စာကြည့်တိုက်ဖွင့်ပွဲကို ပြည်သူ့လွှတ်တော်ကိုယ်စားလှယ် ဦးစိုင်းတင်ဦးက ဖွင့်လှစ်ပေးခဲ့ကြောင်း၊ SNLD ကျားခေါင်းပါတီအဖွဲ့ဝင်များ၊ SNDP ကျားဖြူ ပါတီအဖွဲ့ဝင်များ၊ သျှမ်း၊ ပလောင် (တအာန်း) ၊ ကချင်၊ လီရှော စာပေ/ယဉ် အဖွဲ့ဝင်များ၊ ဌာနဆိုင်ရာဝန်ထမ်းများ၊ ကျောင်းသား /သူများနှင့် ရပ်မိရပ်ဖ ဒေသခံ စုစုပေါင်း ၂၀၀ ထက်မနဲ တက်ရောက်ကြကြောင်း ဂျေဟိုင်းကျေးရွာနေ စိုင်းအိုက် ကဆိုသည်။
စာကြည့်တိုက်ထဲ၌ လက်ကိုင်ဖုန်းဖြင့်ဖတ်ရှုနိုင်ရန် Online e-book စက်တစ်လုံး၊ ရသစုံ သျှမ်း-မြန်မာစာ စာအုပ်များ၊ သတင်းဂျာနယ်များ ထားရှိပေးသည်ကိုတွေ့ရကြောင်း ဖွင့်ပွဲသို့ တက်ရောက်လာသော နမ့်ခမ်းမြို့မှ SNLD ကျားခေါင်းပါတီအလုပ်အမှုဆောင်တစ်ဦးကဆိုသည်။
၈၈ တပ်မမှူး ဦးသက်ထွန်းနှင့် ခရိုင်ပြန်ကြားရေးဦးစီး ဦးအယ်(လ်)စိုး တို့လည်း ဖွင့်ပွဲ တက်ရောက် အမှာစကားပြောကြားခဲ့သည်ဟု ၄င်းကပြောသည်။
ဂျေဟိုင်းကျေးရွာတွင် ဖွင့်လှစ်ခဲ့သော ဂျေဟိုင်း-မန့်ကန့်ကျေးရွာ နှစ်ရွာပေါင်း ပြည်သူ့စာကြည့်တိုက် ဖြစ်မြောက် ရေးအတွက် မြန်မာနိုင်ငံစာကြည့်တိုက်ဖောင်ဒေးရှင်းအဖွဲ့မှ ကျပ်ငွေ(၁၀)သိန်း မတည်ကူညီပေးခဲ့ပြီး ဒေသခံများ စေတနာရှင်များ၏ အဓိကအင်အားဖြင့် တည်ဆောက်ဖွင့်လှစ်ခဲ့ကြောင်း ဒေသခံ များထံမှသိရသည်
No comments:
Post a Comment