ရွှေ့ပြောင်းပညာရေးမှ မြန်မာကလေးများ ထိုင်းတက္ကသိုလ်သို့ တက်ခွင့်ရမည်လော?

နော်ဆွိ

တရားမ၀င် အလုပ်လုပ်ရာက တရားဝင် ဖြစ်လာပြီးနောက် မိမိတို့၏ ကလေးများ၏ ပညာရေးကိုပါ တာဝန်ယူ ကြိုးစားလာရသည်ဟု ထိုင်းနိုင်ငံ မဲဆောက် မြို့ရောက်ရွှေ့ ပြောင်း အလုပ်သမား များကဆိုပါသည်။
 
“ ကိုယ့်နိုင်ငံမှာ ပြန်ထားဖို့ကလည်း ထွက်လာ ကတည်းကိုက အခြေအနေမဲ့လေ။ အခုလည်းဘဲ ပြေလည်သေးတာ မဟုတ်သေးပါဘူး။ ဒါပေမယ့် ကလေးတွေက ကြီးလာနေပြီး၊ သူတို့ ပညာရေးအတွက် ကျနော်တို့တတွေ အခက်အခဲ ကြားက ထားခဲ့ရတယ်လေ။ ပြီးတော့ ကိုယ့်သားသမီးကိုလည်း ပညာတတ် စေချင်တဲ့ သဘောဖြစ်လာတော့ လမ်းစရှာရာကနေ ဆရာတွေနဲ့ တိုင်ပင်ပြီး တက္ကသိုလ် တက်ခွင့် ရအောင် ကြိုးစားလာကြတာပါ” ဟုဆိုပါသည်။

ထိုင်းနိုင်ငံ၊ တာ့ခရိုင်မှမဲဆောက် ဒေသရောက် မြန်မာရွှေ့ပြောင်း အလုပ်သမားများ၏ ကိုယ်ထူ ကိုယ်ထ ကျောင်းသားလေးများသည် NGO ကျေးဇူးဖြင့် အကူအညီ ရလာသော စာသင်ကျောင်းများမှ ထိုင်းတက္ကသိုလ်သို့ တက်ရောက်ခွင့် ရရန် အားကြိုးမာန်တက် ကြိုးစားနေကြပါသည်။ ထိုင်းနိုင်ငံ မဲဆောက် ဧရိယာသည် စုစုပေါင်း မြန်မာရွှေ့ပြောင်း ကလေးပေါင်း (၁၅၀၀၀) ခန့် ရှိနေသည်ဟု ရွှေ့ပြောင်း ပညာရေးကို ဦးဆောင် သင်ကြားပေးနေသော ပညာရေး ကော်မီတီများက ဆိုပါသည်။

ထိုကိုယ်ထူကိုယ်ထ ကျောင်းဘ၀မှ ထိုင်းတက္ကသိုလ် တက်ခွင့် ရရန် ဘယ်လို အခက်အခဲ မျိုးကို ကျော်ဖြတ်နေကြရပါသလဲ။ ရွှေ့ပြောင်း ပညာရေးသည် ထိုင်းတက္ကသိုလ် ပညာရေးကို တက်ရောက်နိုင်ရန် မည်သို့သော လိုအပ်ချက်မျိုး ရှိနေပါသနည်း။ ဤအခြေအနေနှင့် ပါတ်သက်ပြီး၊ မဲဆောက်မြို့ရှိ ရွှေ့ပြောင်း ကလေးများ ပညာရေးကို တစိုက်မတ်မတ် ကြိုးစား သင်ကြား လာခဲ့သည့် (Central Development Centre) ကျောင်းအုပ်ကြီး၊ ဆရာမန်းရွှေနှင်းအား မေးမြန်း ခဲ့ပါသည်။

မေး။ ။ရွှေ့ပြောင်း ကျောင်းသားလေးတွေကို ဘယ်ထိုင်း တက္ကသိုလ်က လက်ခံမယ် ထင်ပါသလဲဆရာ။

