း က ဆို ကျနော်တို့နဲ့ ပြည်သူ့စစ်တပ်ဖွဲ့ဘဲရှိတယ်လေ။ အစိုးတပ်က ဆုတ်ပေးရင်တော့ ကျနော်တို့ သူ့ကိုကောင်းကောင်း ပြန်လွှတ် ပေးမှာပါ” - ဟု ပြောပါ သည်။

သီးခြားအတည်မပြုနိုင်သေးသည့် သတင်းအရ လောင့်မအိုးဒေသခံ ၁၅၀၀ ကျော် ထိုင်းနိုင်ငံ မယ်ဟောင့်ဆောင်ခရိုင် ပန်မတ်ဖါ့မြို့ ဘန့်ပန်ခေါင်း မျက်နှာချင်းဆိုင် ၀မ့်နောင်လိုင် (ဟိုမိန်းဘက်ခြမ်း) တို့ စစ်ဘေးစစ်ဒဏ်မှ ရှောင်တိမ်း ရောက်ရှိနေကြကြောင်း ပြောပါသည်။

ကျနော်တို့ ၁၀ ရက်နေ့ ရင်ဆိုင်တိုက်ပွဲဖြစ်ပွါးတဲ့နောက်ပိုင်း အစိုးရတပ်ရုပ်မပေးဘူး။ ပြည်သူ့စစ်နဲ့အတူ ကျနော်တို့တပ်နဲ့ မျက်နှာ ချင်းဆိုင် မှာနေပါတယ်။ တက်တိုက်တာလဲမရှိဘူး။ တပ်ဆုတ်တာ လဲမရှိ ဘူး။ တခြား ကိစ္စ ရပ်တွေ တော့ မရှိ ပါဘူး - ဟု RCSS/SSA ပြောခွင့်ရ ဗိုလ်မှူးလောဝ်ဆိုင် ကပြောသည်။

သျှမ်းပြည်တပ်မတော်အား ဌာနချုပ်ထားရှိရန် သံလွင်အရှေ့ခြမ်းဟိုမိန်းမြို့နယ်ခွဲ့နှင့် မုန်းထားမြို့နယ်ခွဲအား နေပြည်တော်အစိုးရ က သ ဘောတူထား၏။ လက်တွေ့အခြေချနေထိုင်ရန် လာမည့်လအတွင်း ကွင်းဆင်းမှု ပြန်လည်စတင် မည်ဟုလည်း သျှမ်းပြည် တပ်မ တော် ပြောခွင့်ရ ဗိုလ်မှူး လောဝ်ဆိုင်က ပြောပါ သည်။ ကျိုင်းတုံမြို့ သဘောတူ ညီရပြီး သတင်းစာ ရှင်းလင်း ပွဲလုပ်သည့် အချိန် တွင် အစိုးရ ကိုယ်စားလှယ် ဦးအောင်မင်းက “တိုက်ပွဲမရှိစေတော့ပါဘူး” - ဟု သတင်းထောက်များအား ရှင်းလင်းပါသည်။

No comments: