စိုးသန်းလင်း
၂၀၁၄-၁၅ ဘဏ္ဍာနှစ်အတွက် အစိုးရအဖွဲက နောက်ထပ် ဖြည့်စွက်တောင်းခံငွေ (RE: Revised Estimated) များတွင် ပြည်ထောင်စု လွှတ်တော်က ခွင့်ပြုမထားသည့် လုပ်ငန်းများ ပါဝင်နေသည်ဟု ပြည်သူ့လွှတ်တော် ဘဏ်များနှင့် ငွေရေးကြေးရေးဆိုင်ရာ ဖွံ့ဖြိုးတိုးတက်ရေး ကော်မတီဝင် ဒေါ်ခင်စန်းလှိုင်က ပြည်ထောင်စုလွှတ်တော် ၁၁ ကြိမ်မြောက် အစည်းအဝေးတွင်ပြောခဲ့သည်။
“ပြည်ထောင်စု လွှတ်တော်ရဲ့  ခွင့်ပြုချက် မရသေးဘဲ သမ၀ါယမ၀န်ကြီးဌာနဟာ China EXIM Bank နဲ့ စပ်လျဉ်းပြီး ချေးငွေ ဒေါ်လာသန်း ၃၀၀ အတွက် ဝန်ဆောင်ခ တစ်ရာခိုင်နှုန်း၊ နှစ်လစာအတိုး ကျပ်သန်း ၂,၂၀၅၊ ပေါင်း ကျပ် ၅,၁၄၅ သန်း ဖြည့်စွက်တောင်းခံထားပါတယ်” ဟု ၎င်းက ဝေဖန်ထောက်ပြခဲ့သည်။
သမ၀ါယမ ဝန်ကြီးဌာနသည် ထိုချေးငွေကို micro-finance လုပ်ငန်းအဖြစ် ပြည်တွင်း၌ တစ်ဆင့်ပြန် ချေးမည်ဖြစ်ပြီး ထိုလုပ်ငန်းအတွက် ပြည်ထောင်စု လွှတ်တော်၏ ခွင့်ပြုချက်မရသေးသည်ကို ၎င်းက ရည်ညွှန်းပြောဆိုခြင်း ဖြစ်သည်။
“ချေးငွေတွေကို အတိုးနှုန်း ဘယ်လောက်နဲ့ ထပ်ဆင့် ပြန်ချေးမှာလဲ၊ အတိုးနှုန်း ကွာဟမှုက ဖြစ်ပေါ်လာမယ့် အကျိုးအမြတ် ဘယ်လိုခွဲဝေသုံးစွဲမှာလဲ ဆိုတာကို ဖော်ပြဖို့လိုတဲ့အပြင် ထပ်ဆင့်ချေးငွေတွေကို သ/မ၀န်ကြီးဌာနက ဘယ်လို စီမံခန့်ခွဲမှာလဲကိုပါ ရှင်းလင်းဖော်ပြဖို့ လိုပါတယ်” ဟုလည်း ဖြည့်စွက်ပြောသည်။
သ/မ ဝန်ကြီးဌာနက ယခုဖြည့်စွက်တောင်းခံသည့် RE ပမာဏမှာ ပြည်ထောင်စု လွှတ်တော်က မူလခွင့် ပြုထားငွေ BE ထက် ငါးဆကျော် ပိုများနေပြီး အားကစား ဝန်ကြီးဌာန၊ လယ်/ဆည် ဝန်ကြီးဌာနနှင့် ပြန်ကြားရေး ဝန်ကြီးဌာနတို့လည်း မူလခန့်မှန်းငွေနှင့် ကွဲလွဲနေသည်။
No comments:
Post a Comment