“ လောလောဆယ် ညှိနှိုင်းထားတာက ထိုင်းနိုင်ငံ ဇင်းမယ်မြို့မှာ ရှိတဲ့ Lanna တက္ကသိုလ်နဲ့ ချိတ်ဆက် ထားပါတယ်။ တက္ကသိုလ် ဖက်ကတော့ အခြေအနေအရ ဒီနှစ်မှာ မဖြစ်နုိုင်သေးပါဘူး။ တက္ကသိုလ် တန်းဝင်နိုင်တဲ့ သင်ရိုးညွှန်းတမ်း တွေ ညှိရတယ်။ ကျောင်းတက်နိုင်ဖို့ အတွက် entrance ကိစ္စတွေ ထပ်ညှိရဦးမယ်။ entrance ဝင်ခွင့်တွေ ဘယ်လို စီစဉ် မလဲ ဆိုတာတွေ ပြင်ဆင် ရဦးမယ် ဆိုတော့ ဒီနှစ်ကတော့ လုံး၀၀င်ခွင့်မရသေးပါဘူး။”

မေး။ ။ ဒါဆိုရင် ဒီနှစ် အထက်တန်း အောင်မြင်သွားတဲ့ ကျောင်းသားလေးတွေ ဘာဆက်လုပ်ရမလဲ။

“ လက်ရှိ ဆယ့်နှစ်တန်း အောင်သွားတဲ့ ကလေးတွေကို တစ်ခြားနေရာက (GED program) တို့လို အစီစဉ်တွေကိုဘဲ ချိတ်ဖို့ပဲ ရှိတော့တယ်။ Lannaတို့ Payap တက္ကသိုလ်ကို တန်းသွားနိုင်တဲ့ အနေအထားတော့ မရှိသေးဘူး။ အခုကျမှဘဲ လိုအပ်တာတွေ ညှိနှိုင်းနေဆဲ မဟုတ်ပါလား။ ပြီးတော့ အသက်မွေး ဝမ်းကြောင်းနဲ့ ပက်သက်ပြီးတော့ youth connect ရဲ့ အစီအစဉ်နဲ့ ပုံမှန်ဘဲ တနှစ်ကို အနည်းဆုံး ၃၀၊ ၃၅ ဦးလောက်နဲ့ ၉ လ သင်တန်းတွေ၊ (စာတွေ့က ၃ လ) လက်တွေ့က ၃ လ လုပ်ငန်းခွင် အတွေ့အကြုံက၃ လ အားလုံးပေါင်း ၉ လသင်တန်းဘဲ ရှိသေးတယ်။ ၉ လပြီးရင် တော့ ကလေးတွေက သူ့နေရာနဲ့သူ အသက်မွေး ဝမ်းကြောင်းကတော့ ပြေလည်သွားတာပဲ။”

Youth connect ကျောင်းဆိုသည်မှာထိုင်းနှင့် ၊ အင်္ဂလိပ် ပူးပေါင်း ဖွဲ့စည်းထားသည့် ဖောင်ဒေးရှင်း တခုဖြစ်ပါသည်။ ဤကျောင်းမျိုးကို မြန်မာ ဘက်မှ ဖြစ်လာရန် ဒေါက်တာ သိန်းလွင်က ကြိုးပမ်း အားထုတ်နေပါသည်။ ၄င်း၏NER education ပညာရေးပြုပြင်ပြောင်းလဲမှု ပေါ်လစီအရ နောင် လာ မည့်ကာလ တစ်ခုတွင် ဖြစ်လာရန် ရှိနေပါသည်။ သို့သော် ချက်ချင်းဖြစ်လာရန် မရှိသေးဟု ဆိုပါသည်။

မေး။ ။ဒါကတော့ တက္ကသိုလ် မတက်နိုင်သေးတဲ့ အခြေအနေမှာ လောလောဆယ် သင်နေရတဲ့ အပိုင်းပေါ့နော်။ ဒီ တော့ တက္ကသိုလ် တက်ခွင့်ရအောင်နဲ့ လိုအပ်တဲ့အစီစဉ်တွေ ရနိုင်အောင် လမ်းနားယူနီဗာစတီနဲ့ ဘယ်တော့ ညှိနိုင် ကြဖို့ရှိမှာလဲ။

“ ညှိနိုင်းတာကတော့ ၁ နှစ်လောက်ရှိနေပါပြီး။ နောက်တစ်ခါ ထပ်ညှိဖို့ ရှိနေသေးတယ်။ခန့်မှန်းချေ နောက်လထဲမှာ ပေါ့။ ညှိကြတဲ့ အထဲမှာ ကလေးတွေဝင်ခွင့် ဖြေဆိုရမယ့် ကိစ္စ၊ နောက်တစ်ခုက English program နဲ့သွားလို့ရနိုင်တဲ့ အနေအထား မျိုးတွေကို ကျနော်တို့က တင်ပြခဲ့တယ်။ ဒါပေမဲ့ တကယ် အစပျိုးတဲ့အခါ English program နဲ့ မရနိုင်ဘူး။ ထိုင်း program နဲ့ သွားရမယ့် အနေအထားမျိုး ဖြစ်နေတယ်။ဒါကြောင့် ကျနော်တို့ ကလေးတွေကို ထိုင်းစာ သင်ပေး ရမယ့် အနေအထား ဖြစ်သွားတယ်။ ပြီးတော့ထိုင်းပညာရေး စနစ်အရ အထက်တန်းကို ဆယ့်နှစ်တန်းအထိ သတ်မှတ် ထားတဲ့ အတွက် တက္ကသိုလ် တက်ဖို့ ဆယ့်နှစ်တန်းနဲ့ ညီတဲ့ အောင်လက်မှတ် ရဖို့လည်း လိုပါတယ်။ ဒီကိစ္စလည်း တက္ကသိုလ်ဖက် ပြောတာကတော့ ကော်စနော (ကျောင်းချိန်ပြင်ပ သက်ကြီး ပညာ သင်ကြားရေးစနစ်) ပညာရေးတွေနဲ့ထပ်ညှိဖို့ ရှိသေးတယ်လို့ ဆိုသွားပါတယ်။

မေး။ ။ ဒါဆို ဒီအချိန်ကစပြီး လက်ရှိ ဆရာတို့ ကျောင်းမှာ ထိုင်းစာ သင်ကြားရတော့မှာပေါ့နော်။

“ ထိုင်းစာက အငယ်တန်းကနေ အကြီးတန်းအထိ ရှိတယ်။ ဒါပေမဲ့ ထိုင်း language တစ်ခုပေါ်မှာပဲ အခြေခံပြီးတော့ သင်တယ်။ ဘာသာရပ် အားလုံး သင်တယ်ဆိုတော့ ထိုင်းစာကို အခြေခံ ထားတာ မဟုတ်တဲ့ အတွက်ညှိဖို့ကျတော့ ခက်ခဲတယ်။ ပြီးတော့ တရားဝင်ကျောင်း မဟုတ်တဲ့အတွက် အသိအမှတ်ပြု ပူးပေါင်းဆောင်ရွက်မှု အဆင့်လောက်ပဲ ရှိတယ်။ ကျောင်းမှတ်ပုံတင် ဆိုင်ရာနည်းနည်းပဲ အကျိုးရှိတယ် ဆိုတော့ ကလေးရဲ့ တရားဝင် အောင်လက်မှတ် မရှိဘူး။ တရားဝင် အောင်လက်မှတ် တစ်ခု ထွက်ဖို့ဆိုရင် ကော်စနော်နဲ့ ပြောပြီး ထုတ်မှရတယ်။”

