မြန်မာသံတော်ဆင့် ဂျာနယ်ကနေ အရင်လတုန်းက ဖော်ပြခဲ့တဲ့ အကြောင်းအရာတစ်ခုမှာ သမ္မတ ဦးသိန်းစိန်ရဲ့ ဂုဏ်သိက္ခာကို ထိခိုက်စေမယ့် အရေးအသားမျိုးတွေ ပါဝင်တယ်ဆိုပြီး တရားစွဲဆိုမှာ ဖြစ်သလို Daily Eleven ဂျာနယ်ကလည်း ဆက်သွယ်ရေးဝန်ကြီးဌာနကနေ ပုံနှိပ်စက် ဝယ်ယူရာမှာ ဈေးနှုန်း ပိုပြောတယ် ဆိုတဲ့ အရေးအသား တွေအပေါ် တရားစွဲဆိုမှာ ဖြစ်ပါတယ်။
မြန်မာအစိုးရကနေ ယာယီ စာနယ်ဇင်းကောင်စီကနေ တဆင့် ဂျာနယ်မှာ ပါတဲ့ အရေးအသားတွေကို ပြင်ပေးဖို့ ပြောလာပေမယ့် ဂျာနယ်တွေက ပြင်မပေးတာကြောင့် တရားစွဲဆိုဖို့အထိ ဖြစ်လာတာလို့ ပြန်ကြားရေးဝန်ကြီးလည်းဖြစ် သမ္မတရဲ့ ပြောခွင့်ရပုဂ္ဂိုလ်လည်း ဖြစ်တဲ့ ဝန်ကြီး ဦးရဲထွဋ်က အင်္ဂါနေ့တုန်းက ဧရာဝတီသတင်းဌာနကို ပြောပါတယ်။
Eleven ဂျာနယ် ကတော့ သူတို့ရရှိတဲ့ အချက်အလက်နဲ့ သက်သေတွေအပေါ် အခြေခံပြီး ရေးထားတာဖြစ်လို့ အမှားလုပ်မိတယ်လို့ မခံစားရကြောင်း၊ ဥပဒေကြောင်းအရ ရင်ဆိုင်သွားမှာ ဖြစ်တယ်လို့လည်း ပြောပါတယ်။
မြန်မာသံတော်ဆင့် ဂျာနယ်ကလည်း ကောင်းမွန်စွာ ဖြေရှင်းဖို့ ကြိုးစားခဲ့ပေမယ့် အောင်မြင်မှု မရှိဘူးလို့ ဧရာဝတီကို ဖြေကြားခဲ့ပါတယ်။
No comments:
Post a Comment