မေး။ ။တကယ်လို့ Lanna တက္ကသိုလ်နဲ့ ညှိနိုင်းမယ်ဆိုရင် ကလေးတွေက ထိုင်းဘာသာရပ်နဲ့ ပက်သက်ပြီးတော့ အခက်ခဲတွေ အများကြီးရှိမှာပေါ့ ဒီနှစ်အတွင်းတော့ မဖြစ်နိုင်ဘူးပေါ့။

“ အနည်းစုလောက်ပဲ ရှိမယ်။ သဘောက GED သင်တန်းတွေနဲ့ ထိုင်းဘာသာ အခြေခံ တော်တော်များများ ရှိတဲ့ ကလေးကျတော့ သိပ်အခက်အခဲ မရှိဘူး။ လာမယ့်နှစ်မှာ ဖြစ်လာနိုင်တယ်။ နောက်တစ်ခုက ထပ်တည်ဆောက် ထားတာက ဒီအောက်တိုဘာလ ကျရင် ၇ တန်း ကနေ ၁၂ တန်းအထိ ထိုင်း NFE နဲ့ချိတ်ပြီး ကျောင်းမှာ လာသင်မယ်။”

မေး။ ။ လာမယ့်နှစ်ကျရင် ထိုင်းတက္ကသိုလ်မှာ တက်ခွင့်ရနိုင်မယ့် အခြေအနေရှိလား

“ Payap နဲ့ Lanna တက္ကသိုလ် တွေနဲ့ ထပ်ပြီးတော့ ညှိနိုင်းတာမျိုး အဲသလောက်ပဲဖြစ်နိုင်ချေ ရှိသေးတယ်။ ဆိုလိုတာကတော့ မြန်မာပြည်မှာ ဆယ်တန်း အောင်လက်မှတ်ရှိမှ ပြန်တက်လို့ ရတာမျိုး GED program မျိုးနဲ့ ထပ်မံ ညှိဖို့ လိုပါသေးတယ်။”

“ပညာရေး အပိုင်းမှာတော့ အကြမ်းလုပ်ထားတာပဲ ရှိသေးတယ်။ နောက်ပိုင်း ဒီပညာရေးနဲ့ပက်သက်ပြီးတော့မြန်မာ ဘက်ကသော်၎င်း၊ ထိုင်းဘက်ကသော်၎င်း အားလုံးအတွက် ခြုံပြီးတော့ တရားဝင်မှုတွေ အသိအမှတ်ပြုမှုတွေရရှိနိုင်ဖို့အတွက်CDC အနေနဲ့ တဦးတည်း ကြိုးစားနေတာမျိုး မဟုတ်ပဲ ဆရာကျော်ကျော်မင်းထွဋ်တို့အဖွဲ့အပါအ၀င် NGO တွေ ထိုင်းမြန်မာ နယ်စပ် တလျှောက်မှာ ရှိတဲ့ အဖွဲ့တွေ အားလုံးက ပူးပေါင်းပြီး NEII ဖေါင်ဒေးရှင်း အနေနဲ့လုပ်သွားတာမျိုး ဖြစ်တယ်။”

(NEII) ရွေ့ပြောင်း အလုပ်သမားပေါင်းစပ် ပညာရေးဖော်ဆောင်ရေးလို့ ခေါ်တယ်။ဘာဖြစ်လို့ပေါင်းစပ် ပညာရေးလို့ခေါ်သလဲဆိုတော့သူတို့သုံးမယ့် program တွေ အောင်လက်မှတ်တွေ ထိုင်း၊မြန်မာ နှစ်နိုင်ငံစလုံး အသိအမှတ်ပြုဖို့ သင်ကြားတဲ့ နေရာမှာရော စစ်ဆေးတဲ့ နေရာမှာပါ နှစ်ဖက်လုံးက ပေါင်းစပ်တဲ့ ပုံစံဖြစ်ရမယ်။ အဲဒီပုံစံကို စုပေါင်းပြီး အကောင်အထည် ဖော်နေတဲ့သဘောပါ။

လောလောဆယ် Migrant ကျောင်းကနေပြီးတော့ အထက်တန်း အောင်လက်မှတ်ကို ဘယ်ကျောင်းကနေမှ ထုတ်ပေးတာ မရှိသေးဘူး။ အဲလိုမျိုးထုတ်ပေးထားတာ မရှိတဲ့အတွက်ကြောင့် ကျနော်တို့မှာ အသိအမှတ်ပြုဖို့အတွက် လိုက်ပြီးတော့ ကြိုးစားကြတာပေါ့။ အခုလောလောဆယ် အောင်လက်မှတ်ကို အသိအမှတ်ပြုတာထိုင်းရဲ့ NFE လို့ခေါ်တယ်။ NFE program အောက်ကနေပြီးတော့ အထက်တန်းအောင်လို့ ရှိရင် ထိုင်းတက္ကသိုလ် ဆက်တက်လို့ ရတယ်။

ဒါမှမဟုတ်လို့ ရှိရင်မြန်မာပြည်က ဆယ်တန်းအောင်ရင် တက္ကသိုလ် ဆက်တက်ခွင့် ရတယ်။ ဒါမှမဟုတ် နိုင်ငံတကာ အသိအမှတ်ပြု GED တို့ အောင်လို့ရှိရင် တက္ကသိုလ် ဆက်တက်လို့ ရတယ်။ လောလောဆယ် လုပ်နေတဲ့ စနစ်မှာက ရေရှည်အတွက်ကို မပြေလည်တဲ့ ကိစ္စတွေ အများကြီးရှိတယ်။ ဥပမာထိုင်း NFE ကျောင်းပြင်ပ ပညာရေးက ၆ နှစ်ကြာတယ်။

မြန်မာပြည်သားတွေက ထိုင်းဘာသာကို မကျွမ်းကျင်တဲ့ အတွက် အသက် ဘယ်လောက်ပဲ ရှိရှိ မူလတန်းကနေ ပြန်တက်ရတဲ့ အခြေအနေတွေ ရှိတယ်။ သူတို့အတွက် အချိန် ၆နှစ်က မနည်းဘူးလေ။

မြန်မာနိုင်ငံကဆယ်တန်း အောင်လက်မှတ်ကိုတစ်ချို့ တက္ကသိုလ်တွေက အသိအမှတ်ပြု တယ်။ နာမည်ရ တက္ကသိုလ်တွေကျတော့ အသိအမှတ်မပြုကြဘူး။ နောက်ဆုံး တစ်ချက်က နိုင်ငံတကာ အသိအမှတ်ပြုတဲ့ GEC တို့ အောင်လက်မှတ်တွေ အဲဒီဟာတွေက ကျနော်တို့ လိုအပ်ချက်အရ သင်ပေးနေရတယ်။

တကယ်တမ်းပြောရမယ်ဆိုရင် အလုပ်သမားတွေရဲ့ အသုံးချနိုင်မှုအတွက် ကိုက်ညီတဲ့ ကိစ္စတွေကို ကျနော်တို့ညှိတယ်။ ဘာဖြစ်လို့လဲ ဆိုတော့ GED ကျောင်းကလည်း အမေရိကန်အကြောင်းကို focus ထားပြီးတော့ သင်ရတယ်။ ကျောင်းသားတွေရဲ့တကယ့် တက်မြောက်မှုဟာအင်္ဂလိပ်စာဖြစ်တယ်။ဒါပေမယ့် social study မှာ အမေရိကန် အကြောင်းပဲ အများစု သင်တဲ့အတွက် အမေရိကန်ကို သွားပြီး အခြေချမယ့် သူတွေက တော်တော်နည်းပါတယ်။ ဒါကြောင့် သူတို့ အတွက်လက်တွေ့ အသုံးချနိုင်မှုကနည်းတယ်။အခု လက်ရှိဖြစ်နေတဲ့ အခြေအနေကို ရေရှည်အတွက် တည်တံ့တဲ့ ပညာရေးဖြစ်အောင် ဝိုင်းကြိုးစားနေကြတယ်။

ဆယ်နှစ်တန်းအောင်တဲ့ ကိစ္စမှာ ဘယ်ကျောင်းက အောင်လဲဆိုတာ မေးစရာတွေ ဖြစ်လာတယ်။ လောလောဆယ် အခြေအနေပြောရမယ်ဆိုရင် migrant ကျောင်းတွေက ၇ တန်းအောင်ရင် ဘယ်မှသွားလို့မရဘူး။ လောလောဆယ် အောင်လက်မှတ်တွေ အသိအမှတ်မပြုဘူး။ ကျနော်တို့မှာကြိုးစားနေတဲ့အချက် သုံးချက်ရှိတယ်တစ်ခုကကျတော့ ဒီကျောင်းတွေကို တရားဝင် အသိအမှတ်ပြုရေး နောက်တစ်ချက်က အဲဒီကျောင်းတွေကသင်ကြားမယ့်သင်ရိုးညွန်း တမ်းပေါ့။

Migrant ကျောင်းတွေက တစ်နေရာနဲ့ တစ်နေရာလိုအပ်ချက်အရ စိတ်ဝင်စားမှုအရ တစ်အားကွာခြားတယ်။ မဲဆောက်ဒေသ ၊ ကန်ချနဘူရီဒေသ ၊ ချင်းမိုင်ဒေသ ၊ မဟာချိုင်ဒေသ သင်ရိုးသင်တန်းတွေက ကွာခြားချက်တွေ ရှိတယ်။ ရေရှည် သတ်မှတ်လို့ရတဲ့သင်ရိုးညွန်းတမ်းတွေ မရှိဘူး။ ဒုတိယ အချက်အနေနဲ့ကျနော်တို့လုပ်ရမှာက စံနမူနာပုံစံဖြင့်သင်ရိုးညွန်းတမ်းသတ်မှတ်ဖို့ အခုလောလောဆယ်ဒီပြသနာကို အရင် လုပ်နေရတယ်။ တတိယ အချက်ကကျ တော့အဲလိုမျိုးသင်ကြားပြီးတဲ့အခါမှာ နှစ်နိုင်ငံက အသိအမှတ်ပြုဖို့ အတွက် နှစ်နိုင်ငံ ပညာရေးဌာနကနေ ဆွေးနွေးရဦးမယ်။

ထိုင်းနိုင်ငံအတွင်းတွင် မြန်မာနိုင်ငံသား ကလေးငယ်များ၏ စုစုပေါင်း ကလေး (၇၀) ရာနှုန်းသည် မဲဆောက်ဒေသတွင် တည်ရှိနေပါသည်။မြန်မာရွှေ့ပြောင်း ကလေးများသည် မြန်မာနိုင်ငံသို့ပြန်ပြီး တက္ကသိုလ် တက်ရန် အခက်အခဲ နှစ်မျိုးဖြင့် ရင်ဆိုင်နေရကြောင်း ဆိုပါသည်။

(၁) ကျောင်းစရိတ်မ တတ်နိုင်ခြင်း၊ (၂) ပညာရေး စနစ် နောက်ကျကျန်ခြင်း တို့ကြောင့် တက်ရောက်လိုသူ နည်းပါးနေခဲ့သည်ဟု ဆိုပါသည်။ ဤသို့ကြောင့် ထိုင်းနိုင်ငံသို့ ရောက်ရှိနေသော မြန်မာနိုင်ငံသားပင် ဖြစ်စေကာမူ ထိုင်းနိုင်ငံတွင် တက္ကသိုလ် ပညာသင်ခွင့် ရရန်ကြိုးစားလာခြင်းဖြစ်ပါသည်။